OSHILESHWA 34
Ongiini tatu vulu okuulika kutya otu hole Jehova?
Sho wa tameke okukonakona Ombiimbeli, mbela ngashingeyi owu uvite ngaa wa hedha popepi naJehova? Mbela ino hala okutsikila okukoleka ekwatathano lyoye naye? Ngele osho, dhimbulukwa kutya sho Jehova e wete to kokeke ohole yoye yoku mu hola, ota ka kala e ku hole, note ke ku sila wo oshimpwiyu. Ongiini to vulu oku mu ulukila kutya owu mu hole?
1. Ongiini tatu vulu okuulika kutya otu hole Jehova?
Ohatu ulike kutya otu hole Jehova, mokuvulika kuye. (Lesha 1 Johannes 5:3.) Iha thiminike nando omuntu a vulike kuye. Pehala lyaashono, okwa pa kehe gumwe gwomutse ompito a hogolole ngele ota vulika kuye nenge hasho. Omolwashike mbela? Omolwaashoka Jehova okwa hala tu ‘vulike nomwenyo aguhe.’ (Aaroma 6:17) Shoka osha hala okutya okwa hala wu vulike kuye, molwaashoka wu mu hole, ihe hakethiminiko. Oshitopolwa 3 no 4 membo ndika, oya nuninwa oku ku kwathela wu ulike kutya owu hole Jehova mokuninga shoka tashi mu nyanyudha nomokuyanda shoka tashi mu yemateke.
2. Omolwashike tashi vulika shi kale oshidhigu okuulika kutya otu hole Jehova?
Ombiimbeli otayi ti: “Omuyuuki ota tsakanekwa kuudhigu owundji.” (Episalomi 34:19) Atuheni ohatu kondjo nokwaagwanenena kwetu. Otashi vulika wo tu iyadhe tatu hupu shokadhila nenge tatu ningilwa okwaanuuyuuki. Uuna twi iyadha momaupyakadhi ngoka nosho wo galwe, otashi vulika tu kale tu wete oshidhigu okuninga shoka Jehova a hala tu ninge. Osho shi li ngaaka, oshoka oshipu okuya mepuko. Ihe ngele owa longo nuudhiginini shoka Jehova a hala wu ninge, oto ulike kutya owu mu hole komeho giinima ayihe. Oto ulike wo kutya owu li omudhiginini kuye, naye ota ka kala omudhiginini kungoye. Ite ke ku etha nando. — Lesha Episalomi 4:3.
ILONGA OSHINDJI
Ilonga kutya omolwashike sha simana okuvulika kuJehova nosho wo kutya oshike tashi vulu oku ku kwathela wu kale omudhiginini kuye.
3. Ompata ndjoka ye ku kwatela mo
Shi ikolelela kemboMbiimbeli lyaJob, Satana ina lundila owala Job, ihe aantu ayehe mboka ya hala okulongela Jehova. Lesha Job 1:1, 6–2:10, e tamu kundathana omapulo taga landula:
-
Satana okwa li a ti kutya aniwa Job oha vulika kuJehova molwashike? — Tala Job 1:9-11.
-
Satana okwa ti shike kombinga yaantu ayehe, nangoye wa kwatelwa mo? — Tala Job 2:4.
Lesha Job 27:5b, e tamu kundathana epulo tali landula:
-
Job oku ulike ngiini kutya oku hole shili Jehova?
Job okwa li a ulike kutya oku hole Jehova mokukala omudhiginini kuye
Ohatu ulike kutya otu hole Jehova, mokukala aadhiginini kuye
4. Nyanyudha omutima gwaJehova
Lesha Omayeletumbulo 27:11, e tamu kundathana omapulo taga landula:
-
Jehova oha kala e uvite ngiini ngele oho katuka pandunge noho vulika kuye? Omolwashike to tile ngawo?
5. Oto vulu okukala omudhiginini kuJehova
Ngele otu hole Jehova, otashi ke tu inyengitha tu lombwele yalwe kombinga ye. Ohole ndjoka otayi ke tu inyengitha wo tu shi ninge, nopompito mpoka kaashi shi oshipu. Dhana OKAVIDIO, e tamu kundathana omapulo taga landula.
-
Mbela oho mono oshidhigu okulombwela yalwe kombinga yaJehova?
-
Mokavidio haka, oshike sha kwathele Gideon a sinde uumbanda we?
Ohashi kala oshipu okukala aadhiginini kuJehova ngele otu hole shoka e hole, notu tonde shoka e tonde. Lesha Amos 5:15, e tamu kundathana omapulo taga landula:
-
Shi ikolelela kwaashoka wi ilongo, iinima yini Jehova e hole? Iinima yini e tonde?
-
Ongiini to vulu okwiilonga okukala wu hole shoka oshiwanawa nokutonda shoka oshiwinayi?
6. Ohatu mono uuwanawa uuna tatu vulika kuJehova
Okuvulika kuJehova oko aluhe oshinima sha dhenga mbanda. Lesha Jesaja 48:17, 18, e tamu kundathana omapulo taga landula:
-
Sho to tala, otatu vulu ngaa okukal neinekelo kutya Jehova oku shi aluhe shoka she tu opalela? Omolwashike to tile ngawo?
-
Sho wa kala to konakona Ombiimbeli nosho wo kombinga yaKalunga kashili, Jehova, oshe ku etela uuwanawa washike?
AANTU YAMWE OHAYA TI: “Kutya nduno otandi longo shike, Kalunga ita ningi ndje sha.”
-
Enyolo lini to vulu okulongitha wu ulike kutya shoka hatu ningi otashi vulu okunyanyudha nenge okuuvitha nayi Jehova?
OWI ILONGO SHIKE?
Oto vulu okuulika kutya owu hole Jehova mokukala ho vulika kuye nokukala omudhiginini, nonando opu na omashongo.
Omapulo geendululo
-
Owi ilongo shike moshiholelwa shaJob?
-
Ongiini to vulu okuulika kutya owu hole Jehova?
-
Oshike tashi ku kwathele wu kale omudhiginini kuJehova?
UUYELELE WA GWEDHWA PO
Tala nkene to vulu okukala omudhiginini kuJehova nosho wo kegongalo lye.
Ilonga oshindji kombinga yankene Satana a lundile aantu.
“Job okwa li a kakatele uudhiginini we” (Ombiimbeli oyi na etumwalaka lini? oshitopolwa 6)
Tala nkene aagundjuka nayo taya vulu okuulika kutya oye hole Jehova.
Ongiini omugundjuka ta vulu okukala omudhiginini kuKalunga, uuna ta thiminikwa koomakula a ninge shoka sha puka?
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
