Löt soo dai ungerechtigkët is up jërer stel. Sai ungerechtigkët wat mit twai lüür passijrt is:

•   In Estados Unidos, air kërl is bijnå 38 jåre ine kadë bleewe, ån dat hai schuld har. In 2018 air juijs hät sägt hai küün ruutergåe uute kadë weegen air exame fon DNA hät weese dat hai kain schuld har.

•   In september 1994, drai jonges up ain stel in África sin inspuunt woore bloosig dat sai ni soldåt speele wule. In september 2020, sin al 26 jåre dat sai inspuunt sin. Åwer sai sin nog ni ais gericht woore upm gericht.

 Wen’s duu al air ungerechtigkët doirset häst, kan sin duu däist dij soo befijne as Jó wat sägt hät: “Ik bir hülp, åwer is kain gerechtigkët.” (Jó 19:7) Süüt soo uut as wen wij nij ais leewe koine in aine wild mit gerechtigkët. Åwer ine Bijbel stäit dat air dag kåme däit woo wij ale mit gerechtigkët leewe. Dat wat ine Bijbel in stäit kan dij nuu helpe dat’s duu dij drëgt krijgst mit dai ungerechtigkët ine wild.

 Dai ungerechtigkët kümt fon dai lüür wat ni God sij formånen horge wile. Dai Bijbel wijst dat dai wår gerechtigkët kümt fon God. (Isaías 51:4) Ine Bijbel, dat woord “gerechtigkët” däit t’hoopstime mit dat woord “recht” wat bedüürt måke wat richtig is. (Salmo 33:5) Wen dai lüür måke wat God maint is richtig, den daue sai dai andrer lüür mit gerechtigkët behandle. Åwer wen dai lüür God ni horge, dat bringt dai süün woo dai ungerechtigkët heerkümt. Sai wek daile wat ungerechtigkët bringe:

•   Afgünigkët. Dai afgünig wünsch is t’hoopbuune mite süün. (Tiago 1:14 un 15) Feel daue dai andrer mit gerechtigkët behandle taum dår wat mit krijge, åwer God wil wij schåle airste an dai andrer andenke. (1 Coríntios 10:24)

•   Unforständigkët. Wek daue dai andrer mit ungerechtigkët behandle ån dat forspoire, åwer tau God dat is uk süün. (Romanos 10:3) Jësus sij dood, dai grötst ungerechtigkët wat al passijrt is, is weegen dai lüür wat em doodmåkt häwe hare kain forständigkët. (Atos 3:15 un 17)

•   Dat wat dai lüür inset häwe giwt ni richtig. Dai politik, dai kirche un dai hanelrig müste gerechtigkët tau dai lüür bringe, åwer bringe steelerig, wat forkërdes, bedraigerig, afgünigkët, armhët un måke dat dai lüür sich beeter reekne as dai andrer. Dit ales bringt ungerechtigkët. Wek lüür wat politik, religion un hanelrig bijståe wile wat gaures måke, åwer ales wat dai lüür måke wat ni fon God is, giwt ni richtig. (Eclesiastes 8:9 un Jeremias 10:23)

 Jå, hai hasst dai ungerechtigkët un ales dat wat ungerechtigkët bringe däit. (Provérbios 6:16 bet 18) Dai profët Isaías hät sreewe: “Ik, Jehovaa, a lijb dai gerechtigkët un hass dat steelen un dai ungerechtigkët.” (Isaías 61:8)

 Dai geboote wat God tau dem Israel folk geewt hät, däire wijse dat hai wul dat dai dai daile måke däire mit gerechtigkët. God wul dai juijs schule sich ni bedümle låte un nischt anneeme wat ungerechtig wäir. (Deuteronômio 16:18 bet 20) God hät dai israeliten foracht wat em ni horge däire un wat dai arme bedraige däire. Den, hai hät dai israeliten foracht wat em sijn geboote ni horge däire. (Isaías 10:1 bet 3)

 Jå. Doir Jësus Kristus, God mökt dai süün al wat dai ungerechtigkët bringt, un mökt dat dai lüür åne fëgels ware soo’s hai ümer wul. (João 1:29 un Romanos 6:23) Hai hät uk aine regirung inset wat ain nijg wild bringe däit woo ale mit gerechtigkët behanelt ware. (Isaías 32:1 un 2 Pedro 3:13) Taum mër waiten oiwer dëse regirung im himel, kijk der video “Wat is God sij Regirung?”

 Wen upe ganse wild gerechtigkët is, dai lüür ware freere un sicherhët häwe. (Isaías 32:16 bet 18) Tau God wij sin ale oiwerain, dårweegen ware wij ale oiwerain behanelt. Dai traurigkët, dai waidåg un dat hüülen wat kümt fon dai ungerechtigkët ware den ni mër sin, un mite tijd daue wij sogår dai ungerechtigkët forgeete wat wij nuu doirsete daue. (Isaías 65:17 un Apocalipse 21:3 un 4) Taum mër waiten, lees der kapitel 33 fon dat bauk Leew up ümer lustig!, mit dai tem “Wat däit God sij Regirung bald måke?”.

 Jå. Is al weese woore dat wij up dai profesijrs fone Bijbel forlåte koine, un dat dai Bijbel genau t’hoopstimt mit dai geschicht un mit dai ciência. Dai gans Bijbel däit genau t’hoopstime. Dit ales däit wijse dat wij oos upforlåte koine up dat wat God tau oos ine Bijbel forspråke hät. Duu kast nog mër waiten woweegen koine wij oos up dai Bijbel forlåte in:

•   Wosoo koine wij oos sicher sin dat dai Bijbel fon God kümt? (video)

•   “6 daile wat ine Bijbel ståe wat hüüt passijre daue”

•   “Dai ‘profetik woord’ mökt oos stark” (video)

•   “Kast duu wirklig an dai Bijbel glööwe?”

 Ine früüsche tijd dai gaure lüür däire sich anstrenge taum gerechtigkët häwe. Ain mål dai lüür häwe der apostel Paulo mitnåme taum gericht ware ån dat hai schuld har. Hai har küüt sogår doodkåme. Paulo hät dës ungerechtigkët ni annåme. Hai hät forlangt dat César em gerichte däir nå dai lei. (Atos 25:8 bet 12)

 Hät nischt sägen wat dai lüür måke åwer sai krijge ni dai ungerechtigkët upe wild almåkt. (Eclesiastes 1:15) Lijkerst soo feel lüür krijge dai unruigkët wat kümt fon dai ungerechtigkët oiwerståe. Sai häwe freere weegen sai anglööwe dat God ain nijg wild mit gerechtigkët bringe däit.