AmaRhubo 62:1-12
Kumnqophisi; ngendlela kaJedutuni.* Ingoma kaDavida.
62 Kwamambala, ngilinda uZimu ngithulile.
Isindiswami ivela kuye.+
2 Kwamambala, ulidwala lami nesindiswami, isiphephelo sami;+Angeze ngisikinywe khulu.+
3 Kuzabe kube nini nisahlela umuntu nifuna ukumbulala?+
Noke niyingozi njengeboda elitjhigamileko, iboda lamatje esele lizokuwa.*
4 Bayabonisana ukuze bamketule esikhundleni sakhe esiphezulu;Kuyabathabisa ukuleya amala.
Ngomlomabo bayabusisa kodwana ngaphakathi bayaqalekisa.+ (Sela)
5 Kwamambala, ngilinda uZimu ngithulile+Ngombana ithemba lami livela kuye.+
6 Kwamambala, ulidwala lami nesindiswami, isiphephelo sami;Angeze ngisikinywe.+
7 Isindiswami nephazimulwami ivela kuZimu.
UZimu ulidwala lami eliqinileko, isiphephelo sami.+
8 Thembelani kuye ngazo zoke iinkhathi nina bantu.
Thululani iinhliziyo zenu kuye.+
UZimu usiphephelo sethu.+ (Sela)
9 Amadodana wabantu anjengomoya ophefumulwako nje kwaphela,Amadodana wabantu ayikohliso.+
Nawabekwe woke esikaleni, abulula kunomoya ophefumulwako.+
10 Ungathembeli ekudlelezeleniNamkha ubeke ithemba lakho ebugebengwini.
Nange umnothwakho wanda, ungabeki ihliziywakho kiwo.+
11 UZimu wakhuluma kanye, ngezwa kabili ukuthi:
Amandla ngewakaZimu.+
12 Nethando elithembekileko ngelakho Jehova,+Ngombana ubuyisela ngamunye ngokwezenzo zakhe.+
Imitlolo Ephasi
^ Qala Ihlathululo.
^ Namkha kungenzeka “Noke, njengokungathi uliboda elitjhigamileko, iboda lamatje esele lizokuwa.”
