APÉNDICE 3
Kenijki uelis titemachtis ika amatlajkuilojli ¡Nochipa uelis tiyolpakis!
Tokniuan sajnoye okichiujkej teoyotl niman melak kuajli okinemilijkej tlen okitlalijkej ipan tolibro ¡Nochipa uelis tiyolpakis! Ika yejon, xmokojtili más kuajli xtekitilti yejuin libro. Tlen nikan noteneua mitspaleuis ijkon xchiua.
Ijkuak xititemachtia
-
1. Kuajli xmomachti. Xtlanemili itech tlen kajmana, tlen kixnamiktika niman tlen kineltoka akin tikmachtia. ¿Onka itlaj tlen kanaj ouijtika yes kasikamatis noso kichiuas? Xkimita tlamachtiltin niman videos tlen uajlauej ipan sección “Okseki xkita” niman xnemili kenijki ueliskia kipaleuis akin tikmachtia. Tla ijkon tikchiua, tikmatstos kenijki uelis tikintekitiltis ijkuak titemachtijtika.
Ijkuak titemachtijtika
-
2. Tla akin tikmachtia kinektok, xchiua teoyotl ijkuak nenpeuaskej niman ijkuak nentlamiskej.
-
3. Xkita maka sajnoye xtlajto. San xtomili tlen uajnestiuj ipan yejon tlamachtijli niman xkauili akin tikmachtia mamitsijli tlen yejua kinemilia.
-
4. Ijkuak nenpeuaskej ipan okse sección, xkamapoua kampa kijtoua “Tlen tiuelis” niman xkijli kenijki itoka seki tlamachtiltin tlen ompa uajlauej.
-
5. Ijkuak nentlamiskej se sección, xtekitilti kampa kijtoua “Tlen otiuel” niman ijkon akin tikmachtia makilnamiki tlen ouel itech tlen kijtoua Biblia.
-
6. Ijkuak tikitas se tlamachtijli iuan monomachtijkauj:
-
San sekan xkinpouakan kachtopa párrafos.
-
Xkinpouakan nochi textos tlen kipiyaj tlajtojli “Xkitakan”.
-
Xkinpouakan okseki textos tlen uajlauej ipan yejon tlamachtijli tla noneki.
-
Xkimitakan nochi videos tlen kipiyaj tlajtojli “Xkitakan” (nochipa ijkuak tiuelis).
-
Xkinchiua nochi tlajtoltilistin.
-
San sekan xkimitakan nochi tlaixkopinaltin tlen uajlauej ipan sección “Okseki xkasikamati”.
-
Xtekitilti recuadro “Xchiua yejuin” niman ijkon akin tikmachtia makita kenijki youajnopatlatiaj. Xyolchikaua makinemilijtiuj tlenon kichiuas. Uelis yes tlen uajlauj ipan recuadro noso okseki.
-
Xtlajtolti tla ijkuak san iselti onomachti tlamachtijli tlen nenkitstokej okuelitak se video noso itlaj tlen uajlauj ipan sección “Okseki xkita”.
-
Xmokojtili nochipa xtlamikan se tlamachtijli ijkuak iuan timomachtis.
-
Ijkuak yotitemachti
-
7. Xtlanemili itech akin tikmachtia. Xtlajtlanili Jehová makiteochiua nochi tlen kichiua para nopatlas niman xkijli mamitsmaka tlamachilistli niman ijkon uelis tikpaleuis.
