“Pa njiku jokuti ndinojizwa ndicikaripi ushoni no kuzviha mwoyo, ndinovona Jehovha ecindidakajisa ngo kushandisa mumbo jo mu JW Brodhikasting^®.”—Lorraine, U.S.A.

Makristu mukuvo wese angashandisa mumbo pakunamata kwavo Jehovha. (Vakorose 3:16) Kudari imwimwi mukajijira kuimba mumbo jedu, ijona jinozomubesera pikija paya pokuti imwimwi amuna bhuku ro mumbo kana pamunonga mucina magezi. Vonanyi mazano anotevera angamubesera kuti mukwanise kuimba no kuviga mumbo mu mwoyo.

• Zwisisanyi revo yo magama o mumbo. Zvakareruka kuceukija magama kudari manasa kuzwisisa zvaanoreva kwamuri. Mumbo jakaita kutahwa jiri kuwanika mu saite yedu jw.org kubatanijavo mavhidhiyo no mumbo kuitira vana. Toboranyi panoti, Bhibhiriyoteka perapo toboranyi pakatahwa kuti Mumbo.

• Taranyi ngo nyara maretera o mumbo. Izvi zvinozoita kuti mumbowo ugare mu murangariro menyu.—Deuteronòmio 17:18.

• Jijiranyi ngo izwi guru. Verenganyi no kuimba mumbo ko vhaza jakawanda.

• Ejanyi kuviga. Ejanyi kuceukija magama o mumbo mucikasoti maretera perapo vonanyi kuti dangani zvabuda ushoni.