8-14 a Yaneru
YUPU 34-35
Ncipo 30 ni Nivekelo | Masu Oohulela (1 min.)
1. Vaavaa Nnoonaahu wi Ichu Soonanara Sinnaaphacuwela Achu Aphaama
(10 min.)
Muupuwele wi Yehova hanatannya ichu soohookololowa (Yupu 34:10; Mulipeleli, 1/2019, epaax. 8, epara. 1)
Akhweya nnanwerya woona wi oonanara hanahooxiwa; nyenya wa Yehova hanawerya wiipithiha saweera saya (Yupu 34:21-26; Mulipeleli, 4/2017, epaax. 11, epara. 5)
Mukhalelo mmoha waphaama wa waakhaviherya achu yaawo anahooxeya ni ohookololowa ori waahusiha vooloca sa Yehova (Yupu 35:9, 10; Mat 28:19, 20; Mulipeleli, 5/2021, epaax. 2, ipara. 19-20)
2. Muhakhu Woomunepani
(10 min.)
-
Yupu 35:7—Tiheeni Elihu aachuneiye oloca vaavaa aamukonheiye Yupu ariki: “Tiheeni [Muluku] onahaaleiye waakhela wa nyuwaano?” (Mulipeleli, 04/2017, epaax. 29, epara. 3)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Yupu 35:1-16 (th yoohuserya 10)
4. Opaceryiha Ovaanela
(3 min.) EMPA NI EMPA. Mvahe yoohuserya ya Piipiliya. (Waasivela achu, yoohuserya 10, eponto 3)
5. Opaceryiha Ovaanela
(4 min.) OLALEERYA WOOHILAKELELA. Mmooniherye muchu yoowo orino anamwane akhaani mukhalelo wa ophwanya sooleeliherya soophara muteko wa asitiithi mu jw.org. (Waasivela achu, yoohuserya 1, eponto 4)
6. Waapaka Oohuserya
Ncipo 58
7. Apwanne Munnasiveliwa ‘Olaleerya Masu’ Moohilakelela?
(15 min.) Othokororya ni alipa oowiriyana.
Paulo aamuceenyerya Timotiyu: “Olaleerye masu; weereno yeela mwawaakuveya.” (2Tim 4:2) Masu a Ekiriki ataphuleliwe “weereno yeela mwawaakuveya,” ikwaha ikina yaanaphariheliwa wi elociwe sa nakhoco naari mulipeleli yoowo aari ooreheryeya ilukuluku soothene weeravo echu va muteko awe. Masu yaala ennooniherya phaameene yoolakelela ahu ya okhala ooreheryeya ilukuluku soothene wi nivahe onamoona vaavaa nnachekulaahu ni achu.
Osivela wahu ntakhara Yehova ni othamalela wahu wa soothene owo onaneereleiye, onnanceenyerya waaleela akina vooloca sa mikhalelo sawe saphaama.
Mwaalakhanye Salmo 71:8. Voocharela mwaakohe alipa oowiriyana:
Ichu taani saphaama vooloca sa Yehova munasiveliwaanyuno waaleela akina?
Osivela wahu ntakhara achu onnanceenyerya olaleerya mmukhalelo woohilakelela.
Moonihe EXILEMA Ti Mwawiihai Masana a Achu Ephwannyaaya Eparipari ya Mpiipiliya? Voocharela mwaakohe alipa oowiriyana:
-
Ti mwawiihai olaleerya woohilakelela waakhavihenryaaya masana a achu ophwanya eparipari ya Mpiipiliya?
-
Ti mwawiihai achu yaari mu ekerexa yeele yaaphunraaya moorweela wa ohuserya eparipari ya Mpiipiliya?
-
Ti mwawiihai waasivela achu onanceenyeryaaya olaleerya moohilakelela?
-
Ntakhara heeni munoonaanyu wi olaleerya moohilakelela mukhalelo mmoha wa waakhaviherya akina omusuwela Yehova?
8. Yoohuserya ya Piipiliya ya Muloko
(30 min.) Echoko Yoohakalala, nikupa 9
