Samuwele wa Mathomo 4:1-22
4 Samuwele a bolabola le Maisrayele ka mokana ga wona.
Ke mokane Maisrayele ma ya ma ye lwa le Mafilisita; ma kampa thina le Ebheneza, mara Mafilisita ke mo ma kampiye Apheke.
2 Mafilisita ma kgobakana ma tilukiselela go lwa le Maisrayele, mara Maisrayele ke mo di sa ma sepelele gabutši ma hlula ke Mafilisita ya gore ma bolayye gana hala ga 4 000 ya banna mo ne ba lwela gona.
3 Mo masole ya Maisrayele ma boya mo ne ma kampiye gona, banna ba bagolo ba Israyele ba re: “Ke ntaba Jehova a lisetsiye Mafilisita ma re hlula lekgono? Tla re lateneng areka ya kwano ya Jehova ku Šilo, mo re buyye nayo yi nyoko re phonisa ga manaba ya rune.”
4 Ba roma batho gore ba ye Šilo, ba ya ba tseya areka yela ya Jehova wa masole wa gore o duli ka kgakala* ga makerubi. Barwayi ba Eli ka babedi (2), Hofni le Fineyase, le bona ke mo ba le mo go nang le areka ya gore yi kwanisanya batho le Modimo wa mannete.
5 Ba yitseri go segela le areka ya gore yi kwanisanya batho le Jehova mo ne ba kampiye gona, Maisrayele ka mokana ga wona ma yahlamela ma jabodiye gwa šinya go tekateka le ho fase.
6 Mo Mafilisita ma kwa ba yahlamela, ma re: “Ke ntaba go na le lešata le le kaa ku kampeng ya Maheberu?” Ba fetsa ba di kwelele gore go na le areka ya Jehova hone kampeng.
7 Mafilisita ma thomisa go tšhoga, ka gore ke mo ma re: “Modimo o tlile kampeng!” Byalo ba re: “Re mathatheng, selo sa go tshwana le sowa a se soko makega!
8 Re nyoko bona re makiye ying mara? Re nyoko phonisa ke mang ga Modimo yewa ye mogolo? Modimo yewa ke yene wa gore o thuwele Maegepita ka mohlobo wo mongwana le wo mongwana wa dilo tsa go bolaya ku mašahleng.
9 Šišimalaneng, le šupetse gore le banna lune Mafilisita gore le sa berekele Maheberu go tshwana le ka mokgo ne ma le berekela ka gona. Lwaneneng go tshwana le banna!”
10 Byalo Mafilisita ma lwa fote ma hlula Maisrayele ke mokane ye mongwana le ye mongwana a tšhabela letenteng lage. Go kgwile Maisrayele ya go tlala, 30 000 ya masole.
11 Fote ba tsere le areka ya Modimo, barwayi ba Eli ka babedi (2), Hofni le Fineyase, le bona ba kgwile.
12 Monna wa moloko wa Bhenjamini a tšhaba ku ntweng fote a segela Šilo ka letšatši lone, dikobo tsage ke mo di tlerogiye fote a na le dithila mo hlogong.
13 Mo monna yene a segela, Eli ke mo a duli setulong ka thoko ga pata a lebelele, ka taba la gore ne a tšhogele Areka ya Modimo wa mannete. Monna yene a kena mone mutšing a ba hlayisela tso di makegiyeng, fote batho ba mone mutšing ba thomisa go lla ka mokana ga bona.
14 Mo Eli a kwa sello sone a butsisa gore: “Sello se se kaa ke sa ying?” Monna yene a yakgoswa a ya a botsa le Eli ditaba tsone.
15 (Byalo, Eli ke mo a na le 98 ya mengwaga fote ke mo a sa sa bona)
16 Monna yela a re ga Eli: “Ke nna yela wa go tšwa ku ntweng! Ke tšhabiye ku ntweng lekgono.” Mo a reyane, Eli a re: “Go makiye byang morwayi?”
17 Byalo ye ne a tshwere ditaba tsone a hlaya gore: “Maisrayele ma tšhabelele Mafilisita ka gore ba ma hludiye fote ba go tlala ba kgwile; barwayi bago ka babedi (2), Hofni le Fineyase le bona ba kgwile, fote Mafilisita ma tsere Areka ya Modimo wa mannete.”
18 Mo Eli a kwa ba bolabola ka Areka ya Modimo wa mannete, a wa ka sekodi ga setulo so ne a se dulele mone thina le gheyiti, a robega molala ke mokane a kgwa ka taba la gore ke mo a tsofele fote a na le mmele. O fetsiye 40 ya mengwaga a yahlula Israyele.
19 Makoti wage, mosadi wa Fineyase ke mo a yimme fote a le thina le go belega. Mo a di kwelela gore Areka ya Modimo wa mannete ba yi tsere le gore ratswale wage le monnage ba kgwile, a yinama, a tlela ke lešoko a sa nagana ke mokane a belega.
20 Mo a kene a kgwa, basadi bo ne ba yemme thina naye ba re: “O sa tšhoge, ka taba la gore o belegiye ngwana wa mošomanyana.” A sa fetole fote a sa yisi felo ka tsona.
21 Mara a reya mošomanyana yene gore ke Ikhabhodi, a re: “Selo so ne se gadimisa Israyele ba se yisiye ga naga ye nngwana ka tšhinghi,” ke mo a bolabola ka Areka ya Modimo wa mannete le tso di makegeleng ratswale wage le monnage.
22 A re: “Selo so ne se gadimisa Israyele ba se yisiye ga naga ye nngwana ka tšhinghi, ka gore ba tsere Areka ya Modimo wa mannete.”
Ditwaba
^ Di ka fo rela gore “segare.”
