Ka ho Bhayibeleng, lentsu lo ba le hlatolliyeng la gore “tsogo” le tšwa ga lentsu la Segerika la gore a·naʹsta·sis, la gore le rela “go tsosa” kela “go tlogamela fote.” Motho wa gore ba mo tsusiye ga bo ba kgwileng ba mmusetsa gore a tle a phele fote, go le motho yenela wa gore ke mo re mo tšiba botala.​—1 Makorente 15:12, 13.

 Lentsu lowa la gore “tsogo” a le šiyo ga Mangwalo ya Seheberu, ya gore fote ma tšibega go le Testamente ya Botala, mara tso ma di tšhutisang ka taba yowa dya nyarela ga wona. Mo re beyisa, Modimo o berekisiye moporofeta Hosiya mo a tshepisa gore: “Ke nyoko ba lepolla molomong wa Lebitla; ke nyoko ba phonisa likgung.”—Hosiya 13:14; Jobo 14:13-15; Jesaya 26:19; Daniyele 12:2, 13.

 Batho ba nyoko tsogela kaye? Batho ba bangwana ba ba tsosela gore ba ye phela legedimong gore ba lawole le Kretse go le magoši. (2 Makorente 5:1; Kutullo 5:9, 10) Bhayibele yi re yowa ke tsogo ya ‘mathomo’ fote tsotsone di rela gore go nyoko ba le tsogo ye nngwana ya go latela. (Kutullo 20:6; Mafilipi 3:11) Tsogo ya go latela ke ya go phela ho lefaseng, ya gore moririmane wa batho ba gore ba tsusiwwe wo nyoko jabolela lephelo.—Pisalema 37:29.

 Batho ba nyoko tsusiwa ka mokgo mang? Modimo o neyye Jeso matšhika ya gore a tsose batho. (Johane 11:25) Jeso o nyoko busetsa “bo ba leng dilahlong” gore ba tle ba phele, ye mongwana le ye mongwana go ya ka mohlobo wage, ka mokgo a leng ka gona le tso a di gopolang. (Johane 5:28, 29) Bo ba gore ba nyoko tsogela legedimong ba nyoko kraya mmele wa go phela legedimong, ke mokane bo ba gore ba nyoko tsogela ho lefaseng ba nyoko kraya mmele wa go phela ho lefaseng, wa gore wo yenele.—Jesaya 33:24; 35:5,6; 1 Makorente 15:42-44, 50.

 Go nyoko tsusiwa bomang? Bhayibele yi re “o nyoko tsosa batho bo ba kgwileng ka mokana ga bona, ba go loka le ba go sa loka.” (Mebereko 24:15) Ga batho ba go loka go kena le bo ba gore ke mo ba na le tumelo, ba go tshwana le Nnowa, Sara le Abhrahama. (Genesi 6:9; Maheberu 11:11; Jakobo 2:21) Ga batho ba go sa loka go kena le ba gore ne ba sa tšibi molawo wa Modimo fote a sanka ba thulegela ke lešuba la gore ba tšhute ka wona le go wo berekisa.

 Mara ba gore ba makiye dilo tsa go sa loka ba šinya ba tlanyela, ba ka sa ba tsose. Mo batho ba mošaga wonone ba kgwa ke moka go fediye ka bona, ba ka sa yi leke tsogo.—Matewu 23:33; Maheberu 10:26, 27.

 Ba nyoko tsusiwa leng? Bhayibele yi hlayye botala gore tsogo ya go ye phela legedimong yi nyoko makega ka dinako tsa mo Kretse a segela, tsotsone di thomisiye ka 1914. (1 Makorente 15:21-23) Tsogo ya go phela ho lefaseng yi nyoko makega ka dinako tsa mo Jeso Kreste a Lawola Sekete sa Mengwaga, mo lefase ba le maka gore go be pharadeyisi.—Luka 23:43; Kutullo 20:6, 12, 13.

 Ke ntaba di kwagala go dumela ga taba ya tsogo? Bhayibele yi na le nkokwane ya ditaba tsa go bolabola ka tsogo, ga ye nngwana le ye nngwana ya tsona go na le bo ba di bonneng ka maahlo. (1 Magoši 17:17-24; 2 Magoši 4:32-37; 13:20, 21; Luka 7:11-17; 8:40-56; Johane 11:38-44; Mebereko 9:36-42; Mebereko 20:7-12; 1 Makorente 15:3-6) Taba ya gore Jeso o yye a tsosa Lazaro di nyaka re yi tseyele hlogong, ka taba la gore ke mo go šele go fitiye matšatši ka mane Lazaro a hlokofele fote Jeso o yye a maka mohlolo batho ba go tlala ba kene ba mo lebelele. (Johane 11:39, 42) Le bo ba gore ke mo ba phigisa Jeso ne ba ka sa gane gore taba yowa yi makegiye, byalo ba yye ba polana go bolaya Jeso le Lazaro.—Johane 11:47, 53; 12:9-11.

 Bhayibele yi šupetsa gore Modimo wa di kgona tsa go tsosa bo ba hlokofeleng fote o nabela go di maka tsotsone. O dula a gopola ye mongwana le ye mongwana ye a hlokofeleng wa gore o nyoko mo tsosa a berekisa matšhika yage ya go sa hlayisege. (Jobo 37:23; Matewu 10:30; Luka 20:37, 38) Modimo o kgona go busetsa bo ba hlokofeleng gore ba tle ba phele fote wa di nyaka go maka tsotsone! Mo Bhayibele yi bolabola ka Modimo ga taba ya tsogo ya gore yi sa ga tla yi re: “O nyoko hlologela mmereko wa matsogo yago.”—Jobo 14:15.

Tso batho ba sa di kwisising gabutši ga taba ya tsogo

 Dilo tso batho ba di hlayang tsa gore a di šiyo: Tsogo ke mo ba gahlanisa moya le mmele fote.

 Nnete: Bhayibele yi tšhutisa gore moya ke motho ka boyene, a yi se sengwana sa gore se fo ya mahlong se kene se phela mo yene a hlokofele. (Genesi 2:7; Hezekiyele 18:4) Motho ye ba mo tsusiyeng ga bo ba kgwileng a ba mo gahlanisi le moya wage fote; mara ba mo maka gore go be motho wa go phela.

 Dilo tso batho ba di hlayang tsa gore a di šiyo: Batho ba bangwana baa tsusiwa ke mokane ba fetsa ka bona ka nako yonone.

 Nnete: Bhayibele yi re “bo ba makiyeng dilo tsa go sa loka ba nyoko tsusiwa gore ba yahludiwe.” (Johane 5:29) Mara batho bone ba nyoko ba yahlula ba lebelele dilo tso ba di makang ka nthago ga gore ba tsusiwe, go seng tso ba di makiyeng botala. Jeso o yitseri: “Bo ba kgwileng ba nyoko kwa lentsu la Morwayi wa Modimo, fote bo ba theetseleng ba nyoko phela.” (Johane 5:25) Bo ba ‘theetselang’, tso ba di tšhutang ka nthago ga gore ba tsusiwe, ba nyoko ngwala mabitso ya bona ga “puku ya lephelo.”—Kutullo 20:12, 13.

 Dilo tso batho ba di hlayang tsa gore a di šiyo: Mo motho ba mo tsosa, o kraya mmele wonola ke mo a le nawo mo a soko bane a hlokofala.

 Nnete: Mo motho a hlokofele, mmele wage wo nyoko sinyega.—Mmolabodi 3:19, 20.