Tsa omuthindo omautumbulilo ngoka ga simana. Ngele wa lesha enyolo, tsa omuthindo omautumbulilo ngoka ga pamba lelalela oshitsa shoye. Oto vulu oku shi ninga moku ga endulula nenge wu pule aapulakeni omapulo ngoka tage ya kwathele ye ga ndhindhilike mo.

Tsa omuthindo oshitsa shoka wa hala aapulakeni ya dhimbulukwe. Uuna wa lesha enyolo e to popi kutya omolwashike we li lesha, yelitha nkene iitya mbyoka ya simana menyolo ndyoka, tayi ambidhidha etompelo lyoye.

Yelitha oshitsa shoye momukalo omupu. Yanda okupopya iinima mbyoka itaayi ambidhidha oshikundathanwa shoye. Ngele aapulakeni oye shi nale oshinima shoka to popi, tala kutya uuyelele wu thike peni wa pumbiwa, opo ya uve ko nawa oshitsa shoka.