Ubusuku bangaphambi kobana anikele ngepilwakhe, uJesu wayala abalandeli bakhe bona bakhumbule nofana bagidinge ukufa kwakhe. Wabeka phambi kwabo isikwa esinganangumelo newayini elibomvu, wathoma lokho okubizwa ngokuthi siSidlo seKosi saNtambama wabe wabayala wathi: “Yenzani lokhu ukuze ningikhumbule.”—Lukasi 22:19.

Qobe mnyaka, aboFakazi bakaJehova ephasini mazombe bayahlangana bona bagidinge ilanga lokufa kwakaJesu. Ngo-2014, isiKhumbuzo sizokuba ngoMvulo, Apreli 14, ngemva kokutjhinga kwelanga.

Umenywa ngelikhulu ithabo bona uzokuhlanganyela emhlanganweni lo, lapho kuzabe kunikelwa imininingwana ngokuqakatheka komhlatjelo wokufa kwakaJesu. Kungenwa simahla. Akunaminikelo ekhitjhwako. Umuntu okunikele umagazini lo nguye ongakutjela isikhathi nendawo lapho kuzokubanjelwa khona isiKhumbuzo sangendaweni yangekhenu, namkha ungavakatjhela iZinzolwazi yethu i-jw.org/nr. Sibawa usitlole phasi isenzakalwesi, esithemba bona ngeze sikuphunde.