¿Kuajli yotikinpouj revistas tlen san kemach yokiskej itech Amatl Tekakistilijketl? Xkita tla uelis tikinnankilis yejuin tlajtoltilistin:

¿Kenijki kimita Jehová siuamej?

Jehová xkinchikoita siuamej niman xsan tlakamej kinpatiojkaita. Jehová kinkaki siuamej, kineki kimatis kenijki nomachiliaj niman tlenon kixnamikij. Noijki kineltoka ika kuajli kichiuaskej tekitl tlen kinmaka (w24.01, páginas 15 niman 16).

¿Kenijki uelis tikchiuaskej yejuin: “Maka imiuan xchiuakan tlen xkuajli”? (Efes. 5:​7, TNM).

Apóstol Pablo otechijli maka matouikakan imiuan tlaltikpakchanejkej akin xkitlakamatij Jehová. Aman hasta ipan redes sociales uelis touikaskej imiuan akin xkitlakamatij Jehová, ika yejon, melak noneki matotlajpiyakan (w24.03, páginas 22 niman 23).

¿Tlenon xnoneki tikneltokaskej?

Noneki totlajpiyaskej itech tlen techuajtitlanilis se toamigo tla xkimati tla melauak. Noijki noneki totlajpiyaskej itech correos tlen techuajtitlaniliaj akin xtikimixmatij. Niman noijki noneki totlajpiyaskej itech tlen kijtouaj akin nesi ika nomachtisnekij Biblia, san ika, kixnamikij ikalpan Jehová (w24.04, página 12).

¿Tlenon xtikmatij niman tlenon tikmatij itech kenijki Jehová kinyolkuitis akin chantiyaj Sodoma niman Gomorra, akin omikkej ipan Apachiuilistli niman tekiuaj Salomón?

Xtikmatij tla Jehová okinpopolo para nochipa, san ika, kema tikmatij ika Jehová nochi kita niman melak teiknelia (w24.05, páginas 3 niman 4).

¿Tlenon techmachtia pampa Jehová kitokayotiaj Tepetlatl? (Deut. 32:​4, TNM).

Jehová techtlajpiya ijkuak itlaj tikixnamikij. Yejua xkeman techkauas pampa nochipa nemis para kichiuas tlen yotechijli. Niman xnopatla niman xkeman kipatlas tlen kineki kichiuas (w24.06, páginas 26-28).

¿Tlenon mitspaleuis ijkuak timopatlas ipan se yenkuik tlanechikojli?

Xneltoka ika Jehová mitspaleuis ijkon ken okinpaleui itekipanojkauan yeuejkaui, maka san xkitsto kenijki motlanechikol xijkon ken kampa tinemiya, xkita tlenon uelis tikchiuas ipan tlanechikojli kampa aman tinemi niman xmokojtili kuajli xmouika imiuan tokniuan (w24.07, páginas 26-28).

¿Tlenon tiuelij itech yeyi neskayomej tlen uajlauej ipan Mateo capítulo 25?

Neskayotl itech borreguitos niman chivos techititia ika melak noneki matimelajkanemikan, neskayotl itech 10 ichpokamej techititia ika melak noneki kuajli matoyektlalikan niman matitlatlachixtokan niman neskayotl itech tomin tlen okinmakakej yeyimej tlakeualtin techititia ika noneki matitekitkej (w24.09, páginas 20-24).

¿Kech ika uejkapan katka ikalixpan iteopan Salomón?

Ipan seki copias tlen yeuejkaui onochiujkej, ipan 2 Crónicas 3:4 kijtoua ika kalixpan uejkapan katka 120 codos, yejon kijtosneki ika uejkapan katka 53 metros. San ika, ipan okseki copias kijtoua ika 20 codos ika uejkapan katka, yejuin kijtosneki ika kanaj 9 metros ika uejkapan. Kuakon, uelis tikijtoskej ika kalixpan uejkapan katka 20 codos pampa itepanuan ikalakiyan teopan xmelak tijtilaujkej katkaj (w24.10, página 31).

¿Tlenon kijtosneki ika tlapaleuijkej noneki kipiyaskej “san se insiuauj”? (1 Tim. 3:​12, TNM).

Tlapaleuijkej akin yononamiktijkej noneki kipiyaskej san se insiuauj niman xnoneki auilnemiskej. Noijki, xnoneki kinmitstinemiskej oksekimej siuamej (w24.11, página 19).

¿Kenijki tikmatij ika tlen okijto Jesús ipan Juan 6:53 katka san se neskayotl?

Ipan Juan 6:​53, Jesús okimijli judíos ika nonekiya kikuaskej inakayo niman koniskej iyesyo. Yejuin tlajtoltin okimijli miyekej judíos akin xeitech tlaneltokayaj, ne Galilea ipan xiuitl 32. Aman tej, se xiuitl sakin, ijkuak Jesús okipeualti iTlakualis toTeko ne Jerusalén, san okimijli tlapejpeniltin akin iuan tekiuajtiskej iluikak (w24.12, página 10 niman 11).