Yesibili YamaKhosi 11:1-21
11 Nje-ke u-Ataliya,+ unina ka-Arhaziya nakabona bonyana indodanakhe ihlongakele,+ wakhamba wayokubulala zoke iindlalifa zebukhosini.+
2 Kodwana uJehotjheba indodakazi yeKosi uJehoramu, udadwabo ka-Arhaziya, wathatha uJowatjhi+ indodana ka-Arhaziya, wameba hlangana namadodana wekosi ebewayokubulawa, wamfihla nembelesakhe ngekumbeni yokulala engaphakathi. Bakghona ukumfihlela u-Ataliya, nje-ke akhenge abulawe.
3 Wahlala naye iminyaka esithandathu, abhaciswe ngendlini kaJehova, ngesikhathi u-Ataliya abusa enarheni.
4 Ngomnyaka wekhomba uJehoyada wayala bona athunyelwe iinduna zamakhulu wabonogada bamaKari nabonogada besigodlo+ endlini kaJehova. Wenza isivumelwano nabo begodu wabafungisa endlini kaJehova ukuthi angekhe basiphule, ngemva kwalokho wabatjengisa indodana yekosi.+
5 Wabayala wathi: “Nakhu ekufuze nikwenze: Isiqhema senu sinye kezintathu sizokusebenza ngeSabatha begodu sizokugada indlu yekosi* ngelihlo elibukhali,+
6 esinye sizokuba seSangweni lesiSekelo, esinye sibe sesangweni ngemuva kwabonogada besigodlo. Nizokudlhegana ngokugada indlu.
7 Iinqhema zenu ezimbili okufuze zingasebenzi ngeSabatha kufuze ziyigade ngelihlo elibukhali indlu kaJehova bona zivikele ikosi.
8 Kufuze niphahle ikosi mahlangothi woke, ngamunye aphathe isikhali esandleni sakhe. Nanyana ngubani ongena hlangana nani uzokubulawa. Yeke hlalani ninekosi nanyana kukuphi lapho iya khona.”
9 Iinduna zabalikhulu+ zenza njengombana uJehoyada umphristi aziyalile. Ngayinye yathatha amadoda ebewasebenza ngeSabatha nalawo ebewangasebenzi ngeSabatha, angena ngakuJehoyada umphristi.+
10 Nje-ke umphristi wanikela iinduna zamakhulu imikhonto neemviko ezirondo ebekungezeKosi uDavida ebezingendlini kaJehova.
11 Abonogada besigodlweni+ bajama eendaweni zabo, ngamunye aphethe iinkhali, bajame ukusukela ngesidleni sendlu ukufikela ngesinceleni sayo, hlanu kwe-aldara+ nahlanu kwendlu, baphahle ikosi.
12 UJehoyada wakhupha indodana yekosi,+ wayithwesa isihlohlo wayinikela noBufakazi,*+ bayenza ikosi, bayizesa. Bathoma ukuwahla izandla bathi: “Bayede kosi!”+
13 U-Ataliya nakezwa itjhada labantu abagijimako, waphuma khonokho waya lapho kunabantu khona endlini kaJehova.+
14 Wabona ikosi ijame hlanu kwesika ngokuvumelana nesiko.+ Iinduna nababethi beembhorompita+ bebanekosi, boke abantu benarha bebathabile babetha iimbhorompita. U-Ataliya nakabona lokho, warathula izambatho zakhe warhuwelela wathi: “Bugirikitjani! Bugirikitjani!”
15 Nje-ke uJehoyada umphristi wayala iinduna zamakhulu,+ eziphethe ibutho, wathi kizo: “Msuseni hlangana namasotja, nanyana ngubani ozomlandela kufuze nimbulale ngesabula!” Ngombana umphristi wathi: “Ningambulaleli ngendlini kaJehova.”
16 Bambamba, nakafika endaweni lapha iinjomani zingena khona endlini yekosi,*+ wabulawelwa lapho.
17 UJehoyada wenza isivumelwano noJehova, nekosi nabantu,+ sokuthi bazokuhlala bababantu bakaJehova, wenza nesivumelwano nekosi nabantu.+
18 Ngemva kwalokho, boke abantu benarheni beza ethempelini lakaBhali bagiriza ama-aldarakhe,+ baphadlha iinthombe zakhe,+ babulala noMathani umphristi kaBhali+ phambi kwama-aldara.
Abaphristi babeka abatlhogomeli phezu kwendlu kaJehova.+
19 Ngaphezu kwalokho, wathatha iinduna zamakhulu,+ abonogada bamaKari, abonogada besigodlweni+ nabo boke abantu benarha bona baphekelele ikosi, behla basuka endlini kaJehova, bafika endlini yekosi* ngendlela yesango labonogada besigodlo. Wahlala esihlalweni sobukhosi samakhosi.+
20 Yeke boke abantu benarha bathaba begodu idorobho laba nokuthula ngombana babulala u-Ataliya ngesabula endlini yekosi.
21 UJowatjhi+ bekaneminyaka elikhomba nakaba yikosi.+
Imitlolo Ephasi
^ Namkha “isigodlo.”
^ Kungenzeka mqulu omumethe umThetho kaZimu.
^ Namkha “esigodlweni sekosi.”
^ Namkha “esigodlweni.”
