LECCIÓN 05
La Biblia kipiá el mensaje yej Dios te̱ijlisneki
Jehová te̱maʼ se̱ regalo yej pux ye̱kti: los 66 libros yej kipiá la Biblia. Pero anka timotajtani: «¿Ka̱n ki̱saʼ la Biblia? ¿A̱ʼ yéj kichij?». Iga matiktajto̱lkuepakan iní̱n tajtanilismej, matikitakan ken asiʼ Itajto̱l Dios hasta a̱man.
1. Si la Biblia kijkuilojkej tajta̱gamej, ¿té íga moijto̱wa iga Dios kichij?
Yej kijkuilojkej la Biblia yajkij ken 40 tajta̱gamej, kipiayaj sejseupa itekipano̱lmej wan ya̱yaj de seuʼmej clases sociales. Pan año 1513 achto de to-era tsi̱nti iga moijkuiloj wan tamiʼ pan año 98 de to-era. Iga moijkuiloj nochi la Biblia kiwi̱gaʼ ken 1.600 años. Pero aunke ijkó̱n, la Biblia ayá̱ mocontradeci̱rowa. ¿Té íga ayá̱? Iga Dios kichij (xiktajto̱lti 1 Tesalonicenses 2:13). Ini̱nmej tajta̱gamej ayá̱ kijkuilojkej yej yejeme̱n kejla̱mikiáj. Sinoke, «yejamej kijtowa̱yaj yej Dio̱spa kijlia̱yaj iga makijto̱ka̱n, san ken kijliayaj el espíritu santo» (2 Pedro 1:21). a Iga iyespí̱rituj santo, Dios kichij iga ini̱nmej tajta̱gamej makijkuilo̱kan yej yéj kejla̱mikiá (2 Timoteo 3:16).
2. ¿A̱ʼ yéj wel kipiáj la Biblia?
Gente de «inochi nacio̱mej, raza iwá̱n de inochi a̱ltepe̱mej san ken tajtowaj» wel kipale̱wiáj ye̱kti noticias yej kijtowa la Biblia (xiktajto̱lti Apocalipsis 14:6). Dios kichij iga mamoijkuilo pan komati idiomas. Iní̱n libro yej onoʼ pan ma̱j komati idiomas. Casi nochi el mundo wel kimati yej kijtowa la Biblia, san kan macha̱ntitokan o san te̱ idioma matajto̱kan.
3. ¿Kén kima̱nawij Jehová la Biblia?
La Biblia moijkuiloj de sekin materiales yej imaní̱n sosoliwi. Ki-usa̱rojkej rollos yej kichi̱wayaj de ikue̱taxyoj anímal o de ikajlo se̱ kuawiʼ yej ito̱ka̱ papiro. Pero tajta̱gamej yej kinekiáj la Biblia kimaijkuilojkej iga kichijkej komati copias wan yajkij pux cuidadosos. Aunke komati gente yej manda̱rowa̱yaj kinekiáj makipolokan, seuʼmej hasta kinekiáj makimakakan ivida iga makima̱nawi̱kan. Pero iga Jehová ateyi nité̱ wan niágaj yej makichi̱wa iga imensaje maasi hasta tejeme̱n. La Biblia kijtowa: «Itajto̱l de to-Dios onos iga nochipa» (Isaías 40:8).
MATIMOMACHTI̱KAN MA̱J DE INÍ̱N TEMA
Matikitakan kén kichij Dios iga makine̱xtili sekin tajta̱gamej te̱ makijkuilo̱kan pan la Biblia. Matikitakan no̱ te̱ kichij Dios iga wel makima̱nawi wan iga la gente wel makipiakan.
4. La Biblia kijtowa a̱ʼ yéj kichij
Xikitakan el VIDEO. De ompa xiktajto̱ltikan 2 Timoteo 3:16 wan xitajto̱ka̱n de iní̱n:
-
Si la Biblia kijkuilojkej tajta̱gamej, ¿té íga moijto̱wa iga yawi Itajto̱l Dios?
-
¿Wel tikcre̱rowaj iga Dios tajtoj wan yej kijkuilojkej la Biblia wan kijlijkej te̱ makijkuilo̱kan?
El secretario kijkuilowa la carta, pero el jefe yawi yej kijliá te̱ makijkuilo. Ijko̱nsan pano̱wa wan la Biblia: kijkuilojkej tajta̱gamej, pero Dios yej kijlij te̱ makijkuilo̱kan.
5. La Biblia kijyo̱wij miak tejté̱ yej aye̱kti
Si la Biblia wi̱ts de Dios, tikcháj iga yéj makima̱nawi. Desde pux ikiaya miak gobernantes kinekiáj makipolokan la Biblia. Hasta yej manda̱rowa̱yaj pan sekin religiones akinekiáj iga la gente makitajto̱lti. Pero, miakejmej kimakayaj ivida iga makima̱nawi̱kan, aunke kijiyakej wan kimiktisnekiáj. Iga Xiki̱xmati se̱ de iní̱n tajta̱gamej, xikitakan el VIDEO wan xitajto̱kan de iní̱n:
-
A̱man iga tikmati iga mochij komati tejté̱ iga mamoma̱nawi la Biblia, ¿ma̱j tiktajto̱ltijneki? ¿té íga?
Xiktajto̱ltikan Salmo 119:97 wan xitajto̱ka̱n de iní̱n:
-
¿Té íga miak gente hasta kimakayaj ivida iga makitraduci̱rokan wan makimoya̱wakan la Biblia?
6. Se̱ libro iga tinochimej
La Biblia yawi el libro yej onoʼ pan ma̱j komati idiomas wan yej ma̱j momoya̱wa pan nochi ta̱jli. Xiktajto̱ltikan Hechos 10:34, 35 wan xitajto̱ka̱n de iní̱n:
-
¿Té íga kineki Dios iga Itajto̱l mamotraduci̱ro pan komati idiomas wan mamomoya̱wa no̱ya̱n la̱j?
-
¿Te̱ yej ma̱j tikye̱ʼita de la Biblia?
Ken el
100%
de nochi la gente
wel kitajto̱ltiá la Biblia pan se̱ idioma yej kojasi
Onoʼ pan ma̱j de
3.000
idiomas,
nochi o sekin la̱j de la Biblia
5.000 millones
Se̱ número aproximado de biblias yej moimprimi̱rojya.
Iní̱n yawi el libro yej moimprimi̱rojya ma̱j ke seuʼmej libros
YEJ SEKIN KIJTOWAJ: «La Biblia pux ikiapaya wan kijkuilojkej tajta̱gamej».
-
¿Te̱ tikijtowa téj?
-
¿Te̱ kine̱xtiá iga la Biblia yawi Itajto̱l Dios?
TE̱ TIMOMACHTIJ
La Biblia yawi Itajto̱l Dios, wan yéj kichij iga nochi gente wel makipiakan.
Matikejla̱mikika̱n te̱ timomachtijkej
-
¿Te̱ kijto̱sneki iga Dios kijlij tajta̱gamej te̱ makijkuilo̱kan pan la Biblia?
-
¿Te̱ yej ma̱j tikye̱ʼita iga la Biblia kijyo̱wij komati tejté̱ yej aye̱kti? ¿Wan te̱ tikijtowaya de itraducción wan iga momoya̱wa?
-
¿Kén timomachi̱liá kua̱ tikmati nochi yej kichij Dios iga wel matajto mowa̱n?
XIKMATI MA̱J
Xikita ken onoko la Biblia: desde yej achto moijkuiloj hasta yej a̱man moijkuiloj.
Xiktajto̱lti ken la Biblia kijyo̱wij e̱yi enemigos.
«La Biblia. Una historia de supervivencia» (La Atalaya, núm. 4 2016)
Xikita te̱ ki̱xtajmakakej sekin personas iga kitraduci̱rojkej la Biblia.
Onoʼ komati copias wan traducciones de la Biblia. ¿Kén wel tikmati iga yej Dios kijtoj ayá̱ nemi mopata?
a El espíritu santo yawi itajpal Dios, iní̱n kijto̱sneki, ipoder yej onoʼ en acción, ken moijtowa pan la lección 07.
