Tsa go Tšwa ga Jakobo 5:1-20
5 Lune batho ba go ghanya ntheetseleng, llaneng le boye le ro gotla ka taba la dilo tsa go baba tso di nyoko le makegelang.
2 Dilo tso le ghannyeng ka tsona di bodiye fote dikobo tsa lune di jile ke mohlwa.
3 Digholdi le disilva tsa lune di khuriye, go khura ga tsona go nyoko šupetsa dilo tso le di makang tsa gore a di ya loka fote gwa ja nama ya lune. Ka dinako tsa mafelelo dilo tso le di beyyeng di nyoko tshwana le mollo.
4 Batho bo ne ba bereka go buna mašomong ya lune ba ya mahlong ba lla ka taba la gore a le ya ba patela, fote Jehova wa masole o ba kwile mo ba lla.
5 Le dula ga dipoleke tsa majabajaba fote le maka tsa go gelepa lune ho lefaseng. Le jile la boya la nona go tshwana le kgomu gwa šinya go segela letšatsi la gore le bolayiwe.
6 Le yahludiye yewa wa go loka la boya la mmolaya. Yene wa le ganetsa.
7 Magageru lefisaneng dipelo go šinye go segela Morena. Motho wa go lema o yemela diyengwa tsa lefase, o yemela pula ye nyana le ye kgolo a kene a lefisiye pelo.
8 Le lune le lefise dipelo, le šišimale ka taba la gore nako ya gore Morena a segele yi šele yi le thina.
9 Magageru, le sa kokole ka magageru ya mangwana gore le sa yahludiwi. Wa go yahlula o nyoko tla go se botala.
10 Magageru le tshwane le baporofeta ka gore ba yye ba bolabola ka lebitso la Jehova, ba tiyisele tsa go tlala fote ba lefisa pelo.
11 Re re bo ba gore ba tiyisele baa jabola.* Le di kwelele tsa gore Jobo o yye a tiyisela fote Jehova o yye a mo rufa ka taba la tsotsone, le gore Jehova o kwelana go baba fote o nyakanana ka matla.
12 Magageru, tso ke di hlayang le di tseyeleneng gedimo ka matla, le lisetseneng go tshepisa ka magedimo kela ka lefase kela ka selo se sengwana le se sengwana. Mara “Eya” ya lune go be eya le “Awwa” ya lune go be awwa gore le sa yahludiwi.
13 Ayitsano go na le motho wa gore o na le tsa go mo phiriketsa hone ga lune? A sa lisetse go rapela. Ayitsano go na le wa gore di mo sepelela gabutši? A yepelele dikoša tsa go thanaka.
14 Ayitsano hone gare ga lune go na le wa gore wa lwala? A bitse bagolo ba phutego gore ba mo rapelele fote ba mo tlotse makgura ka lebitso la Jehova.
15 Fote mo ba rapela ba tshepa gore Modimo o nyoko gelepa ye wa go lwala,* yene Jehova o nyoko mo yalafa. Mo nkare motho yene o sinnye, o nyoko tshwarediwa.
16 Byalo le sa tšhabe go botsana tso le di sinnyeng fote le rapelelane gore le ko thogo fola. Mo motho wa go loka a rapela di nyoko gelepa batho bangwana ka matla.
17 Eliya ke mo go le motho go fo tshwana le rune, mara nakwela a rapela di mmaba a kgopela gore pula yi sa ne, go fediye mengwaga ka meraro le kobodi ya dikgwedi pula yi sa ne hone nageng.
18 Ke mokane mo a boya a rapela, pula yi yye ya na yi tšwa magedimong fote naga ya ntsha diyengwa.
19 Magageru mo nkare ye mongwana o tšwile pateng ya nnete ke mokane ye mongwana a mmusetsa,
20 le di tšibeneng gore ye a busetsang motho wa gore o sinnye pateng o nyoko phonisa lephelo la motho yene a boya a mo gelepa gore a tshwarediwe ga tso a di sinnyeng.
