KAPITEL 5
Woweegen hät God dai Ër måkt?
1. Woweegen hät God dai Ër måkt?
Dai Ër is måkt woore taum dai lüür up eer wåne. God hät der airste kërl un dai airst fruug måkt in aim faine gåre wat Eden haite däir. Jehovaa wul dat Adam un Eva, un eer kiner up ümer upe Ër leewe däire. (Gênesis 2:15-17) Dit wist dat dai Ër oos huus is. Wee im himel leewt sin dai ängels. — Jó 38:4, 7. — Lees Salmo 37:29; 115:16.
Im anfang, wäir bloos dat stük upe Ër air Paradijs woo Adam un Eva wåne däire. Åwer sai müste kiner häwe un den wööre dat ümer mër lüür. Dai lüür müste dai Ër bearbëre bet dai air gans Paradijs ware däir. (Gênesis 1:28) Dai Ër wart nij ais uutrot. Dai däit ümer oos wånstel sin. — Lees Salmo 104:5.
Kijk dai film Woweegen hät God dai ër måkt?
2. Woweegen is dai Ër hüüt kair Paradijs?
Weegen Adam un Eva häwe God ni horgt. Dun, sin sai uutm Eden gåre ruuterschikt woore. Sai häwe der Paradijs forspeelt. Nå dit, is nij mër ais soo’n stel wääst as dai Paradijs. Dai Bijbel sägt dat dai Ër gans ful woore is mit slecht lüür. — Jó 9:24. — Lees Gênesis 3:23, 24.
Åwer mag Jehovaa ni mër aine Paradijs måke tau dai lüür wåne? Hai is dai Almächtig un mökt wat Hai sägt. (Isaías 45:18) Dai lüür daue up ümer leewe im Paradijs upe Ër soo as dat schul sin fom anfang an. — Lees Salmo 37:11, 34.
3. Wosoo wart dai Ër air Paradijs?
Dai Köönig Jësus däit oiwer dai Ër regijre. Hai däit Satan up duusend jårelang inspuune. Dai Bijbel sägt dat, in aim krijg wat Armagedom hit, Jësus un dai ängels daue dai lüür uutrote wat God ni horge. Åwer, wee God horgt wart ni uutrot weegen Jësus däit eer uppasse. Sai daue up ümer leewe im Paradijs upe Ër. — Lees Apocalipse 20:1-3; 21:3, 4.
4. Wonair wart dai nood al?
Wonair däit God al dai slechtigkët un dai nood almåke? Jësus hät fortelt oiwer “saichen” wat der lüür forståe helpe däir dat dai letst tijd näig wäir. Dai wild hüüt is sër gefärlig un ales wat hüüt ine wild passijrt däit wijse dat wij ine letste tijd leewe. — Lees Mateus 24:3, 7-14, 21, 22.
Fom himel, däit Jësus oiwer dai Ër regijre soo as Köönig up duusend jårelang un däit al dai nood almåke. (Isaías 9:6, 7; 11:9) Un nog, Jësus däit der lüür eer süün forgeewe wat God lijbe. Jehovaa doir Jësus däit dai krankhëte, üligkët un der dood uutrote. — Lees Isaías 25:8; 33:24.
5. Wee wart im Paradijs leewe?
Ine Köönigrëchsaal, däist duu lüür kenelëre wat God lijbe un wile lëre em sijne wile måke.
Dai lüür wat God horge daue im Paradijs leewe. (1 João 2:17) Jësus hät tau sijn jüngers sägt sai müste dai lüür suike un inlëre wat oiwer God lëre wule. Hüüt miljone lüür daue lëre wat sai måke muite taum God gefale. (Sofonias 2:3) In dai Köönigrëchsaals fon Jehovaas Tüügen, dës miljone lüür daue God anbeere un daue lëre beeter kërls, fruuges, papa, mama un kiner sin. Sai ware fröölig mit der gaure nijges wat ine Bijbel sin. — Lees Miqueias 4:1-4.
