IsAmbulo Esiya KuJwanisi 14:1-20
14 Ngemva kwalokho, qala, ngabona iMvana+ ijame eNtabeni iZiyoni,+ kunye nayo bekunabazii-144 000+ abatlolwe igama layo negama lakaYise+ eempandla zabo.
2 Ngezwa itjhada liphuma ezulwini njengetjhada lamanzi amanengi nanjengetjhada lokuduma kwezulu okukhulu; itjhada engalizwako belinjengelabavumi abavuma badlala iindonodono zabo.
3 Godu bavuma lokho okuzwakala ngasuthi yingoma etja+ phambi kwesihlalo sobukhosi naphambi kweembunjwa ezine+ nabadala+ begodu akekho omunye owakghona ukuyazi kuhle ingoma leyo ngaphandle kwabazii-144 000,+ abathengwe ephasini.
4 Laba ngilabo abangazange bazisilaphaze ngabafazi; eqinisweni, banjengeentombi ezimsulwa.+ Laba ngilaba abasolo balandela iMvana nanyana kukuphi lapho iya khona.+ Laba bathengwa+ ephasini hlangana nabantu njengeenthelo zokuthoma+ kuZimu neMvana
5 begodu nokukhohlisa azange kufunyanwe emlonyenabo; bamsulwa.+
6 Godu ngabona enye ingilozi iphapha emkayini, ineendaba ezimnandi zokuzimemezela kilabo abahlala ephasini, kizo zoke iintjhaba, iinkoro, amalimi nabantu.+
7 Beyithi ngelizwi elikhulu: “Sabani uZimu, nimphazimulise ngombana i-iri lokwahlulelwa nguye selifikile,+ nje-ke lotjhani loyo owenze izulu nephasi nelwandle+ nemithombo yamanzi.”
8 Enye godu ingilozi yesibili, yalandela, ithi: “Liwile! IBhabhiloni eliKhulu+ liwile,+ lona ebelenza zoke iintjhaba zisele iwayini lekanukwalo* yokuziphatha kumbi ngokomseme!”*+
9 Enye ingilozi yesithathu yazilandela, itjho ngelizwi elikhulu ithi: “Nangabe kukhona umuntu olotjha isibandana+ nomfanekiswaso, afumane itshwayo epandlakhe namkha esandleni sakhe,+
10 uzokusela newayini lokusilingeka kwakaZimu elithelwa ekapheni yelaka lakhe+ lingakaqarhwa nalitho begodu uzokuhlunguphazwa ngomlilo nesibabuli+ phambi kweengilozi ezicwengileko naphambi kweMvana.
11 Intuthu yokuhlunguphazwa kwabo ikhuphuka ngokungapheliko,+ abafumani ukuphumula imini nobusuku, labo abalotjha isibandana nomfanekiswaso nalabo abafumana itshwayo legama laso.+
12 Lapha-ke kulapho kutlhogeka khona bona abacwengileko bakghodlhelele,+ labo abalalela imiyalo kaZimu nababambelela ekukholweni+ kuJesu.”
13 Godu ngezwa ilizwi livela ezulwini lithi, “Tlola ukuthi: Bayathaba abafileko abafa bamunye neKosi+ kusukela nje ukuya phambili. Kwamambala, kutjho ummoya, abaphumule emisebenzinabo ebudisi ngombana izinto abazenzileko zizokukhamba nabo.”
14 Ngemva kwalokho ngabona ilifu elimhlophe, phezu kwelifelo bekunothileko onjengendodana yomuntu,+ onesihlohlo segolide ehlokwakhe nesegere ebukhali esandleni sakhe.
15 Kwavela enye ingilozi endaweni ecwengileko yethempeli, irhuwelela loyo ohlezi phezu kwelifu ithi: “Faka isegerakho uvune ngombana i-iri lokuvuna selifikile, ngombana isivuno sephasi sesivuthwe ngokupheleleko.”+
16 Loyo ohlezi phezu kwelifu wafaka isegerakhe ephasini, iphasi lavunwa.
17 Godu kwavela enye ingilozi endaweni ecwengileko yethempeli esezulwini nayo beyiphethe isegere ebukhali.
18 Kwavela enye ingilozi godu e-aldareni, yona beyinamandla phezu komlilo. Yarhuwelela leya ephethe isegere ngelizwi elikhulu, yathi: “Faka isegerakho ubuthe amahlukuzo wesimu yamadiribe yephasi ngombana amadiribayo avuthiwe.”+
19 Ingilozi yafaka isegerayo ephasini yabutha amadiribe wephasi, yawaphosela ngebutlhodlhelweni bewayini obukhulu belaka lakaZimu.+
20 Ubutlhodlhelo bewayini bagadangwa ngaphandle kwedorobho, kwaphuma iingazi ebutlhodlhelweni zakhuphuka bezafika ematomini weenjomani ibanga elimastadiyu ayi-1 600.*
Imitlolo Ephasi
^ NgesiGirigi, yi-por·nei′a. Qala Ihlathululo.
^ Namkha “letukuthelo.”
^ Amakhilomitha angaba ma-296. Istadiyu linye lilingana namamitha ali-185.
