Na ya buru gba, Atɛmwɛ tɛ Yehova ndo lindó kwa, ndo sindó, ndo kangbindó Angbangɔ ndɛ ndɛ ndɛ. Kanda e hũndó ya alengbi ti gbinyangbingɔ Ngbangɔ mɛ ndɛ mɛ alengbi ti zangɔ azi ya ala manda “hĩngangɔ bɛta lo,” ye mɛ Nzapa ye na lo tɛ azi zu la. (1 Timɔte 2:3, 4) Ni la, na buru ti 1950 e bandandó singɔ na pɛnzɛ Ngbangɔ Libongoli ya Mokili ya Sika na yanga mɛ azi ndo tɛnɛ na olo. Agbinyangbindó Ngbangɔ ni ko na seni nvɛ̃ni na ayanga a ɔ 120.

Ahũndandó ya asi na Ngbangɔ kɔi mɛ zo di ko lo gbɔ̃ ndani hiɔ. Yanga ndo gbinyangbi tɛrɛ lo na pɛ mbɛni ngoi, ambɛni Ngbangɔ angbã bo na yanga ti gã nga na atɛnɛ mɛ se zo di ko ta lo gbɔ̃ ndani ma. Fani mɛ ndɛ, alwandó angbina ambeti ti mbili mbili mɛ dã na oko ti mbeso, mɛ ndó asu na pɛni, azandó azi ti hĩngangɔ yanga ti Ebre, Aramenyɛ, nga na Grɛkɛ mɛ ndó asu na Ngbangɔ.

Ahũndandó ya agbinyangbi Ngbangɔ mɛ amangbi na tɛnɛ tɛ Nzapa. Na se lɛ hãngɔ bere kpãngɔ alo mɛ ndɛ ka ndo Tɛnɛ tɛ Nzapa ko, ale awa gbinyangbingɔ Ngbangɔ atɔndɔ bo se ko ndó asu na ti mbeso. Kanda ka ya Ngbangɔ gba ta ili Nzapa, Yehova, mɛ asu ka ya buku santo da ma.

Ahũndandó ya asi na Ngbangɔ mɛ á hɛ̃ nvɛ̃ni ndima. (2 Samwele 23:2) Ka ya Libongoli ya Mokili ya Sika, adirindó na ili Yehova ka ndo mɛ ndó ni ndo du da gã fani 7 000 ka ya angbina buku ti Ngbangɔ mɛ ndó asu na ti nga ma semɛ limɔ mɛ gbɛndani afa. (Nzembo 83:18) Libongoli ya Mokili ya Sika adu lé ti kpengba kwa mɛ ndó azi li ti gigingɔ na bɛta lo tɛ Nzapa, ndo de na bɛ awa dingɔ ni, ndo si na dangɔ bɛ tɛ Nzapa yango. Bɛ se mɔ na Libongoli ya Mokili ya Sika na yanga tɛ mɔ bere ta mɔ na ni ma ko, e kpengba na bɛ mɔ ya mɔ di tɛnɛ tɛ Yehova lá kwɛ́ lá kwɛ́.​—Yosua 1:8; Nzembo 1:2, 3.

• E hɛ ndó nyɔ̃ e ya agbinyangbi Ngbangɔ ti fanani lo nɛ?

• Adu nzɔ̃ni ya zo mɛ ye mandangɔ se bɛ Nzapa lo kpã tɛnɛ ti ya Ngbangɔ na kwa ka ya du tɛ lo ti lá kwɛ́ lo nɛ?