Diema 10:1-32
10 Diema tša Solomone.
Morwa yo bohlale o thabiša tatagweEupša morwa wa setlaela o nyamiša mmagwe.
2 Go hwetša mahumo ka go dira dilo tše mpe ga go na moholaEupša go dira dilo tše di lokilego go phološa motho lehung.
3 Jehofa a ka se dumelele gore moloki a bolawe ke tlala,Eupša o tla tima batho ba babe dilo tšeo ba di kganyogago.
4 Motho wa go tšwafa o tla diilaEupša yo a šomago ka thata o tla huma.
5 Morwa yo a nago le bohlale o a buna nakong ya selemo,Eupša morwa yo a hlabišago dihlong o a robala nakong ya puno.
6 Moloki o tla šegofatšwa,Eupša molomo wa yo mobe, o utile dilo tše šoro.
7 Moloki o tla gopolwa gomme a šegofatšwa,Eupša leina la yo mobe le tla lebalwa.
8 Motho yo bohlale o tla amogela dikeletšo,Eupša yo a bolelago dilo tša bošilo o tla tlaišega.
9 Motho yo a dirago dilo tše di lokilego o tla phela a šireletšegile,Eupša yo a sa botegego, ditsela tša gagwe di tla utologa.
10 Yo a ponyaponyetšago batho leihlo o tla ba kweša bohloko,Le gona yo a bolelago dilo tša bošilo o tla gatakelwa.
11 Dilo tšeo motho wa go loka a di bolelago, di a phediša,*Eupša molomo wa yo mobe o utile dilo tše šoro.
12 Lehloyo le baka diphapano,Eupša lerato le bipa diphošo ka moka.
13 Motho yo a lokilego o bolela dilo tše bohlale,Eupša motho wa setlaela o tla otlwa ka thupa.
14 Ba bohlale ba dula ba ithuta ka dilo tše bohlokwa,Eupša molomo wa setlaela o baka mathata.
15 Dilo tše bohlokwa tša mohumi di swana le motse wo o šireleditšwego,
Eupša modiidi o a tlaišega ka ge a se na selo.
16 Dilo tšeo moloki a di dirago, di dira gore a phele,Eupša mediro ya motho yo mobe e feleletša ka sebe.
17 Yo a amogelago tayo, o iša ba bangwe tseleng ya bophelo,*Eupša yo a ganago kgalemelo o aroša ba bangwe tseleng ya bophelo.
18 Yo a itirago eka o rata batho ba bangwe mola a ba hloile, o bolela maaka.Yo a phatlalatšago dipolelo tša maaka* ka batho ba bangwe, ke setlaela.
19 Motho yo a bolelago kudu, mafelelong o tlo dira diphošo,Eupša yo a naganago pele a bolela o bontšha temogo.
20 Dilo* tšeo moloki a di bolelago di swana le silifera e botse,Eupša dilo tšeo motho yo mobe a di naganago,* ga di na mohola.
21 Mantšu a moloki a tla thuša batho ba bantšhi gore ba dire dilo tše di lokilego,Eupša mašilo a tla hwa ka baka la botlaela bja ona.
22 Ditšhegofatšo tše di tšwago go Jehofa di dira gore motho a atlege,E bile Modimo ga a dire gore motho yoo a di hwetšago a kwe bohloko.
23 Setlaela se tšea go itshwara ka tsela yeo e lešago dihlong e le papadi,Eupša motho yo bohlale o na le temogo.
24 Motho yo mobe o tla diragalelwa ke dilo tšeo di mo tšhošago,Eupša moloki o tla newa dilo tšeo a di kganyogago.
25 Go no swana le ge ledimo le senya dilo, motho yo mobe le yena o tla senywa ka yona tsela yeo,Eupša moloki o swana le fantešeni yeo e dulago e le gona go ya go ile.
26 Sebodu se tena motho yo a se romago* go swana le binika yeo e šiišago menoLe go swana le muši woo o fahlago mahlo.
27 Motho yo a boifago Jehofa o tla phela nako e telele.Eupša yo mobe o tla hwa ka pela.
28 Dilo tšeo baloki ba di holofetšego, di a ba thabišaEupša dilo tšeo batho ba babe ba di holofetšego, di tlo hwelela.
29 Mediro* ya Jehofa e dira gore motho yo a se nago molato a ikwe a šireletšegile,Eupša mediro ya batho ba babe, e tla dira gore ba fedišwe.
30 Ga go na seo se ka wišago moloki,Eupša yo mobe a ka se sa dula lefaseng.
31 Moloki o bolela dilo tše bohlale,Eupša yo a bolelago maaka o tla fedišwa.
32 Moloki o kgona go bolela dilo tšeo di kgahlišago,Eupša motho yo mobe o bolela maaka.
Mengwalo ya tlase
^ Phetolelo ya lentšu ka lentšu e re, “ke mothopo wa bophelo.”
^ Goba mohlomongwe, “o tseleng ya bophelo.”
^ Goba “mabarebare.”
^ Phetolelo ya lentšu ka lentšu e re, “Leleme la moloki.”
^ Phetolelo ya lentšu ka lentšu e re, “pelo ya motho yo mobe.”
^ Goba “mongmošomo.”
^ Phetolelo ya lentšu ka lentšu e re, “Tsela.”
