Jobho 14:1-22
14 “Umuntu obelethwe mfazi,Ukuphila kwakhe kufitjhani+ begodu kuzele imiraro.+
2 Uvela njengethuthumbo begodu atjhwabe* msinyana;+Ubaleka njengesithunzi, anyamalale.+
3 Amehlwakho amqalile,Begodu uyamahlulela.*+
4 Ngubani ongabeletha umuntu ohlwengileko yena angakahlwengeki?+
Akakho namunye!
5 Nangabe amalangakhe abaliwe,Yeke isibalo seenyanga zakhe sikuwe;Umbekele umkhawulo angeze aweqa.+
6 Lisa ukumqala bona aphumule,Bekube kulapho afumana ithabo njengombana kwenza isisebenzi esiqatjhiweko.+
7 Ngombana ngitjho nomuthi unethemba.
Nawuquntwako, uyatlhurha godu,Namahlumelawo azokuragela phambili akhula.
8 Umrabhawo nawuluphalela ehlabathiniNesidindi sawo sifela ehlabathini,
9 Nasizwa umnuko wamanzi sizokutlhurha;Siveze iimpande njengesitjalo esitjha.
10 Kodwana umuntu nakafako uphelelwa mamandla;Umuntu nakahlongakalako uyaphi?+
11 Amanzi ayanyamalala elwandle,Nomlambo utjhelwa mamanzi.
12 Kunjalo-ke nangabantu, bayalala kodwana bangavuki.+
Angekhe bavuke bekube kulapho izulu lingasekho,Namkha bavuswe ebuthongweni babo.+
13 Kwanga ungangifihla eThuneni,*+Ungifihle bekudlule ilaka lakho,Kwanga ungangibekela isikhathi sokungikhumbula!+
14 Umuntu nakafako, angaphila godu na?+
Ngizokulinda woke amalanga engibekelwe wonaBekube kulapho ngifumana ipumuzo.+
15 Uzokubiza, mina ngizokuphendula.+
Uzokukhanukela ukubona umsebenzi wezandla zakho godu.
16 Kodwana nje uqalisise yoke into engiyenzako;Uqala izono zami kwaphela.
17 Imitjhaphwami ivalelwe ngesikhwanyeni,Begodu unamathisele umtjhaphwami ngesinamathiselo.
18 Njengentaba nayiwako beyigirikeNelitje nalisuswa endawenalo,
19 Njengamanzi nakarhubha amatjeNemilanjana nayirhurhula ihlabathi,Ulitjhabalalise njalo-ke ithemba lomuntu.
20 Umhlule bekwaba kulapho atjhabalala,+Utjhugulule indlela aqaleka ngayo, wamthumela ethuneni.
21 Amadodanakhe ayahlonitjhwa kodwana akazi litho ngalokho;Aba babantu abangakaqakatheki kodwana yena akakulemuki.+
22 Uzwa ubuhlungu nakasaphilako kwaphela;Uzila kwaphela nakasaphilako.”
Imitlolo Ephasi
^ Namkha kungenzeka “aquntwe.”
^ NgesiHebheru, “uyangahlulela.”
^ Namkha “eTjhiyoli.” Qala Ihlathululo.
