DAU AIS KLAIN BITS ANDENKE: Duu gäist nåm huus woo dai früüsche daile forwårt sin. Un feel fon dere daile sin al kaputbråke. Åwer duu kijkst nå air dail wat gans nijg is, hät kaine fëgel. Den däist duu der mësche fråge wat dat huus dår uppasse däit: “Woweegen is dai soo fain un nog soo nijg?” Kan sin dat’s duu den denke däist dat is air dail wat al nijg kåme is. Åwer den sägt dai mësch: “Në! Dat is dat ülst dail wat ik hijr in häwe dau.” Duu däist dere mësche fråge: “Is dit air dail wat forwårt woore is?” Un dai mësch sägt: “Në! Dit hät feel daile doirset. Feel wule dat uutrote; hät feele wind un feele reege kreege.” Un duu däist dij den bewunren: ‘Wosoo is dat den nog soo gaud?’

Dai Bijbel is grår as dit früüsch dail. Is air sër ul bauk. Åwer is ni soo as feel buiker wat al sër uld sin, soo’s dai früüsche daile wat in dem huus sin, mite tijd oiwer dat srijwen is uld woore un häwe ni uuthule dai swår tijd wat oiwer eer kåme is. Dai uutgelërte lüür häwe ruuterkreege dai buiker sin ni genau. Eer formånen wat säge däit oiwer gesundhët, löt düler as sai forstööre daue as helpe. Un feel fon dit srijwen sin ni ale nog sreewe woore. Weegen feel fon eer sijrer sin wegkåme uk mite tijd foråst woore.

Dai Bijbel is gans aners. Dai is anfånge an nåsrijwen woore ain 3.500 jåre trööguut. Åwer ni air stük fon eer däit fëgel, lijkerst wen sai feel daile doirset hät. Dai is forbåre woore, forstöört un is sogår forbrent woore. Åwer dat wat dai Bijbel inlërt is bleewe bet hüüt. Dai tijd gäit forbij un dai Bijbel wart nij ais uld. Dat wat sai inlëre däit, däit groot klaukhët wijse in oos tijd. (Kijk dai tåfel “Desatualizada ou à frente do seu tempo?”)

Kan sin dat’s duu dij fråge däist: ‘Koine dai formånen fone Bijbel nog gaud sin in oos tijd?’ Taum dit antwooren dau’s ain klain bits andenke. Wat fon sin dai slechte daile wat dai lüür hüütsendåg doirsete daue? Wat fon sin dai daile wat eer groot angst geewe daue? Kan sin dat’s duu denke däist soo’s dai krijg, dai drekig daile, dat doodmåken un dai ungerechtigkët. Åwer kijk wek daile wat dai Bijbel inlëre däit un dau dij fråge: ‘Wen dai lüür dit måke daue wat dai Bijbel sägt, däir dai wild ni beeter ware?’

DER FREERE LIJBE

“Fröölig sin dai wat sich anstrenge taum der freere hule, weegen sai ware nent as God sijn kiner.” (Mateus 5:9) “Wen sin kan, wat up juuch up an kümt, blijwt in freere mit ale.” (Romanos 12:18)

BARMHÄRTSIGKËT HÄWE UN FORGEEWE

“Fröölig sin dai wat barmhärtsigkët häwe, weegen ware behanelt mit barmhärtsigkët.” (Mateus 5:7) “Daut juuch ümer wijrer air dem andrer uuthule, un ümer juuch air dem andrer forgeewe, lijkerst wen air uk recht hät taum sich gëgen dai anerd klåge. Soo as Jehovaa a juuch forgeewt hät, muite jij dat uk soo måke.” (Colossenses 3:13)

ALE OIWERAIN REEKNE

God “hät fon aine ainsig kërl al dat folk måkt taum upe ganse ër wåne”. (Atos 17:26) “God ale oiwerain reekne däit, åwer in al folk, hai nimt an der wat angst hät em ni gefale un mökt wat richtig is.” (Atos 10:34 un 35)

ALES ËRE WAT JEHOVAA MÅKT HÄT

“Jehovaa God hät der kërl nåme un hät der in dem Eden gåre henmåkt, dat hai der bearbëre schul un uppasse.” (Gênesis 2:15) God däit “dai uutrote wat dai ër foråse.” (Apocalipse 11:18)

DAI GROOT OOGEN UN DAI HUURERIG HASSE

“Passt juuch up fon al sort groot oogen, weegen lijkerst wen air mësch feel hät, sijn leewend kümt ni fon dës daile.” (Lucas 12:15) “Daut nischt fortele oiwer huurerig, oiwer al dai daile wat ni rëgen sin un oiwer dai groot oogen, soo as dai hailig lüür måke muite.” (Efésios 5:3)

REÄL SIN UN SËR ARBËRE

“Wij wile reäl sin in al dai daile.” (Hebreus 13:18) “Wee steele däit, dau ni mër steele; åwer dau sër arbëre”. (Efésios 4:28)

DAI ANDRER HELPE

“Daut trööste dai wat sër traurig sin, daut dai swake mithelpe, häwt geduld mit ale.” (1 Tessalonicenses 5:14) “Dai wat åne papa un mama sin uppasse un uk dai witfruuges in eer swårhëte.” (Tiago 1:27)

Dai Bijbel däit nog mër måke as bloos säge wat wij måke schåle taum beeter leewend häwe. Åwer sai däit oos inlëre woo wij dat formånen måke koine. Wen nog mër lüür måke däire wat dai Bijbel sägt, däist duu ni maine dat dai feel slechte daile fone lüür int raich bröcht ware däire? Is wår, wij koine säge dai Bijbel hät gaur formånen tau oos hüüt. Åwer wat kan dai Bijbel nuu for dij måke?

Dai wat dai oiwerst klaukhët har hät sägt: “Åwer, dai klaukhët wart gerecht pruiwt doir dat wat ruuterkümt fon dat wat sai mökt.” (Mateus 11:19) Dat best dail taum waiten of air formånen richtig geewe däit, is måke wat dat formånen säge däit, is ni wår? Wen soo is, kast duu dij denke: “Wen dai Bijbel gaud is den mut sai mijn leewend beeter måke. Åwer woo kan dai mij nuu helpe?” Kijk wat passijrt is.

Tau Delfina, b däir nischt fëgle, sai wäir sër lustig. Åwer mit ais, is eer leewend gans aners woore. Eer määke, wat nog juugend wäir, is doodbleewe un eer forfrigt leewend is uk alwoore. Un taulätst, sai har sër feel schulden. Sai sägt: “Ik bün sër unruig bleewe. Ik häw kain määke, kain kërl un kain huus mër. Ik bün sër traurig bleewe. Ik wüst ni mër wee ik wäir un wul ni mër leewig blijwe.”

Delfina hät fornåme in eer leewend woo dai wöör in Salmo 90:10 wår sin: “Oos leewend duurt bloos sijbtsig jåre, urer achtsig, tau dere wat mër starke sin. Åwer dës jåre sin ful mit swårhët un traurigkët. Gåe rasch forbij, un glijk sin wij ni mër.”

Delfina hät hülp hålt fone Bijbel. Un dat wat dai Bijbel tau eer måkt hät is sër wat gaures wääst. Soo’s dai andrer artikels wijse daue, feel andrer lüür häwe uk dai formånen fone Bijbel horgt un häwe saie dat dat wirklig richtig geewe däit. Sai häwe saie dat dai Bijbel grår soo is as dat früüsch dail wat wij sägt häwe im anfang fon dës artikel. Dai is gans aners as dai buiker wat mite tijd oiwer nischt mër doige daue. Woweegen? Wat hät dai Bijbel wat aners is as dës andrer buiker? Kan dai wirklig God sij Woord sin? (1 Tessalonicenses 2:13)

Kan sin duu häst al saie dat dat leewend kord is un ful mit swår daile. Un wen soo uut süüt soo as dai swårhëte ni int raich kåme? Woo däist duu tröösten, formånen un hülp håle?

Wiman’s saie woo dai Bijbel dij helpe kan up drai moors. Sai kan dij helpe taum

1. dat dai swårhëte wënig ware wen dat kan.

2. dai swårhëte int raich bringe wen dat passijrt.

3. dij drëge forståe mit dere daile wat’s duu nischt tau måke kast.

Dai andrer artikels daue fortele oiwer dës drai daile.