1 | Umthandazo—‘Niphosele Koke Okunitshwenyako Kuye’
IBHAYIBHELI ITHI: “Kukulapho niphosela koke okunitshwenyako [kuZimu] ngombana unendaba nani.” —1 PITROSI 5:7.
Lokho Kutjho Ukuthini?
UJehova uZimu usimema bona sikhulume naye ngananyana ngimiphi imithwalo edisela iingqondo zethu neenhliziyo. (IRhubo 55:22) Awukho umraro omkhulu khulu namkha omncani bona singathandaza ngawo. Nawusitshwenyako, noJehova uyamtshwenya. Ukuthandaza kuye ligadango eliqakathekileko lokufumana ukuthula komkhumbulo.—Filipi 4:6, 7.
Kungakusiza Njani Lokhu?
Nasinomraro womkhumbulo singazizwa sisodwa. Abanye abantu abakuzwisisi ngokupheleleko esiqalene nakho. (IzAga 14:10) Kodwana nasithandaza ngokusuka ehliziyweni sitjele uZimu indlela esizizwa ngayo, uzokuhlala asilalela begodu asizwisise. UJehova usiqalile, uyabazi ubuhlungu nemiraro esiqalana nayo begodu ufuna sithandaze kuye ngananyana yini esitshwenyako.—2 IinKronike 6:29, 30.
Ukukhuluma noJehova ngomthandazo kuyasiqinisekisa ukuthi unendaba nathi. Singazizwa njengomrhubi, owathandaza wathi: “Ukubonile ukuhlunguphazeka kwami; uyakwazi ukugandeleleka kwami okukhulu.” (IRhubo 31:7) Ukwazi ukuthi uJehova uyakulemuka esiqalene nakho kungasisiza siragele phambili siqalana neenkhathi ezibudisi. Kodwana akalemuki nje kwaphela ukugandeleleka kwethu. Ukuzwisisa kuhle esiqalene nakho ukudlula nanyana ngubani begodu usisiza sifumane induduzo nesikhuthazo eBhayibhelini.
Okhunye Ongakuthabela
ISITHALA
Ungathandaza Njani Bona UZimu Akuzwe?
Khuluma noZimu ngaso soke isikhathi kungakhathaliseki bona ukuphi begodu ungakhuluma naye ngokuzwakalako namkha ukhulume naye ngehliziyo. UJesu wasisiza sazi bona singathini nasithandazako.
IMIBUZO YABANTU ABATJHA
Kubayini Kufuze Ngithandaze?
Kghani umthandazo seyinto nje esengqondweni namkha ungaphezu kwalokho?
ISITHALA
Kghani UZimu Uyayizwa Imithandazwethu?
IBhayibheli isiqinisekisa ngokuthi uZimu uyayizwa imithandazwethu lokha nasithandaza ngendlela efaneleko.
UKWAZI NGATHI
Bawa Isifundo SeBhayibheli
Fundelwa iBhayibheli endaweni nangesikhathi esivumelana nawe.
