CIJIJO 02
Bhaibheri Rinopekeja Vetero
Kutenderera nyika yese, vandhu vari kuwanana no zvineso zvakadari inga, kucamwa no kuthimwa-thimwa. Zvineso izvi zvinoita kuti vandhu vahwajihwe. Makambosonganavo no zvineso zvakamuita kuti mujizwe kudari? Nguva jimweni muri kutosongana no kuhwaja, no kuti kufihwa ngo wamunoda. Mungatoguma pa kujiita muvhunjo wo kuti, ‘Ndinozogaravo ndicikatambujiki?’ Bhaibheri rinotipa mupinguro wakanaka ngo pamusoro po muvhunjo uwu.
1. Ngo yapi vetero yatinopuwa ngo Bhaibheri?
Bhaibheri arisananguri basi kuti ngenyi nyika yakazara ngo zvineso, asi rinonangazve kuti zvineso izvi ngo zvo nguva doko, ngo kukasika zvinozovhiswa. Zvigondiso zvo mu Bhaibheri zvingatipa “makore akawanda o ruvetero.” (Verenganyi Jeremia 29:11, 12.) Zvigondiso izvi zvinotibesera kuti tihwisane no zvineso zvatinazvo wari, zvinobeserazve kuva no mavonero akanaka pomwe no kutipa mudakaro unogara kwenda no kwenda.
2. Zvigondiso zvapi zvinonanga Bhaibheri ngo pamusoro po kumbeji?
Bhaibheri rinonanga masoko anozoitika kumbejiyo okuti “akucazovizve no kufa, kusuruvara, kucema no kuhwajihwa.” (Verenganyi Apokaripsi 21:4.) Zvineso zvinoita kuti vandhu varuze vetero nyamasi, zvakadari inga urombo, kuitihwa zvicizivi kurungama, kuhwaja no kufa, azvicazovonekizve. Bhaibheri rinogondesa kuti vandhu, vanozova no mudakaro wo kwenda no kwenda mu Paradhiso pasi pano.
3. Mungathembesa kudini kuti zvinonangwa ngo Bhaibheri zvinozoitika?
Vandhu vakawanda, vanoda kuti zviro zvakanaka zviitike, asi avana cokwadi cokuti zviro zvovari kuveteraro zvinozokwanirisika. Asi zvinogondeswa ngo Bhaibheri zvinokwarisika kamare. Tingaziva izvi ngo kunasa “kupopora Matahwa.” (Mabasa o Vapostori 17:11) Pamunonga mecijija Bhaibheri, munozosana mwega kuti zvarinonanga ngo pamusoro po kumbeji, mungazvitenda kana kuti haiwa.
NASANYI KUPSAKISISA
Psakisisanyi zviro zvimweni zvinogondeswa ngo Bhaibheri kuti zvinozoitika kumbejiyo. Vonanyi kuti kuitisa kudini vetero inonangwa ngo Bhaibheri inobesera vandhu mazuva ano.
4. Bhaibheri rinotigondesa kuti tingapona kwenda no kwenda ticina matambujiko
Vonanyi rista inotevera yo zvigondiso zvinowanika mu Bhaibheri. I cigondiso capi camunodakarira maningi? Ngenyi?
Verenganyi mavhesi ari podhopo, perapo itanyi muvhunjo iji:
-
Mumavonero enyu, kureva kuti mavhesi aya anopa vetero? Kureva kuti angapavo vetero ku mbhuri yenyu no shamwari?
Jirangarirenyi mecipona mu nyika yo kuti
|
AKUCINA NA UMWE . . . |
VESE VANOZODAKAJIHWA NGO . . . |
|---|---|
|
|
|
|
|
|
|
|
|
|
5. Zvinogondeswa ngo Bhaibheri zvino basa here
Vandhu vakawanda vanorembeswa no kucamwiswa ngo kuvona zvineso zvakavatendeneja. Vamweni vanovangisira maningi kuti vacinje mugarirowo kuti uve ushoni. Vonanyi kuti zvigondiso zvo Bhaibheri, zvinonanga kuti zviro zvinozova, ushoni zviri kubesera kudini vandhu wari uno. Rijanyi VHIDHIYO, perapo bhuisananyi ngo muvhunjo jinotevera.
-
Pa vhidhiyo, izviro zvapi zvaiitika zvicikazivi kurungama zvainga zvicikadakajisi Rafika?
-
Pikija kuti kutama kurungama kwaainga ecivona akuzivi kupera, Bhaibheri rakamubeseresa kudini?
Vetero yatinopuwa ngo Bhaibheri kuitira kumbeji, ingatibesera kuti tihwisane no kurembeswa pomwe no zvineso no takadakara. Verenganyi Mazwi Akangwara 17:22 na Varoma 12:12, perapo bhuisananyi ngo muvhunjo iji:
-
Kureva kuti masoko o ruvetero anowanika mu Bhaibheri, angamubesera kuti upenyu hwenyu uve waushoni wari uno here? Ngenyi?
VANDHU VAMWENI VANOTI: “Nee kutodini, zvigondiso izvi ngo pamusoro po kumbeji azvikwanirisiki.”
-
Ngenyi zvinosisira kuzvipsakisisa mwega kuciripi kuvhunjwa?
ZVOTAJIJA
Bhaibheri rinotipa vetero, rinotibeserazve kuti tinyise zvineso ngo kutigondesa kumbeji kwakazara ngo mudakaro.
Kuhwirijira
-
Ngenyi vandhu vanoda vetero?
-
Bhaibheri rinonangenyi ngo pamusoro po kumbeji?
-
Kuva no vetero yo kumbeji kungamubesera kudini wari uno?
ZIVANYI ZVIMWENI
Vonanyi kuti vetero yo kumbeji iri kubeseresa kudini vaya vari kusotana no ndhendha icikarapiki.
“Esperança—Uma influência real ou uma mera ilusão?” (Mukai!, Abril 22, 2004, mu ciputukezi)
Vonanyi kuti vetero yo kumbeji iri kubeseresa kudini vaya vari kusotana no ndhendha icikarapiki.
“Bhaibheri Ringamubesa Kupona no Ndhendha Icikaperi Here?” (Mu interneti)
Pamunonga mecivona vhidhiyo iyi yo mumbo, jivonenyi imwimwi no mbhuri yenyu mucibusa zvigondiso zvo Bhaibheri mu Paradhiso.
Vonanyi basi kuti upenyu wo umwe mwanarume waida kuti mugariro wo nyika ucinje, wakacinjisa kudini paakajijira ngo pamusoro po zvigondiso zviri mu Bhaibheri kuitira kumbeji.
“Handichafungi Kuti Ndinofanira Kuchinja Nyika” (Murindiri, 01 ya Julho wo 2013, Cishona)
