OSHILESHWA 59
Oto vulu okukala omudhiginini, nonando oto hepekwa
Sho tatu popi ngeyi Aakriste yamwe otaya hepekwa, omanga yalwe tashi vulika ya ka hepekwe monakuyiwa. Mbela shoka oshi na oku tu mbandameka?
1. Omolwashike twa tegelela oku ka hepekwa?
Ombiimbeli otayi popi sha yela, tayi ti: “Ayehe mboka ya hala okulongela Kalunga nesimaneko muukumwe naKristus Jesus, otaa ka tidhaganwa.” (2 Timoteus 3:12) Jesus okwa li a hepekwa, molwaashoka ka li oshitopolwa shuuyuni waSatana. Natse katu shi oshitopolwa shuuyuni mbuka. Onkene ihatu kala twa kumwa ngele tatu hepekwa nenge tatu tidhaganwa komapangelo nokaawiliki yomalongelokalunga. — Johannes 15:18, 19.
2. Ongiini tatu vulu okwiilongekidhila omahepeko?
Otu na okukoleka einekelo lyetu muJehova ngashingeyi. Onkene kala ho kongo ethimbo lyokugalikana kuye esiku kehe nokulesha Ombiimbeli. Kala wo ho kala aluhe pokugongala. Omaipyakidhilo agehe ngoka otage ke ku nkondopaleka wu vule okwiidhidhimikila omahepeko wu na omukumo, nokuli nando otage ku zile kuyaandjeni. Omuyapostoli Paulus ngoka a li ha hepekwa olundji, okwa nyola a ti: “Omuwa oye omukwathi gwandje, itandi tila sha. Omuntu ota ningi ndje shike?” — Aahebeli 13:6.
Otatu vulu wo okukala tu na omukumo, ngele otwa kala hatu uvitha aluhe. Okuuvitha ohaku tu kwathele tu kale twi inekela muJehova notu sinde uumbanda wokutila aantu. (Omayeletumbulo 29:25) Ngele owa kala ho uvitha wu na omukumo ngashingeyi, otashi ke ku kwathela wu tsikile okuuvitha, nonando omapangelo ogi indike iilonga yetu. — 1 Aatessalonika 2:2.
3. Okwiidhidhimikila omahepeko ohaku tu etele uuwanawa wuni?
Odhoshili kutya ihatu kala twa nyanyukwa ngele tatu hepekwa, ihe ngele otwi idhidhimikile omahepeko nomupondo, eitaalo lyetu ohali kolo. Ohatu hedha popepi naJehova, molwaashoka ohe tu kwathele uuna kaatu na we oonkondo dhokwiidhidhimika. (Lesha Jakob 1:2-4.) Ohashi ehameke Jehova, uuna e wete tatu mono iihuna, ihe ohashi mu nyanyudha ngele tatu idhidhimike. Ombiimbeli otayi ti: “Ngele tamu idhidhimikile omahepeko nuuna inaamu yona sha, nena Kalunga ote shi mu yambekele.” (1 Petrus 2:20) Ngele otwa kala aadhiginini, Jehova ote ke tu pa ondjambi yomwenyo gwaaluhe muuyuni uupe, moka itaamu ka kala ngoka te ke tu pataneka. Onkee ano, ayehe mboka taya ka kala mo, otaya ka kala noku mu longela. — Mateus 24:13.
ILONGA OSHINDJI
Tala kutya omolwashike tatu vulu okukala aadhiginini kuJehova, nonando aantu otaye tu hepeke. Mona wo kutya Jehova ote ke tu pa ondjambi yashike ngele otwa ningi ngawo.
4. Oto vulu okwiidhidhimikila omapataneko ngoka tage ku zile kuyaandjeni
Jesus okwa li e shi nawa kutya otashi vulika aantu yamwe yaandjetu ya kale inaaya hala tu longele Jehova. Lesha Mateus 10:34-36, e tamu kundathana epulo tali landula:
-
Oshike tashi vulu okuningwa po uuna gumwe megumbo a tokola okulongela Jehova?
Opo wu mone oshiholelwa shi na ko nasha naashika, dhana OKAVIDIO, e tamu kundathana epulo tali landula.
-
Oto ka ninga po shike ngele omupambele nenge kuume koye ote ku teya omukumo wu ethe po okulongela Jehova?
Lesha Episalomi 27:10 nosho wo Markus 10:29, 30. Konima yokulesha enyolo kehe, kundathaneni epulo tali landula:
-
Euvaneko ndyoka otali ke ku kwathela ngiini ngele kuume koye nenge gumwe gwaandjeni ote ku pataneke?
5. Tsikila okulongela Jehova, nonando oto patanekwa
Ohashi pula uulaadhi okulongela Jehova uuna yalwe taya kambadhala oku tu indika oku shi ninga. Dhana OKAVIDIO, e tamu kundathana epulo tali landula.
-
Ongiini iiholelwa mbyoka tu uva mokavidio tayi vulu oku ku kwathela?
Lesha Iilonga 5:27-29 nosho wo Aahebeli 10:24, 25. Ngele mwa lesha enyolo kehe, kundathaneni epulo tali landula:
-
Omolwashike sha simana okutsikila okulongela Jehova, nonando epangelo olye tu indika okuuvitha nenge okuya kokugongala?
6. Jehova ote ke ku kwathela wu idhidhimike
Oonzapo dhaJehova dha za momaputuko gi ili nogi ili, kutya nduno aagundjuka nenge aakuluntu, odha kala tadhi tsikile okulongela Jehova nuudhiginini nokuli naasho dha li tadhi hepekwa. Opo wu mone kutya oshike she dhi kwathela, dhana OKAVIDIO, e tamu kundathana epulo tali landula.
-
Ngaashi twa mono mokavidio, oshike sha kwathele Oonzapo ndhono dhi idhidhimike?
Lesha Aaroma 8:35, 37-39 nosho wo Aafilippi 4:13. Ngele mwa lesha enyolo kehe, kundathaneni epulo tali landula:
-
Enyolo ndino otali ku shilipaleke ngiini kutya oto vulu okwiidhidhimikila emakelo kehe?
Lesha Mateus 5:10-12, e tamu kundathana epulo tali landula:
-
Omolwashike to vulu okukala wa nyanyukwa, nonando oto hepekwa?
Oonzapo odhindji odha kala tadhi longele Jehova nuudhiginini, nonando otadhi hepekwa. Nangoye oto vulu okuninga sha faathana!
AANTU YAMWE OHAYA TI: “Itandi vulu okwiidhidhimikila omahepeko.”
-
Omanyolo geni taga vulu oku ya tsa omukumo?
OWI ILONGO SHIKE?
Jehova okwa lenga oonkambadhala ndhoka hatu ningi sho tatu mu longele, nonando otatu hepekwa. Kekwatho lye, otatu vulu okwiidhidhimika nomupondo!
Omapulo geendululo
-
Omolwashike Aakriste ye na okukala ya tegelela okuhepekwa?
-
Oshike to vulu okuninga ngashingeyi, opo wu kale wi ilongekidha sho omahepeko tage ke ya?
-
Oshike tashi vulu oku ku kwathela wu kale wu na einekelo kutya oto vulu okulongela Jehova, kutya nduno opu na omamakelo?
UUYELELE WA GWEDHWA PO
Tala nkene omumwatate gumwe omugundjuka ta popi kombinga yankene Jehova e mu kwathele i idhidhimike, sho a li a tulwa mondholongo omolwokwaakutha ombinga mopolotika.
Tala kutya oshike sha li sha kwathele aaihokani yamwe ya tsikile okulongela Jehova nuudhiginini uule womimvo, nonando oya li taya patanekwa.
Tala nkene to vulu okukala wa nyatipala uuna to hepekwa.
“Ilongekidhila ngashingeyi omahepeko” (Oshungolangelo, Juli 2019)
Otu na okukala twa tala ko ngiini omapataneko ngoka hage tu zile kuyaandjetu, noshike tu na okuninga, opo tu kaleke po ombili notu tsikile okukala aadhiginini kuJehova?
“Oshili ihayi eta ‘ombili, ihe egongamwele’” (Oshungolangelo, Kotoba 2017)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
