Dai Bijbel sägt bloos ais oiwer tatuagem. In Levítico 19:28 sägt: “Måk kain tatuagem.” God hät dit forbåre tau Israel folk. Weegen hai wul sai schule aners sin as dai andrer folker, wat srijwe un afmåle däire falsche godes up eer fel. (Deuteronômio 14:2) Hüüt dai kristen bruuke ni mër dai Lei horge wat geewt woore is tau dai israeliten. Åwer dai Bijbel hät andrer formånen wat oos dat beeter forståe helpt.

Koine dai kristen tatuagem måke?

 Dai bijbelsprüüch hijr uuner koine dij helpe an dit denke:

•   Dat “dai fruuges . . . sich uutsmüke mit fornünftigkët”. (1 Timóteo 2:9) Dës formånen sin tau dai fruuges un uk tau dai kërls. Wij wile oos dår ni mit groot daue un wen dai andrer nå oos kijke daue wij wile ni dat sai sich forsreke daue.

•   Wek måke tatuagem taum wijse dat sai koine måke wat sai wile mit eer sijn körper. Åwer dai Bijbel däit dai kristen taureere: “Daut juuch körper anbaire tau God, up ain moor wat hai anneeme däit, leewig un hailig, un daut em mit hailigkët dijne mit juuch forstand.” (Romanos 12:1) Dau dijne “forstand” benutse taum waiten woweegen as duu tatuagem måke wilst. Wen is taum ain moor urer ain grup någåe, dau andenke dat dai tatuagens sin up ümer un nåheer kan dij dat lëd dau. Wen’s duu dit forståe däist, dit däit dij helpe air gaur uutsuiken måke. (Provérbios 4:7)

•   “Dai wat nischt uutdenke ware arm.” (Provérbios 21:5) Air mësch wat uutsuike däit tatuagem måke, däit ni andenke wat passijre kan in dem sij leewend, soo as kain wil der häwe un kain wil der arbëd geewe. Un uk dai tatuagens afmåke dat kan düür sin un wai daue. Hüüt giwt feel stele woo dai lüür hengåe taum dai tatuagens afmåke un dit däit wijse dat feel hät dat lëd dår.