OSHILESHWA 53
Hogolola omainyanyudho ngoka ga hokiwa kuJehova
Jehova ‘oKalunga omunyanyukwi.’ (1 Timoteus 1:11, yelekanitha NW.) Okwa hala tu kale twa nyanyukwa notu na ombili monkalamwenyo. Oha kala ishewe a nyanyukwa ngele tatu itulile po ethimbo lyokuvululukwa po kiilonga yetu. Moshileshwa shika, otatu ka tala nkene tatu vulu okulongitha ethimbo lyetu lyokuthuwa po, miinima mbyoka tayi tu etele enyanyu noya hokiwa wo kuJehova.
1. Otu na okudhiladhila kombinga yashike uuna tatu hogolola omainyanyudho?
Owu hole okuninga shike pethimbo lyokuthuwa po? Aantu yamwe oye hole okukala pegumbo yi imwenenena, taya lesha embo, taya pulakene omusika, taya tala omuvi nenge taya longitha ointaneta. Yamwe oye hole okukala pamwe nookuume kawo, okulonda oondundu, okumbwinda nenge okudhana uudhano wuuvidio. Kutya nduno otu hole shike, otwa pumbwa okushilipaleka kutya omainyanyudho ngoka hatu hogolola ogo “opalela Omuwa.” (Aaefeso 5:10) Omolwashike mbela? Omolwaashoka omainyanyudho ogendji ngoka aantu kunena haya hogolola, oga kwatela mo iinima mbyoka Jehova e tonde, ngaashi elongithonkondo, oluhondelo nenge uumpulile. (Lesha Episalomi 11:5.) Oshike tashi ke tu kwathela tu ninge omatokolo ge li pandunge uuna tatu hogolola omainyanyudho?
Ngele otwa hogolola ookuume mboka ye hole Jehova, otaya vulu oku tu nwetha mo nawa noku tu kwathela tu vule okuhogolola omainyanyudho ngoka omawanawa. Moshileshwa sha tetekele otwi ilongo kutya ngele otwe ‘ende pamwe naanawino, otatu ka likola owino.’ Mepingathano naashono, ngele otwa kala aluhe hatu endathana naamboka kaaye hole omithikampango dhaJehova, otatu ka “likola uuwinayi.” — Omayeletumbulo 13:20.
2. Omolwashike sha simana okutala kutya ohatu longitha ethimbo li thike peni momainyanyudho?
Nokuli nando omainyanyudho ngoka hatu hogolola itaga yono po ekwatathano lyetu naJehova, otu na okukala twa kotoka, opo kaatu longithe ethimbo olindji mugo. Ngele inatu kotoka, otashi vulika tu kale kaatu na ethimbo lyokuninga iinima mbyoka ya simanenena. Ombiimbeli otayi tu ladhipike tu ‘longithe nawa ethimbo lyetu.’ — Lesha Aaefeso 5:15, 16.
ILONGA OSHINDJI
Ilonga nkene to vulu okukala ho hogolola omainyanyudho ngoka taga opalele.
3. Yanda omainyanyudho ngoka inaaga yogoka
Omolwashike tu na okuhogolola omainyanyudho getu pandunge? Dhana OKAVIDIO, e tamu kundathana omapulo taga landula.
-
Uudhano wokwiidhenga mboka wa li hawu dhanwa kAaroma yopethimbo lyonale, owa faathana ngiini nomainyanyudho gamwe kunena?
-
Ngaashi twa mono mokavidio, Danny okwa li i ilongo shike kombinga yomainyanyudho?
Lesha Aaroma 12:9, e tamu kundathana epulo tali landula:
-
Ongiini ovelise ndjoka tayi vulu oku ku kwathela wu hogolole omainyanyudho ngoka taga opalele?
Iinima yimwe yini Jehova e tonde? Lesha Omayeletumbulo 6:16, 17 nosho wo Aagalati 5:19-21. Ngele mwa lesha enyolo kehe, kundathaneni epulo tali landula:
-
Moovelise ndhoka omwa tumbulwa iinima yini mbyoka tayi dhana onkandangala momainyanyudho gokunena?
Omapulo ngoka taga vulu oku ku kwathela wu hogolole omainyanyudho pandunge
Ipula to ti:
-
Mbela omainyanyudho ngaka oga kwatela mo shike shoka Jehova e tonde?
-
Mbela ohaga mana po ethimbo lyokuninga iinima mbyoka ya simanenena?
-
Mbela ohaga ningitha ndje ndi endathane aluhe naantu mboka ihaaya longele Jehova?
Osha simana okuyanda shoka Jehova e tonde. Onkee ano, katu na okukutha ombinga momainyanyudho ngoka taga vulu oku tu etela oshiponga
4. Longitha ethimbo lyoye nawa
Dhana OKAVIDIO, e tamu kundathana epulo tali landula.
-
Nonando omumwatate mokavidio hoka ka li ha tala iinima iiwinayi, uupyakadhi owa li peni?
Lesha Aafilippi 1:10, e tamu kundathana epulo tali landula:
-
Ovelise ndjino otayi vulu ngiini oku tu kwathela tu tokole kutya otu na okulongitha ethimbo li thike peni momainyanyudho getu?
5. Hogolola omainyanyudho omawanawa
Nonando omainyanyudho gamwe Jehova ine ga hokwa, opu na iinima oyindji iiwanawa mbyoka tatu vulu okwiinyanyudha nayo. Lesha Omuuvithi 8:15 nosho wo Aafilippi 4:8, e tamu kundathana epulo tali landula:
-
Omainyanyudho geni omawanawa wu hole?
Oto vulu okunyanyukilwa omainyanyudho ngoka omawanawa
AANTU YAMWE OHAYA TI: “Omainyanyudho ngoka ga kwatela mo elongithonkondo, oluhondelo nuumpulile inaga puka, shampa owala itaandi kutha ombinga miinima mbyoka.”
-
Ngoye oto ti ngiini?
OWI ILONGO SHIKE?
Jehova okwa hala tu hogolole notu nyanyukilwe omainyanyudho ngoka omawanawa.
Omapulo geendululo
-
Aakriste oye na okuyanda omainyanyudho geni?
-
Omolwashike tu na okukala twa kotokela ethimbo ndyoka hatu longitha momainyanyudho?
-
Omolwashike wu na okuhogolola omainyanyudho ngoka ga hokiwa kuJehova?
UUYELELE WA GWEDHWA PO
Tala kutya olye e na oshinakugwanithwa shoku tu hogololela omainyanyudho.
Tala nkene to vulu okuninga omatokolo omawanawa ge na ko nasha nomainyanyudho.
“Omainyanyudho ohage ku etele ngaa uuwanawa washa?” (Oshungolangelo, 15 Kotoba 2011)
Lesha ehokololo, “Onda li nokuli nde etha po okukala ndi na okatongotongo niilumbu,” wu mone kutya omolwashike omulumentu gumwe a etha po omainyanyudho ngoka a li e hole.
“Ombiimbeli ohayi lundulula onkalamwenyo yaantu” (Oshungolangelo, 1 Maalitsa 2010)
Tala nkene omuvali gumwe a li a ningi etokolo lyopandunge, a yande omainyanyudho ngoka taga ulike ombepo yuuyuni.
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
