Manako e Atua ke he tau tagata ke fiafia e moui he lalolagi. Ne tufuga e ia e lalolagi mo e tau mena oti kana i ai ha kua ofania e ia e tau tagata. Nakai leva to taute e ia e vahā mitaki anoiha ma e tau tagata he tau motu oti kana. To fakatotoka e ia e tau tagata mai he tau tuaga matematekelea.​—Totou Ieremia 29:11.

Nakai fai fakatufono kua kautū ke utakehe e tau favale, gagao, po ke mate. Ka e ha ha i ai e tala mitaki. Nakai leva, to hukui he Atua e tau fakatufono oti he tagata aki e fakatufono ni haana. Ko e tau tagata i ai to moua e mafola mo e tino malolō.​—Totou Isaia 25:8; 33:24; Tanielu 2:44.

To fakaoti ni e matematekelea ka utakehe he Atua e lalolagi he tau tagata kelea. (Sefanaia 2:3) To tupu a fe e mena ia? Ne talahau tuai he Kupu he Atua e tau tuaga kua fakapehia e tau tagata mogonei. Kua fakakite he tau mena tutupu mogonei kua tata lahi e Atua ke taute taha mena.​—Totou 2 Timoteo 3:1-5.

Kua lata a tautolu ke fakaako hagaao ke he Atua mai he haana Kupu, ko e Tohi Tapu. Kua tuga e tohi ki a tautolu mai he matua taane fakahele. Tala mai ai ki a tautolu e puhala ke fiafia e moui mitaki mogonei mo e puhala ke fiafia e moui tukulagi he lalolagi anoiha. Mooli, to nakai manako e falu ki ai ha kua moua e koe e lagomatai ke maama e Tohi Tapu. Ka ko e magaaho ma e vahā mitaki anoiha kua nakai lata ke fakatō noa.​—Totou Tau Fakatai 29:25; Fakakiteaga 14:6, 7.