Belëre kan bedüüre lenke urer inlëre. Dat bedüürt wekmåls aim kind belërungs geewe wat unüts is. Åwer feelmåls kiner belëre bedüürt eer inlëre wat richtig un wat forkërd is. Soo, daue dai lëre gaure uutsuiken måke in eer leewend.

Ine lätste jåre lang, löt soo as wen wek papa un mama ni mër eer kiner belëre. Sai häwe angst dat dai kiner sich åne wërd forneeme. Åwer dai papa un mama wat klauk sin, daue ni taufeel un uk ni tau wënig fon eer kiner luure un daue dai kiner inlëre dat sai eer horge.

“Dai kiner muite inlërt ware dat sai groot forständig lüür ware. Åne belërungs, dai kiner sin soo as air schif åne lenkrad. Air schif åne lenkrad, mite tijd kan sich forlenke un sogår ümküpe.” - Pamela.

Dau belëre åwer dau uk låwe. Wen dij kind dij ni horge däit, duu must der belëre. Åwer wen dij kind dij horge däit, dau ni forgeete der låwe.

“Ik dau ümer mijn kiner låwe dat sai horge daue in dëse wild woo dai mëste lüür ni horge daue. Wen wij oos kiner ümer låwe, sai daue lichter fijne anneeme wen sai belërungs bruuke.” - Christine.

WAT SÄGT DAI BIJBEL? “Dat wat dai mësch ströögt, däit dai uk ernte.” (Gálatas 6:7)

Wäs forständig. Dau andenke woo uld as dij kind is un woo slim as dat is wat dai forkërd måkt hät. Wen dij kind wat forkërd måkt hät, dau der belëre oiwer dat wat dai forkërd måkt hät. Kan sin dat dij kind ni horge däit wolang as dai de celular benutse kan. Den, kast duu uutsuike dat dai nog wënige de celular benutse däit, urer up ain tijd lang de besijdlåte mut. Wen dij kind ni soo wat slimes måkt hät, dau der ni tau streng formåne.

“Ik forsuik forståe of mij kind ni mij horgt hät weegen dai ni horge wul urer of dai bloos wat forkërd uutsöcht hät. Slecht sin is air dail wat wij glijk in’t raich bringe muite, dat is gans aners as hen un wen wat forkërd måke, wat wij bloos formåne muite.” - Wendell.

WAT SÄGT DAI BIJBEL? “Daut ni juuch kiner wüütre, dat sai ni forsågt ware.” (Colossenses 3:21)

Dau lijb wijse. Dai kiner daue dat feel lichter maine air belërung anneeme wen sai waite dat dai papa un mama dat måke doir lijb.

“Wen oos kind wat forkërd måke däir, wij hare ine moor tau em säge dat wij oos sër frööge däire oiwer dai gaure daile wat hai al uutsöcht har. Wij däire tau em uutdüüre dat däir em nischt schåre wen hai sich anstrenge däir taum dai daile in’t raich bringe wat hai forkërd måkt har. Wat wij wule wäir klår tau em låte dat wij ümer an em sijne sijr wäire taum em dat måke helpe.” - Daniel.

WAT SÄGT DAI BIJBEL? “Dat lijb is geduldig un gaud.” (1 Coríntios 13:4)