Ikipiya kanaj 3,500 xiuitl, Jehová okimijli akin kiueyichiuayaj tlenon nonekiya kichiuaskej tla kinekiyaj kuajli nemiskej ika tlayekapan. Yejua okimijli: “Nemechmakatikaj tlinon nenkitlapejpeniskej: Tla nemilistli noso mikilistli, tlatiochiualistli noso tlauelijli. Aman tej, xtlajpejpenikan nemilistli” (Deuteronomio 30:19).

Tla yejuamej kinekiyaj kuajli nemiskej ika tlayekapan, nonekiya itlaj kichiuaskej. Niman tejuamej noijki noneki itlaj tikchiuaskej. Biblia techijlia: “Xtlajsojtlakan nemoTEKO Dios. Xtlakamatikan” (Deuteronomio 30:20).

XKITA TLEN KIJTOUA BIBLIA. Tla tikneki tiktlasojtlas Jehová, kachtopa noneki tikitas tlen Biblia kijtoua itech. Niman ijkuak tikixmatis tikitas ika yejua mitstlasojtla niman kineki kuajli xnemi. Noijki kineki xnotsa pampa yejua kineki mitspaleuis (1 Pedro 5:7). Tla timokojtilia tikixmatis toTajtsin, Biblia kijtoua ika yejua mitsnisiuis (Santiago 4:8).

XCHIUA TLEN YOTIUEL. Tla tikneki tijkakis toTajtsin, noneki timomachtis Biblia, ijkon “nochi tlen tikchiuas kuajli kisas” (Josué 1:8).