MULIPELELI— OOMUHUSERYA
Fevereru 2020
Erevista ela yookhalano miyaha soohuserya sa 6 a Apirili –3 Maiyu a 2020.
Tiithiihu Yehova, Onnanisivela Vancipale
Nnaphwanela ororomela wi Tiithiihu awirimu onnanisivela, onnanikhapelela, nave harwa anihiya.
Ninnamusivela Vancipale Tiithiihu Yehova
Muthokororye ichu ikina savameekhaaya seiho nnaphwanelaahu opaka wi nooniherye osivela wahu wa Tiithiihu Yehova.
Muhemererye wi Nrima nimalihe murecele
Mu ilukuluku ikina nnanwerya owaniha ni moonelo wa nrima. Muthokororye mikhalelo soophara muteko seiho nnaphwanelaahu ochara wi niwanihe mukhalelo yoola wawiipha wa nrima nave moohiyana naavye okhala a murecele ni akina.
Yehova Onamoolipihaani
Ana, murummwa Paulo, ni Mwene Tavite yaahiwaniha ni wuukhuwa. Tiheeni nnahuseryaahu mmukhalelo Yehova aamuhakaranryeiye ni omulipiha mmoha ti mmoha a yaawo?
YAWEEREYA YA OKUMI
Ohuserya Sootakiherya Saphaama Wookiruuhela Mareeliho Mancipale.
Léonce Crépeault onnaloca mukhalelo sootakiherya saphaama sa achu oororomeleya saamukhavihenryaaya ovootha woova aareiyeno woopaceryani nave apacerya opuha mareeliho mancipale mu iyaakha 58 omalinheiye mmuteko wa elukuluku yoothene.
Nyuwaano Mwaanasuwela?
Tiheeni enooniherya wi alipa ootholathola yaaphiyerya osuwela wi Pelsasare o Papulu aakhala nave wi aari mwene?
