Nkene tu na okwiikaleka mohole yaKalunga

Ombiimbeli oyi na omakotampango nohayi longo omithikampango ndhoka tadhi vulu oku tu kwathela tu ikaleke mohole yaKalunga.

Ontumwafo ya za kOlutuwiliki

Olutuwiliki lwOonzapo dhaJehova otalu ladhipike ayehe mboka ye hole Jehova Kalunga yi ilonge nkene ye na okukala metsokumwe noshili ndjoka yi li mOohapu dhe, Ombiimbeli.

ONTOPOLWA 1

Otatu vulu okukala tu hole Kalunga sigo aluhe

Ohashi pula oonkambadhala, opo tu kale tu na uukuume wopothingo naKalunga notu wu kaleke wa kola. Ongiini tatu vulu okupondola moku shi ninga?

ONTOPOLWA 2

Kala wu na eiyuvo ewanawa koshipala shaKalunga

Jehova okwe tu pa atuheni eiyuvo li tu kwathele tu mone kutya oshike tu na okuninga monkalamwenyo.

ONTOPOLWA 3

Hogolola ookuume mboka ye hole Jehova

Ookuume ketu otaya vulu oku tu nwetha mo momukalo omwaanawa nenge omwiinayi. Omakotampango gOmbiimbeli otage tu kwathele ngiini tu hogolole ookuume aawanawa?

ONTOPOLWA 4

Omolwashike tu na okusimaneka mboka taye tu wilike?

Otu na omatompelo omawanawa gokuulika kutya otwa simaneka ewiliko lyaJehova megumbo, megongalo nomomidhingoloko dhetu.

ONTOPOLWA 5

Nkene tatu vulu okukala twa yooloka ko kuuyuni

Jesus okwa lombwele aalongwa ye a ti: ‘One mwaa shi yomuuyuni.’ ‘Uuyuni’ mboka oshike naanaa, nomolwashike Aakriste ye na okukala ya yooloka ko kuwo?

ONTOPOLWA 6

Nkene tatu vulu okuhogolola omainyanyudho pandunge

Omainyanyudho ngoka ge li muuyuni, oga faathana noshiyimati shoka sho ola pombinga. Oshike tashi ke ku kwathela wu hogolole ngoka omawanawa nokuyanda ngoka omawinayi?

ONTOPOLWA 7

Mbela owa simaneka ngaa omwenyo ngaashi Kalunga?

Omakotampango gOmbiimbeli geni taga vulu oku tu kwathela tu ninge omatokolo gopandunge kombinga yomwenyo nombinzi?

ONTOPOLWA 8

Jehova okwa hala oshigwana she shi kale sha yogoka

Omithikampango dhaKalunga dhuuyogoki, odha kwatela mo oshindji shi vulithe owala pokukaleka omalutu getu, oonguwo dhetu nomagumbo getu ga yela. Ohadhi gumu okulongela kwetu Kalunga, omikalo dhetu nokuli nomadhiladhilo getu.

ONTOPOLWA 9

“Yandeni omilalo dha nyata”

Omilalo dha nyata odha kwatela mo shike, nongiini tatu vulu oku dhi yanda?

ONTOPOLWA 10

Ondjokana omagano ga za kuKalunga

Uuwanawa wumwe wuni hawu zi mondjokana? Ongiini to vulu okuhogolola kuume ta opalele? Oshike tashi vulu okukwathela ondjokana yi kalelele?

ONTOPOLWA 11

Konima yesiku lyohango

Mondjokana kehe, ohamu kala ngaa siku nawa siku nayi. Nonando ongawo, aaihokani mboka ye na omaupyakadhi ga kwata miiti, otaya vulu okukoleka ekwatathano lyawo.

ONTOPOLWA 12

Popyeni “oohapu ndhoka oombwanawa tadhi tungu”

Okupopya otaku vulu okutunga yalwe nenge oku ya teya po. Jehova ohe tu longo nkene tu na okulongitha nawa omagano gokupopya.

ONTOPOLWA 13

Mbela Kalunga okwa hokwa iituthi ayihe?

Iituthi nomasiku gomafudho, oyi li iinima ya simana monkalamwenyo yaantu muuyuni kunena. Oshike tashi vulu oku tu kwathela tu mone kutya Jehova oku yi uvitile ngiini?

ONTOPOLWA 14

Kaleni aanashili miinima ayihe

Tala kiinima ine mbyoka hayi vulu oku shi ningitha oshidhigu okukala aanashili mokukalamwenyo kwetu. Otatu ka tala wo komauwanawa gamwe ngoka tatu ka mona, ngele otwa kala aanashili.

ONTOPOLWA 15

Kala ho longo iilonga yoye nenyanyu

Omushiti gwetu okwa hala tu kale tu hole iilonga yetu. Oshike tashi vulu oku tu kwathela tu kale hatu longo iilonga yetu nenyanyu? Opu na mbela iilonga yontumba mbyoka Omukriste kee na okulonga?