Mbela onakuyiwa oyi tu nine shike?

DHANA

Sho to tala onkalo yuuyuni . . .

osho owala tayi kala ngeyi?
nenge otayi ka nayipala?
nenge otayi ka hwepopala?

SHOKA OMBIIMBELI TAYI TI

‘Kalunga ota ka theta omahodhi agehe momeho gawo. Oko noitaku ka kala we eso, oluhodhi, elilo nenge uuwehame. Oshoka iikulu oya hula po.’—Ehololo 21:3, 4.

UUWANAWA MBOKA TO VULU OKU KA MONA MONAKUYIWA

Oto ka longa iilonga tayi ti sha notayi nyanyudha.—Jesaja 65:21-23.

Ito ka ehama we ngoye ito ka mona we nando iihuna yasha.—Jesaja 25:8; 33:24.

Oto ka nyanyukilwa onkalamwenyo ombwaanawa yaa na ehulilo pamwe noyaandjeni nosho wo nookuume koye.—Episalomi 37:11, 29.

MBELA OTU NA NGAA SHILI OKWIITAALA OOHAPU NDHOKA DHI LI MOMBIIMBELI?

Eeno, opu na omatompelo ogendji, ihe natu tale owala gaali gomugo:

Kalunga oku na oonkondo okugwanitha po omauvaneko ge. Molwaashoka oonkondo dhaJehova Kalunga inadhi ngambekwa, oye awike ti ithanwa “Omunankondoadhihe” mOmbiimbeli. (Ehololo 15:3) Onkee ano, ota vulu shili okugwanitha po omauvaneko ge mokulundulula uuyuni wu kale ehala ewanawa nokukaliwa. Ombiimbeli otayi ti kutya “Kalunga iha nyengwa kusha.”—Mateus 19:26.
Kalunga okwa halelela shili okugwanitha po omauvaneko ge. Pashiholelwa, Jehova okwa “yuulukwa” okuyumudha aasi.—Job 14:14, 15.

Ombiimbeli oye shi popya wo kutya Omwana gwaKalunga, Jesus, okwa li a aludha aavu. Mbela omolwashike a li e shi ningi? Omolwaashoka okwa li a hala oku shi ninga. (Markus 1:40, 41) Jesus okwa li u ulike uukwatya wa fa waHe thiluthilu, sho a kwathele nehalo ewanawa mboka ya li mompumbwe.—Johannes 5:19.

Onkee ano, natu kale nuushili kutya Jehova nosho wo Jesus oya hala oku tu kwathela tu ka nyanyukilwe onkalamwenyo ombwanawa monakuyiwa.—Episalomi 72:12-14; 145:16; 2 Petrus 3:9.

TALA KEPULO NDIKA

Kalunga ote ke shi enda ngiini a lundulule uuyuni wu kale uuwanawa?

Ombiimbeli otayi gandja eyamukulo muMATEUS 6:9, 10 nosho wo muDANIEL 2:44.

Opu na ishewe uuyelele mbuka

OSHUNGOLANGELO

Oshili kombinga yonakuyiwa

Koleka etegameno lyoye mwaashoka Kalunga ta ti kombinga yankene evi tali ka kala monakuyiwa nosho wo kombinga yaantu mboka taya ka kala ko.

ESSENTIAL BIBLE TEACHINGS

Uukwaniilwa waKalunga oshike?

Sho Jesus a li tu uvitha kombanda yevi, okwa popi unene kombinga yUukwaniilwa waKalunga shi vulithe iinima yilwe. Uule womimvo omathele aalanduli ye oya kala nokugalikana Uukwaniilwa mboka wu ye.

OSHUNGOLANGELO

Uukwaniilwa waKalunga otawu ka gwanitha po shike?

Jesus oku shi kutya Uukwaniilwa waKalunga owo owala epangelo ndyoka tali vulu okukandula po omaupyakadhi kombanda yevi. Uukwaniilwa mboka owa gwanitha po nale shike shoka tashi tu ningitha tu kale tu na omukumo?