Hosea 13:1-16
13 “Ge Efuraime a be a bolela, batho ba ile ba thothomela.O be a tumile kudu gare ga Baisiraele.
Eupša o ile a ba le molato ka gobane o be a rapela Baali ke moka a hwa.
2 Bjale ba dira sebe se sengweKa go itirela medimo ya diswantšho ka silifera ya bona.Ba dira medingwana ya diswantšho e lego mošomo woo o dirwago ke batho bao ba nago le bokgoni.
Ba re go yona: ‘Anke batho bao ba dirago dihlabelo ba khise diswantšho tša namane.’
3 Ka gona ba tlo ba bjalo ka maru a mesongLe bjalo ka phoka yeo e hwelelago ka pela.Ba tlo ba bjalo ka mooko* woo o tšewago ke ledimo seboeng*Le bjalo ka muši wo o tšwago tšhimeleng.
4 Lena setšhaba sa ka, nna Jehofa ke Modimo wa lena go tloga nakong ya ge le be le etšwa nageng ya EgepetaLe be le sa tsebe Modimo yo mongwe ge e se nna,Le gona ga go mophološi yo mongwe ka ntle le nna.
5 Ke le tsebile le sa le lešokeng, nageng yeo e omilego.
6 Le ile la khora ka gobane le be le na le dijo tše dintšhi.Le ile la khora ke moka la thoma go ikgogomoša.
Ke ka baka leo le ilego la ntebala.
7 Ke tla le hlasela bjalo ka tawana,Le bjalo ka lepogo leo le laletšego tseleng.
8 Ke tla le hlasela go swana le bere yeo e timeletšwego ke bana ba yona,Gomme ka le gagola dikgara.
Ke tla le jela moo ka le fetša tše e kego le jelwe ke tau.Sebata sa lešoka se tla le rathaganya.
9 Se tlo le fediša lena setšhaba sa Isiraele,Ka gobane le ntlhanogetše, le hlanogetše nna mothuši wa lena.
10 Bjale e kae kgoši ya lena gore e tle e le phološe metseng ya lena ka moka,Le babuši* ba lena bao le boletšego ka bona la re:‘Re fe kgoši le dikgošana’?*
11 Ke le file kgoši ke befetšweE bile ke tla e tloša ke galefile.
12 Molato wa Efuraime o ka se lebalwe,Dibe tša gagwe ka moka di tla balwa gomme tša bolokwa.
13 Yena o tla kwa bohloko go swana le mosadi yo a belegago.
Eupša ke ngwana wa setlaela,Ga a nyake go tšwa ge e le nako ya gore a belegwe.
14 Ke tla hlakodiša batho ba ka Lebitleng,*Ka ba lopolla lehung.
Wena Lehu, matla a gago a go baka bohloko* a kae?
Wena Lebitla,* matla a gago a go senya a kae?
Nka se ba kwele bohloko.
15 Le ge Efuraime a ka enywa gare ga mahlaka,Jehofa o tla tliša moya wa go fiša woo o tšwago ka bohlabela,Moya woo o tla be o etšwa leganateng gore o tle o pšheše sediba sa gagwe le go omiša moo meetse a tšwago gona.
Motho yo mongwe o tla thopa dilo tša gagwe ka moka tše bohlokwa.
16 Samaria o tla bonwa molato ka ge a hlanogetše Modimo wa gagwe.
O tla bolawa ka sabola.Bana ba gagwe ba tla bolawa ga sehlogo,Gomme basadi ba gagwe ba baimana ba tla gagolwa.”
Mengwalo ya tlase
^ Goba, “moroko.”
^ Bona Tlhaloso ya Mantšu.
^ Phetolelo ya lentšu ka lentšu e re, “baahlodi.”
^ Goba, “barwa ba kgoši.”
^ Bona Tlhaloso ya Mantšu.
^ Goba, “mabolela.”
^ Bona Tlhaloso ya Mantšu.
