Tsikila okukwathela aantu

DHANA

Ekotampango: “Oya tsikile okulonga nokuuvitha . . . elaka etoye.” — Iil. 5:42.

Shoka Paulus a li a ningi

OKAVIDIO: Paulus okwa tsikile okuuvithila muEfeso

1. Tala OKAVIDIO, nenge wu leshe Iilonga 19:8-10. Opo ihe to yamukula omapulo taga landula:

Ongiini Paulus a tsikile okukwathela mboka ya li ye na ohokwe, pehala lyokusholola sho yamwe ya li taye mu pataneke?
Iikando ingapi Paulus a li ha shuna kwaamboka ye na ohokwe e ke ya longe, nokwa li e shi ningi uule wethimbo li thike peni?

Oshike tatu ilongo koshiholelwa shaPaulus?

2. Otwa pumbwa okukonga ethimbo nosho wo okuninga oonkambadhala tu ninge omaishunoko taga ti sha nokutameka omakonakonombiimbeli.

Holela Paulus

3. Kala wu na ehalo lyokutalela po omuntu pethimbo ndyoka tali mu opalele. Ipula to ti: ‘Uunake ta ka kala a hala ndi mu talele po? Uunake nopeni ta ka kala a hala tu ningile oonkundathana dhetu?’ Ninga oonkambadhala wu ninge eishunoko, nokuli nonando kwa li wa hala okushuna ko pethimbo ndyoka.

4. Ninga oshilage. Pehulilo lyoonkundathana dheni kehe, uvathaneni kutya uunake nopethimbo lini to ka shuna ko ishewe. Kambadhala okushuna ko ngaashi mwa uvathana.

5. Kala wu na einekelo. Ino thika nziya pehulithodhiladhilo kutya omuntu ngoka ihaa kala mo olundji megumbo, nenge ha kala i ipyakidhila olundji, ke na ohokwe. (1 Kor. 13:4, 7) Pehala lyaashono, tsikila okuninga omaishunoko, nokulongitha nawa ethimbo. — 1 Kor. 9:26.

TALA WO OMANYOLO TAGA LANDULA

Iil. 10:42; 1 Kor. 9:22, 23; 2 Kor. 4:1; Gal. 6:9

KALA WU HOLE AANTU — YA NINGA AALONGWA