CIJIJO 53
Sananyi Mabungaijo Anodakajisa Jehovha
Jehovha ndi ‘Mwari wakadakara.’ (1 Timoti 1:11) Iyenavo anoda kuti itusu tivevo vakadakara. Anodakara maningi tikapsaka mukuvo wokuzorora. Pa cijijo ici, tinozovona kuti tingashandisa kudini ushoni nguva yatinonga tecibungaija, ticikakanganwi kudakajisa Jehovha.
1. Tinodikana kurangarirenyi patinosana mabungaijo?
Ngozvapi zvamunodakarira kuita kuti muzorore? Vamweni vanodakarira kugara pamuzi, vamweni kuverenga bhuku, vamweni kuzwa mumbo, vamweni kuvona mavhidhiyo kana kunghwina mu interneti. Vamweni vanodakarira kubuda no shamwari kotamba, kufamba-famba kana kubungaija ngo kutamba gemi. Azvinenyi zvatinodakarira kuita, tinodikana kusotesesa kuti mabungaijo atinosana ‘anodakajisa Mambo.’ (Vaefeso 5:10) Izvi zvinosisira kuzwisisa ngokuti, zvizinji zvinoshandiswa ngo vandhu kuti vabungaije ndizvona zvinonyangajisa Jehovha, zvakadari inga uphanga, uhure kana zviro zvo madhimoni. (Verenganyi Nduyo 11:5.) Waro ngazvapi zvingatibesera kusana ushoni mabungaijo edu?
Kudari tikasana shamwari jinoda Jehovha, jingatindundiravo kuti tisane mabungaijo anodakajisa Jehovha. Inga zvatajija sure, “ndiani anofamba no vazivi, anoita muzivi.” Ngo divi rimweni, kudari tikatamba no vandhu vacikareremeji mutemo ja Mwari, tinozoita “wakaxata.”—Mazwi Akangwara 13:20.
2. Ngenyi zvinosisira kusotesesa nguva yatinopeja tecibungaija?
Pikija kuti mabungaijo atasanaro aazivi kushata, tinodikana kubhasopa titame kupeja nguva yakawanda maningi. Izvo zvingatiita kuti titame kuva no nguva yo kuita zviro zvimweni zvinosisira maningi. Bhaibheri rinotivangisa kuti ‘tinase kushandisa nguva yedu.’—Verenganyi Vaefeso 5:15, 16.
NASANYI KUPSAKISISA
Jijiranyi kuti mungaitisa kudini zvisungo zvaushoni ngo pamusoro po mabungaijo.
3. Mucabungaija no zviro zvicikadakajisi Jehovha
Ngenyi tinodikana kunasa kukheta mabungaijo edu? Rijanyi VHIDHIYO, perapo bhuisananyi ngo muvhunjo jinotevera.
-
Kuitisa kudini mutambo jaiitwa ku Roma yo kare jakaezana no mutambo jiri kuitwa nguva ino?
-
Pa vhidhiyo iyi, Danny wakajijenyi ngo pamusoro po mabungaijo?
Verenganyi Varoma 12:9, perapo bhuisananyi ngo muvhunjo unotevera:
-
Vhesi iyi ingamubeseresa kudini pa kusana mabungaijo?
Ngozvapi zviro zvimweni Jehovha zvaanonyenya? Verenganyi Varoma 6:16, 17 na Vagaratiya 5:19-21. Perapo, bhuisananyi ngo muvhujo unotevera:
-
Zviro zvapi zvanangwa pa mavhesi aya zvinoanja kuitika mu njiku jedu jino?
Tingasanisa kudini mabungaijo aushoni
Jivhunjisenyi kudari:
-
Cinyi? Kureva kuti mabungaijo ondhowo anobatanija zviro zvinonyenywa ndi Jehovha?
-
Rini? Kureva kuti mabungaijo ondhowo anozonditapaija pa kuita zviro zvinosisira maningi?
-
Nani? Kureva kuti mabungaijo aya anondiita kuti ndive no vandhu vacikadi Jehovha?
Zvinosisira kugara ndhambo no zviro zvinotikhuvaza. Kudari tiri kukana-kana kuti mabungaijo aya akanaka kana akashata, zvinosisira kutomasiya
4. Shandisanyi ushoni nguva yenyu
Rijanyi VHIDHIYO, perapo bhuisananyi ngo muvhunjo unotevera.
-
Hama iyi yaingari pa vhidhiyo aicaivona zviro zvakashata, asi ngocapi cainga cineso?
Verenganyi Vafiripi 1:10, perapo bhuisananyi ngo muvhunjo unotevera:
-
Vhesi iyi ingatibesera kudini kusana nguva yatinopeja tecibungaija?
5. Nasanyi kungwarira pamunosana mabungaijo enyu
Kunasa kunanga, mabungaijo akawanda anonyangajisa Jehovha, asi kuno zviro zvakawanda zvatingasana kuita kuti tibungaije. Verenganyi Mucumaeri 8:15 na Vafiripi 4:8, perapo bhuisananyi ngo muvhunjo unotevera:
-
Munodakarira mabungaijo o mushovonyi?
Mungakwanisa kuva no mabungaijo anodakajisa
VANDHU VAMWENI VANOTI: “Akuna ndava kuvona mafirimi no kuverenga mabhuku anovonesa zviro zvo uphanga, uhure no zvomadhimoni, zvinosisira ikutama kuita zvirozvo.”
-
Munotivo kudini?
ZVOTAJIJA
Jehovha anoda kuti tinase kusana mabungaijo edu no kubungaija ngo zviro zvaushoni.
Kuhwirijira
-
Makristu anodikana kunyenya mabungaijo o mushovonyi?
-
Ngenyi tinodikana kungwarira nguva yatinopeja tecibungaija?
-
Ngenyi munoda kusana mabungaijo anodakajisa Jehovha?
ZIVANYI ZVIMWENI
Vonanyi ndiyani ano mutoro okusana mabungaijo enyu.
“Zvapupu zva Jehovha Zvinorambija Mavhidhiyo Amweni, Mabhuku, no Mumbo Jimweni?” (Mu interneti)
Vonanyi kuti mungasanisa kudini ushoni zvokuita kuti mubungaije.
“Zvaunovaraidzwa Nazvo Zvinobatsira Here?” (Murindiri, wa 15 ya Outubro wo 2011, Cishona)
Kuti muvone kuti ngenyi mwanarume umweni wakacinja mabungaijo ake, verenganyi zviitiko zvo upenyu “Ndakarega Kunyange Kusarura Kwandaiita Vamwe Vanhu.”
“Bhaibheri Rinochinja Upenyu Hwevanhu” (Murindiri, No. 1 wa Fevereiro wo 2010, Cishona)
Vonanyi kuti kuitisa kudini mai vamweni vakanasa kukheta pavakavona kuti zvavainga vecivona zvaibatanija zvomadhimoni.
