धेरैले बाइबलको वास्तविक लेखेको को हो भनी थाह पाउन सकिंदैन भनेर सोच्छन्‌। तर बाइबलको कुन पुस्तक कसले लेखेको हो भनी यसमा लेखिएका कुराहरूबाट बुझ्न सक्छौं। बाइबलको कुनै-कुनै भाग यस्तो अभिव्यक्‍तिबाट सुरु भएको छ “नहेम्याहको विवरण”, “यशैयाले देखेका दर्शन” र “योएलकहाँ आएको परमप्रभुको वचन।”—नहेम्याह १:१; यशैया १:१; योएल १:१.

 प्रायजसो बाइबल लेखकहरूलाई यहोवा परमेश्‍वरले नै आफूलाई बाइबल लेख्न डोऱ्‍याइरहनु भएको छ भनेर थाह थियो। हिब्रू धर्मशास्त्र लेख्ने भविष्यवक्‍ताहरूले ३०० भन्दा धेरै पटक यस्तो लेखे: “परमप्रभु यसो भन्‍नुहुन्छ।” (आमोस १:३; मीका २:३; नहूम १:१२) अरू लेखकहरूले स्वर्गदूतहरूबाट परमेश्‍वरको वचन पाए।—जकरिया १:७, ९.

 बाइबल करिब ४० जना मानिसले १६०० वर्षको अवधिमा लेखेको किताब हो। कुनै-कुनै लेखकलाई एउटा भन्दा धेरै किताब लेख्न लगाइएको थियो। वास्तवमा बाइबल ६६ वटा स-साना किताबहरूको सङ्‌गालो हो। यसमा हिब्रू धर्मशास्त्रको ३९ वटा किताबहरू छन्‌, जसलाई पुरानो करार भनिन्छ र ख्रीष्टियन ग्रीक धर्मशास्त्रको २७ वटा किताबहरू छन्‌, जसलाई नयाँ करार भनिन्छ।