Nduyo 48:1-14
Ndumbo. Nduyo yo vana va Koraa.
48 Jehovha mukuru, iyena anofanera kusimbhwa,Mu dhorobha ra Mwari wedu, pa dundhu rake rakacena.
2 Dundhu ro Ziyoni riri ndhambo ku divi ro kanjikazi,Rakaseja maningi ngo ndava yokuseja kwaro,Irona rinodakajisa nyika yese ngokuti ndi dhorobha ra Mambo Mukuru.
3 Mu rusingo jakavangiswa jo dhorobha,Mwari wakajiita kuti azivike inga citiziro cakangwaririka pa ndau yakakhwirira.
4 Vonanyi! Majimambo akaungana;Akaenderera mberi ari ese pamwepo.
5 Pavakavona dhorobha, vakabararika hwiru.
Vakathya, votiza vecindhya-ndhya.
6 Kondhoyo, vakabathwa ngo kuthya,Vobathwazve ngo kuhwajihwa inga mwanakaji ari kuda kubara.
7 Mwari anoita kuti mbhepo yo kumavhazuva iphwanye piketi jo ku Tarishishi.
8 Zviya zvatakazwa zvecibhuiwa, wari tazozvivona ngo meso edu kamareMu dhorobha ra Jehovha wo hondo, mu dhorobha ra Mwari wedu.
Mwari anozorivangisa mbhera narini. (Sera)
9 Mwari wedu, tinorangarijisisa ngo ndava yo rudo hwenyu hucikacinji,Patinonga tiri mu themberi yenyu.
10 Mwari wedu, inga zvinoitika no zina renyu,Kusimbhwa kwenyu kunoguma mbhera kumagumo o nyika.
Mukono wenyu wo muho wakazara ngo ururami hwenyu.
11 Dundhu ro Ziyoni ngaridakare,Madhorobha o Judha ngaadakare ngo ndava yo matongero enyu.
12 Tendenejanyi Ziyoni, muripoterere;Verenganyi rusingo jaro.
13 Dakaranyi ngo ndava yo mupfimbiji jaro jakavangiswa.
Sotesesanyi rusingo jaro jakavangiswa,Kuti muzovhunjevo mubarihwana jinozoza ngo pamusoro pazvo.
14 Ngokuti Mwari uwu, ndi Mwari wedu mbhera narini, kwenda no kwenda.
Iyena anozotitungamirira mbhera na rini.*
Masoko o Pasi
^ Kangaije: “mbhera kufa kwedu.”
