¿Kiteititiaj teotlajtoltin tlen uajlauej ipan Biblia ika Jesús yejua Mesías?
Tlen Biblia kijtoua
Kema. Ijkuak Jesús ouajlajka ipan tlaltikpaktli onochiujkej nochi teotlajtoltin tlen tlajtouayaj itech Mesías, akin uajlaskia para techmakixtis (Daniel 9:25; 1 Juan 4:14). Niman sakin ika Jesús yomijka, ok ipan onochiujkej seki teotlajtoltin tlen tlajtouayaj itech Mesías (Salmo 110:1; Hechos 2:34-36).
¿Tlenon kijtosneki Mesías?
Tlajtojli ika hebreo Maschíaj (Mesías) nima tlajtojli ika griego Kjristós (Cristo) kijtosnekij “Tlapejpenijli”. Kuakon, Jesucristo kijtosneki “Jesús yejua Tlapejpenijli” noso “Jesús yejua Mesías”.
Yeuejkaui, ijkuak yakaj kitlapejpeniayaj para kichiuas se ueyi tekitl kampa nonekiya tlanauatis, kitekiliayaj aceite ipan itsontekon (Levítico 8:12; 1 Samuel 16:13). ToTajtsin okitlapejpeni Jesús ken Mesías, se tekitl tlen melak ueyi kijtosneki (Hechos 2:36, TNM). San ika, ijkuak toTajtsin okitlapejpeni Jesús, xokitekili aceite, yejua okitlapejpeni ika espíritu santo (Mateo 3:16 TNM)
¿Ueliskia miyekej inpan nochiuas teotlajtoltin tlen yonoijtokaj itech Mesías?
Ka. Ijkuak kuajli tomachtiaj teotlajtoltin tlen tlajtouaj itech mesías, kuajli nesi ika san tlajtoua itech se mesías noso Cristo. San ika, Biblia kijtoua: “Uajlaskej on tlakajkayajkej yejuan noteneuaskej Cristos noso tiotlajtojkej. Niman kichiuaskej uejueyi tlamauisoltin niman milagros para tekajkayauaskej, niman tla ueli, hasta on yejuan Dios yokintlapejpenij kinkajkayauaskej. Pero yejuamej xuelis kinkajkayauaskej” (Mateo 24:24).
¿Uelis nemis se Mesías ika tlayekapan?
Ka. Biblia yokijtojka ika Mesías ualeuaskia itech David, akin otekiuajtik ipan Israel (Salmo 89:3, 4) San ika, kampa tlajkuilolnestoyaj akinomej katka ichanejkauan tekiuaj David, opopoliujkej. Noijtoua ika kanaj opopoliujkej ijkuak romanos okinotlatkitijkej Jerusalén ipan xiuitl 70. a Desde ijkuakon, xakaj ueli kijtoua tla yakaj ualeua itech ichanejkauan David, san ika, ijkuak Jesús nemiya ipan tlaltikpaktli ok onkatka kampa tlajkuilolnestoyaj akinomej ualeuayaj itech David. Niman hasta akin kitlauelitayaj Jesús, kimatstoyaj ika Jesús ualeuaya itech David (Mateo 22:41-46).
¿Kech teotlajtoltin noteneuaj ipan Biblia itech Mesías?
Xuelis tikijtoskej kech teotlajtoltin onokej itech Mesías, pampa tlatlamantik ken nopouaj teotlajtoltin itech Mesías. San matikonteneuakan yejuin, Isaías 53:2-7 kinteneua seki teotlajtoltin tlen tlajtouaj itech Mesías, sekimej kijtouaj ika tlen noteneua ipan yejuin texto kijtosneki san se teotlajtojli, san ika, sekimej kijtouaj ika tlen noijtoua ipan yejuin texto kinteneua miyek teotlajtoltin.
Seki teotlajtoltin tlen tlajtouayaj itech Mesías tlen onochiujkej ijkuak ouajlajka Jesús
Tlen nochiuaskia |
Teotlajtojli |
Ken onochiuj |
|---|---|---|
Ualeuaskia itech Abrahán |
Génesis 22:17, 18 |
|
Ualeuaskia itech Isaac, akin ikoneuj Abrahán |
Génesis 17:19 |
|
Ualeuaskia itech tribu israelita de Judá |
Génesis 49:10 |
|
Ualeuaskia itech ichanejkauan David |
Isaías 9:7 |
|
Uajnemiskia itech se ichpochtli |
Isaías 7:14 |
|
Tlakatiskia Belén |
Miqueas 5:2 |
|
Kitokayotiskiaj Emmanuel b |
Isaías 7:14 |
|
Xuajnemiskia ipan se familia akin matominye |
Isaías 53:2 |
|
Satepan ika tlakatiskia, miyekej kokonej kinmiktiskiaj |
Jeremías 31:15 |
|
Yaskia Egipto |
Oseas 11:1 |
|
Kixmatiskiaj ken Nazareno c |
Isaías 11:1 |
|
Se tenojnotsketl kiteijliskia ika yejkoskia |
Malaquías 3:1 |
|
Nochiuaskia Mesías ipan xiuitl 29 d |
Daniel 9:25, (TNM) |
Mateo 3:13-17, (TNM) |
ToTajtsin kijtoskia ika yejua ikoneuj |
Salmo 2:7 |
|
Kitlakaitaskia ikal toTajtsin |
Salmo 69:9 |
|
Kiteijliskia kuajli tlajtojli |
Isaías 61:1 |
|
Tlen kiteijliskia Galilea yeskia ken se tlauijli |
Isaías 9:1, 2 |
|
Ijkon ken Moisés, Jesús kinchiuaskia milagros |
Deuteronomio 18:15 |
|
Ijkon ken Moisés, Jesús tlajtoskia ipampa toTajtsin |
Deuteronomio 18:18, 19 |
|
Okinpajti miyekej kokoxkej |
Isaías 53:4 |
|
Xkichiuaskia makiueyiteneuakan |
Isaías 42:2 |
|
Kinmikneliskia akin tlajyouiayaj |
Isaías 42:3 |
|
Otemachti imelajkayo toTajtsin |
Isaías 42:1, 4 |
|
Kuajli tetlakanojnotsaskia |
Isaías 9:6, 7 |
|
Kitemachistiskia itoka Jehová |
Salmo 22:22 |
|
Temachtiskia ika neskayomej |
Salmo 78:2 |
|
Tlayekanaskia |
Daniel 9:25 |
|
Miyekej xitech tlaneltokaskiaj |
Isaías 53:1 |
|
Yeskia kentla se tetl tlen miyekej kintlajkaliskia |
Isaías 8:14, 15 |
|
Miyekej xkiseliskiaj |
Salmo 118:22, 23 |
|
Kitlauelitaskiaj maski xtlaj kitechiuiliskia |
Salmo 69:4 |
|
Kiueyiteneuaskiaj ijkuak kalakiskia Jerusalén ipan se polokotsin |
Zacarías 9:9 |
|
Kiueyiteneuaskiaj kokonej |
Salmo 8:2 |
|
Uajlaskia itechkopa itoka Jehová |
Salmo 118:26 |
|
Se iamigo kinemakaskia |
Salmo 41:9 |
|
Kinemakaskiaj ika 30 plata tomin |
Zacarías 11:12 |
|
Iamigos kikauaskiaj |
Zacarías 13:7 |
|
Xkuajkualtin tlakamej kitlajtolchijchiuiliskiaj |
Salmo 35:11 |
|
Xtlajtoskia imixpan akin kitlajtlakolmakatoyaj |
Isaías 53:7 |
|
Kichijchaskiaj |
Isaías 50:6 |
|
Kikuajuijuitekiskiaj ipan itsontekon |
Miqueas 5:1 |
|
Kiuijuitekiskiaj |
Isaías 50:6 |
|
Xteixnamikiskia ijkuak kimajmailiskiaj |
Isaías 50:6 |
|
Tekiuajkej kitlajtolchijchiuiliskiaj |
Salmo 2:2 |
|
kimatetsotsonaskiaj, kikxitetsotsonaskiaj niman kajkopiloskiaj ipan se kojtli |
Salmo 22:16 |
|
Notlatlaniskiaj para kitaskej akinon kikuis itlaken |
Salmo 22:18 |
|
Kitaskiaj ken se akin tlajtlakolchiuani |
Isaías 53:12 |
|
Kiuijuikaltiskiaj, kitlauelitaskiaj |
Salmo 22:7, 8 |
|
Kinektoskia tlajyouis inpampa akin tlajtlakolejkej |
Isaías 53:5, 6 |
1 Pedro 2:23-25 |
Nesiskia kentla toTajtsin yokitlalkauijka |
Salmo 22:1 |
|
Konitiskiaj vinagre tlanelojli iuan hiel |
Salmo 69:21 |
|
Ijkuak imikiskia, melak amikiskia |
Salmo 22:15 |
|
Kijtoskia ika on iespíritu kimaktiliskia toTajtsin |
Salmo 31:5 |
|
Kitemakaskia inemilis |
Isaías 53:12 |
|
Techmakixtiskia itech tlajtlakojli |
Isaías 53:12 |
|
Xkipostekiliskiaj nion se iomiyo |
Salmo 34:20 |
|
Kitsopiniskiaj ijtinakastlan |
Zacarías 12:10 |
|
Kitokaskiaj ken se akin tominye |
Isaías 53:9 |
|
Yoliuiskia |
Salmo 16:10 |
|
Kitekipatlaskiaj akin kinemakaskia Jesús |
Salmo 109:8 |
|
Notlaliskia iyekmakopa toTajtsin |
Salmo 110:1 |
a Cyclopedia de McClintock y Strong kijtoua: “Uelis tikijtoskej ika kampa tlajkuilolnestoyaj tribus niman familias judías opopoliujkej ijkuak onotlatkitijkej Jerusalén”.
b Tokayotl ika hebreo Emmanuel kijtosneki “Dios touan nemi”. Yejuin tokayotl kuajli kineskayotia tlen okichiuj Jesús ken Mesías. Ijkuak ouajlajka ipan tlaltikpaktli, yejua kuajli okiteititi ika toTajtsin nemi imiuan akin kiueyichiuaj (Lucas 2:27-32; 7:12-16).
c Tlajtojli Nazareno kanaj ualeua itech tlajtojli hebrea nétser, tlen kijtosneki “tlaitsmonijli”.
d Tla tikneki tikmatis tleka noijtoua ika Mesías yejkoskia ipan xiuitl 29, xkita nota 2. “¿Kemanon yejkoskia Mesías?”, ipan libro ¡Nochipa uelis tiyolpakis! Tlen okichijchiujkej iteixpantijkauan Jehová. Noijki onka ipan www.isa4310.com.
Puede que también le interese
¡XTLACHIAKAN!
Se judía kijtoua tleka xok kineltoka tlen yeuejkaui kineltokaya
¿Tlenon okipaleui Racquel Hall makineltoka ika Jesús yejua katka Mesías?
TLAMACHTILTIN ITECH BIBLIA
Xkita kenon titemachtiaj
Xkita kenon tiktlajtlanis mamitsmachtikan Biblia kampa xtlaj tiktlaxtlauas.