Bhaibhei rinonanga kuti: “Vaya vanorarama vanoziva ibzi: kuti vanozofa; asi vakafa avabzizivi.”(Mucumaeri 9:5; Nduyo 146:4) Ngokudaro patinofa tinosiya kuvepo. Vakafa avarangariri, apana cavanoita neem kutozwa ciri cese.

“Ngokuti uri bukuta, unozohwirirabze ku bukuta”

 Tingaziva zvicinyi zvinoitika patinofa ngo zvakananga Mwari kuno mwanarume wo kutanga Adhamu, apo iyena pakashaisha, Mwari wakati kwaari: “Ngokuti uri bukuta, unozohwirirabze ku bukuta.”(Genesi 3:19) Mwari acikato wamusika kuvha ku “dongo ro pasi” Adhamu wainga acikapo.(Genesi 2:7) Ngo maitiro ondhowo, paakafa Adhamu , iyena wakahwirirazve ku bukuta zve wakasiya kuvepo.

 Ndizvona zvondhozvo zvinoitika kuno vari kufa nyamasi uno. Bhaibheri ricinangira vandhu no zvinyama, rinonanga kuti: “Bzese bzinobva mu bukuta, bzese bzinozohwirira mu bukuta.”—Mucumaeri 3:19, 20.

Kufa Asipi Kupera ko Zvese

 Bhaibheri kazinji rinoezanisa kufa no kuvata. (Nduyo 13:3; Johani 11:11-14; Mabasa o Vapostori 7:60) Mundhu paanonga wakavata hope jakajika iyena aazvizivi zvicinyi zvirikuitika pa mutivi pake. Ngo maitiro ondhowo, vakafa apana cavanoziva. Asi Bhaibheri rinojijisa kuti Mwari anokwanisa kumusa vakafa mu rufu zve woita kuti vaponezve. (Jobe 14:13-15) Kuno vaya vanozomuswa ndi Mwari, kufa asipi kupera ko zvese.