Fornünftig sin bedüürt leewe nå dat woo wij anglööwe. Gans sicher duu däist dij anstrenge taum ümer reäl sin. Soo, kan sin wilst duu uk dij kind inlëre reäl sin.

Fornünftig sin bedüürt uk gaure moors häwe. Air mësch wat gaure moors hät, däit gaud arbëre, is gerecht un däit ni bloos an sich selwst denke. Is feel lichter dat air mësch anfänge däit dës gaure moors häwe, wen dai nog jung is.

WAT SÄGT DAI BIJBEL? “Dau dat kind belëre upm weeg woo dai gåe mut. Nog wen dat uld wart, däit sich ni fon dem aflenke.” (Provérbios 22:6)

Hüütsendåg, is nöörg air gaur mësch sin. Ain mama wat Karyn hit, hät sägt: “In irgends ain celular, up irgends ain stel, kan man daile fijne wat ni doige daue. Oos kiner koine bij oos sin un wij daue ni saie wat sai forkërd kijke.”

WAT SÄGT DAI BIJBEL? “Lüür wat stark im gloobe sin, . . . wat denke lërt häwe un dårdoir, koine sai waite wat richtig un forkërd is.” (Hebreus 5:14)

Is uk sër nöörg gaure moors häwe. Wij koine gaure moors wijse wosoo as wij wat forlange un andrer danke. Gaure moors häwe hät uk besägen dat’s duu dij mit dai andrer bekümre däist. Hüütsendåg ine wild, dai lüür daue sich mër bekümre mit dai celular un andrer daile as mit dai lüür.

WAT SÄGT DAI BIJBEL? “Un soo as jij wile dat dai lüür tau juuch måke, daut tau eer uk soo måke.” (Lucas 6:31)

Dau klår låte wat’s duu mainst wat richtig is. Wek uutstudijrte, häwe sägt wen dai papa un mama klår tau eer kiner uutdüüre dat seks bloos is tau dai wat forfrigt sin, kan sin dat dai kiner dës belërung någåe.

DIT KAN DIJ HELPE: Taum fortelt krijge mit dij kind oiwer gaure moors, benuts air dail wat passijrt is. Wen dai jornal fortelt oiwer aine, wat aine doodmåkt hät, bloos dat dai der ni lijre küün weegen dat dai wäir fone ande rass urer farw, duu kast tau dijn kind säge: “Is ängstlig saie wosoo as wek lüür andrer mit sofeel hass behandle. Wat mainst duu? Woweegen måke dai lüür soo wat?”

“Wen air juugend ni waite däit wat richtig urer wat forkërd is, is ni licht tau dem gaur uutsuiken måke.” - Brandon.

Dau dijn kind inlëre gaure moors häwe. Sogår klaine kiner koine lëre gaure moors häwe, soo as wat mit schik forlange, dankeschöön säge un sich bekümre mit dai andrer. Ain bauk a oiwer kiner uptreke sägt: “Is gaud dat dai kiner waite dat sai tauhööre tau wat gröötes - ain familg, ain schaul, ain gemaind. Wen sai dat waite, is lichter tau eer gaure daile måke wat dai andrer helpe un ni bloos eer alaine.”

DIT KAN DIJ HELPE: Dau dij kind wek arbëds oiwergeewe taum t’huus måken. Soo, däit dai lëre woo nöörg is daile måke taum dai andrer helpe.

“Wen oos kiner gewoont sin wek arbëds t’huus nuu måke, den ware sai dat ni swår fijne wen sai alaine wåne, weegen oiwer sich häwe dës daile måke, däit al tauhööre tau eer dag for dag.” - Tara.