Vandhu vazinji vari kusia kuita basa ro ciara ngo kuti ivona avairipi kuwana besero kana kugarisika ko kumujimu. Ngenyi wari uno imwimwi munodikana kuvona musongano jo ciKristu jino nasirihwa ngo Zvapupu zva Jehovha? Munozowanenyi kondhoyo?

Mudakaro wo kuva pakati po vandhu vano rudo zve vanotajana. Mu zana ro kutanga ro makore, maKristu ainga akarongwa ngo ungano zve aiita musongano kuti anamate Mwari, ajijire matahwa, zve kuti avangisane. (Vaheberi 10:24, 25) Ngo kusonganirana pa mugariro wo rudo, vanojizwa kuti vari pakati po shamwari jo kadi-kadi—hama javo jo kumujimu. (2 VaTesalònika 1:3; 3 Johani 14) Itusu tinotevejera maitire akafanana zve tinowana mudakaro.

Besero ngo kujija mashandisihwe o mupango jo mu Bhaibheri. Inga mu nguva jo Bhaibheri, vanarume, vanakaji zve vana vadoko vaisongana vese pamwepo. Vajijisi vanokwanirisa vanoshandisa Bhaibheri kuti vatibesere kuziva kuti tingashandisisa kudini mupangojo mu njiku no njiku jo upenyu hwedu. (Deuteronòmio 31:12; Neemia 8:8) Vese mu vapurutani vangatoravo rutivi mukudavira panoizwa mubvunjo no kuimba zvotiita kuti titokotese vetero redu ro ciKristu.—Vaheberi 10:23.

Makomborero no kuva no gonda renyu kuna Mwari rakavangiswa. Mu postori Pauro wakati ku ungano imwe yo mazuva ake: “Ndino disisa kumuvona, . . . kuti tivangisane ngo ndava yo kutenda kwedu: kwenyu no kwangu.” (VaRoma 1:11, 12) Ku wanana kwedu nguva jese no vatendi doni pa musongano zvinovangisa gonda redu zvoticungisa kurarama mu upenyu hwo ciKristu.

Ngenyi amutendi kukokwa uku kuti muviye kuzovozwa mwega musongano jedu jo ungano jinotevera? Munozoashihwa no mudakaro. Musongano jedu jese ajiriphwi—akuzomboizwi muhengo-muhengo.

• Akacijikira papi maitihwe o musongano jedu?

• Tingabeserekesa kudini patega ngo kwenda kumusongano?