Ohatu landula shoka Ombiimbeli ya popya kombinga yondjokana nosho wo yokuhengana. Kalunga okwa toto po ondjokana yi kalelele, ano omusamane nomukiintu ya kale pamwe sigo aluhe. Etompelo owala lyopaMbiimbeli aaihokani taya vulu okuhengana, ongele gumwe gwomuyo a yi momilalo kondje yondjokana. — Mateus 19:5, 6, 9.

 Eeno, ohadhi shi ningi momikalo tadhi landula:

•   Iileshomwa. Uuyelele mboka hawu kala miileshomwa, ohawu kwathele oondjokana dhi kale dha kola, nokuli naandhoka tashi vulika tadhi monika kaadhi na we siku dhi ye kondjila. Pashiholelwa, tala oshitopolwa “Maintaining Commitment in Your Marriage” (Kala omudhiginini kegano lyoye lyondjokana), “How to Forgive” (Nkene to vulu okudhimina po kuume koye kopandjokana) nosho wo “Rebuilding Trust in a Marriage” (Tsikila okukala wi inekela kuume koye kopandjokana).

•   Okugongala. Ohatu kundathana omayele gOmbiimbeli taga longo kombinga yondjokana pokugongala, piigongi iishona niinene.

•   Aakuluntugongalo. Aakuluntugongalo ohaya kwathele aaihokani, tashi vulika ye ya kwathele nomanyolo ngaashi Aaefeso 5:22-25.

 Hasho nando. Nonando aakuluntugongalo oya pulwe kaaihokani yontumba mboka ye na uupyakadhi mondjokana yawo ye ya kwathele, kaye na uuthemba woku ya lombwela kutya naya ninge shike. (Aagalati 6:5) Nonando ongawo, oshitsa oshi li mpaka kutya ngele gumwe okwa tokola okuhenga po kuume ke kopandjokana nopwaa na etompelo lyopaMbiimbeli, Omanyolo otaga ti kutya ina mangulula we a hokane nenge a hokanwe. — 1 Timoteus 3:1, 5, 12.

 Ombiimbeli otayi ladhipike aaihokani ya kale pamwe aluhe, nokuli nopomathimbo guudhigu. (1 Aakorinto 7:10-16) Omaupyakadhi ogendji otaga vulu okukandulwa po, ngele aaihokani oya kala haya galikana ya mana mo, haya tula miilonga omakotampango gOmbiimbeli nokuulukilathana ohole. — 1 Aakorinto 13:4-8; Aagalati 5:22.

 Nonando ongawo, Aakriste yamwe oya thiga po ookuume kawo kopandjokana, omolwoonkalo dha kwata miiti tadhi landula:

•   Uuna omusamane inaa hala okusila oshimpwiyu aanegumbo lye. — 1 Timoteus 5:8.

•   Uuna gumwe ha hepeke nayi palutu kuume ke kopandjokana. — Episalomi 11:5.

•   Uuna uupambepo wa gumwe wu li moshiponga. Pashiholelwa, kuume kopandjokana otashi vulika a thiminike mukwawo a taaguluke iipango yaKalunga momukalo gwontumba, shoka tashi vulika shi ningithe ngoka e li moshiponga a tokole kutya okutopoka okwo owala taku ke mu kwathela a ‘vulike kuKalunga, ihe hakaantu.’ — Iilonga 5:29.