CIJIJO 58
Endereranyi Mberi Makagondeka Kuna Jehovha
Makristu okadi akacunga kutama kuita kuti ciri cese kana ari wese avareese kuna Jehovha. Ngo zvokadi kuti imwimwi munojizwa kudaro. Jehovha anoreremeja maningi kugondeka kwenyu. (Verenganyi 1 Kronike 28:9.) Ngojapi mugariro jingaeja kugondeka kwedu? Imwimwi mungajinyisisa kudini?
1. Vandhu vamweni vangaejesa kudini kugondeka kwedu kuna Jehovha?
Vandhu vamweni vanozotieja kuti tisiye kushandira Jehovha. Asi ndiyani angaita zviro zvakadaro? Vandhu vamweni vakasiya cokwadi vanonanga manyepo, ngo pamusoro po sangano ra Mwari, kuti varembese rutendo hwedu. Ivona vanodanijwa kuti vapanduki. Kusiyapo izvo, vatungamiriri vo zviara vanondhandhanisa manyepo ngo pamusoro pedu, vecieja kuti vandhu vamweni vasiye cokwadi. Azvizivi kunaka kushamwarijana no vapanduki, kuverenga mabhuku avo, kunghwina musaiti javo no kuvona mavhidhiyo avo. Jesu wakananga kudari ngo pamusoro pavaya vanoeja kuti vamweni vasiye kushandira Jehovha: “Varegerenyi! Mapofu anoperekeja mapofudoni. Bofu, rikaseseja bofudoni, ese anowira mu rindi.”—Mateu 15:14.
Waro zvakadini kudari umwe watinoziva akasiya cokwadi? Tinocamwa maningi kudari watinoda akaita izvo. Kangaije angativangirija kuti tisane iyena kana Jehovha. Tinodikana kukheta kuenderera mberi takagondeka kuna Jehovha kupinda ciri cese haco. (Mateu 10:37) Ndizvona zvinotiitisa kuti tizwire mutemo wa Jehovha wokutama kubhuya no vandhu vakadaro.—Verenganyi 1 Vakorinte 5:11.
2. Zvisungo zvedu zvingakhombijisa kudini kuti takagondeka kuna Jehovha?
Rudo hwedu kuna Jehovha unozotindundira kuti titame kubatana no zviara zvo kunyepa. Izvo zvinoda kureva kutama kuita divi ro sangano rakabatana no zviara zvomanyepo. Izvi zvinobatanija basa redu no zviro zvimwenivo. Jehovha anotivhunja kudari: “Budanyi [mu Bhabhironi Guru] vandhu vangu.”—Apokaripsi 18:2, 4.
NASANYI KUPSAKISISA
Vonanyi kuti mungaitisa kudini kuti mutame kusiya kuti ariwese arembese rutendo hwenyu kuna Jehovha. Vonanyizve kuti mungakhombijisa kudini kugondeka ngo kubuda mu Bhabhironi Guru.
3. Bhasopanyi no jijiso jokunyepa
Tingaitenyi kudari tikazwa zvakashata ngo pamusoro pa Jehovha? Verenganyi Mazwi Akangwara 14:15, perapo bhuisananyi ngo muvhunjo uwu:
-
Ngenyi tinodikana kungwarira kuti titame kutenda zvese zvatinozwa?
Verenganyi 2 Johani 10, perapo bhuisananyi ngo muvhunjo jinotevera:
-
Tinodikana kutajisa kudini vapanduki?
-
Tinozviziva kuti asipi zvoungwaru kushamwarijana no vapanduki. Asi tingagumisa kudini pakukwevejehwa ngo murangariro javo?
-
Munorangarira kuti Jehovha anojizwa kudini kudari tikagara tecipurukira zviro zvakashata ngo pamusoro pake no sangano rake?
4. Endereranyi mberi makagondeka kuna Mwari pikija hama ikaita cishaishi cikuru
Kudari tikavona kuti hama mu ungano yaita cishaishi cikuru, ngozvapi zvatinodikana kuita? Vonanyi ndhungamiriro jaakapa Jehovha ku jinja ro Iziraeri kareko. Verenganyi VaLevi 5:1.
Inga zvinonanga vhesi iyi, kudari tikaziva kuti ariwese waita cishaishi cikuru, tinodikana kozvinanga ku vakuru. Asi pakutanga zvaizova zvaushoni kuvangisa mundhuwo kuti aende ku vakuru kodekeca zvishaishi zvake. Kudari akatama kwenda, kugondeka kwedu kuna Jehovha kunotindundira kuti tiende koonanga zvatinoziva. Kuita izvi kunokhombijisa kudini rudo hwokadi . . .
-
kuna Jehovha Mwari?
-
ku mundhu washaisharo?
-
no vamweni mu ungano?
Hama kana hambzaji yecisongana no zvineso ibeserenyi!
5. Budanyi mu Bhabhironi Guru
Verenganyi Ruka 4:8 na Apokaripsi 18:4, 5, perapo bhuisananyi ngo muvhunjo jinotevera:
-
Ndiciri no zina mu ciara co manyepo here?
-
Kureva kuti ndiri wo sangano rakabatana no zviara zvo manyepo?
-
Kureva kuti basa rangu rinobesera zviara zvo manyepo ngo njira iri yese?
-
Kuno divi riri rese mu upenyu hwangu randinodikana kuparajana no zviara zvo manyepo?
-
Kudari ndadavira kuti hina pa umwe wo muvhunjo iji, icinjo japi jandinodikana kuita?
Pa mugariro jese iji, itanyi zvisungo zvinokhombija kugondeka kwenyu kuna Jehovha no kusiya hana yenyu yakacena.
Maizoitenyi kudari mukakumbihwa mupiro kuitira kubesera ciara co manyepo?
VANDHU VAMWENI VANOTI: “Inini ndinoda kuziva zvinonanga vapanduki ngo pamusoro po Zvapupu zva Jehovha, kuti ndikwanise kujivirira cokwadi.”
-
Munorangarira kuti zvaizova zvoungwaru kuita kudaro? Ngenyi?
ZVOTAJIJA
Tinoda kuenderera mberi takagondeka kuna Jehovha, ndiyo ndava atidi kubhuya no vandhu vacizivi kugondeka kwaari. Kunja ko zvondhozvo, tinodikana kuparajana no zviro zvese, zvakabatana no zviara zvo kunyepa.
Kuhwirijira
-
Ngenyi atidikani kuvona, kuverenga kana kuzwa murangariro jo vapanduki?
-
Tingatajisa kudini vandhu vakasiya cokwadi?
-
Tingazwira kudini ngwajo yo kubuda mu zviara zvo kunyepa?
ZIVANYI ZVIMWENI
Vonanyi kuti mungaitenyi vamweni pavanondhandhanisa manyepo ngo pamusoro po Zvapupu zva Jehovha.
Mungazvizivisa kudini kuti sangano iri rinobesera Bhabhironi Guru?
Vavengi vamweni vangaitenyi kuti varembese rutendo hwedu?
Kuitira kuziva kuti mupiri umweni wakaitisa kudini kuti asiye ciara co manyepo, verenganyi zviitiko zvo upenyu pa divi rinoti, “Ndaitsvaka Mwari kubvira ndichiri muduku.”
“Bhaibheri Rinochinja Upenyu” (Murindiri, No. 1 ya Julho wo 2011, Cishona)
