Dlulela kokumunyethweko

Dlulela erhelweni leenhloko

CreativeDesignArt/DigitalVision Vectors via Getty Images

HLALANI NILINDILE!

Inga-kghani Kuyakghonakala Bona Abantu Abavela Kizo Zoke Iinhlanga Baphathwe Ngokulingana?—Lithini IBhayibheli

Inga-kghani Kuyakghonakala Bona Abantu Abavela Kizo Zoke Iinhlanga Baphathwe Ngokulingana?—Lithini IBhayibheli

 Ebantwini abanengi, ukuphathwa ngokulingana kwabantu bobuhlanga obuhlukahlukeneko sekulibhudango kwaphela.

  •   “Ukubandlululana ngokobuhlanga kubanga umonakalo omkhulu eenhlanganweni, emphakathini nekuphileni kwabantu. Ibandlululo lenza abantu bangaphathani kuhle.”—Unobhala-jikelele u-António Guterres we-UN.

 Kghani kungakhe kwenzeke ukuthi abantu bemihlobo ehlukahlukeneko baphathane ngokulingana? Lithini IBhayibheli?

Indlela uZimu azizwa ngayo ngokubandlululana ngokobuhlanga

 IBhayibheli lisifundisa indlela uZimu aqala ngayo abantu bobuhlanga obuhlukahlukeneko.

  •   “[UZimu] ngomuntu munye wenza iintjhaba ezinengi zabantu bona zihlale ephasini loke.”—IzEnzo 17:26.

  •   “UZimu akakhethi kodwana kizo zoke iintjhaba umuntu omesabako begodu enze okulungileko uyamukeleka kuye.”—IzEnzo 10:34, 35.

 IBhayiheli lithi boke abantu bayingcenye yomndeni munye begodu uZimu wamukela abantu bazo zoke iinhlanga.

Okuzokwenza kube nokulingana ngokobuhlanga

 Ukulingana ngokobuhlanga kuzokuba khona nakubusa urhulumende wezulwini, okuMbuso kaZimu. Urhulumende loyo uzokufundisa abantu indlela ekufuze baphathane ngayo. Abantu bazokufunda ukuthi bangayihlula njani imizwa yokubandlululana okungenzeka banayo.

  •   “Izakhamuzi zenarheni [zizokufunda] ngokulunga.”—Isaya 26:9.

  •   “Umphumela wokulunga kwamambala kuzokuba kuthula, isithelo sokulunga kwamambala kuzokuba kuthula okungapheliko nokuvikeleka.”—Isaya 32:17.

 Namhlanjesi, iBhayibheli lifundisa iingidi zabantu ukuthi zingabaphatha njani abanye ngehlonipho nangesithunzi.