Nduyo 149:1-9
149 Simbanyi Jehovha!*
Imbiranyi Jehovha ndumbo imbza;Musimbenyi mu ungano yo vandhu vakagondeka.
2 Iziraeri ngaidakarire Musiki wayo Mukuru;Vana vo Ziyoni ngavadakare na Mambo wavo.
3 Ivona ngavasimbe zina rake vecitambaNgavamuimbire ndumbo jo kumusimba vecishandisa ngoma no cimadangari.*
4 Ngokuti Jehovha anodakarira vandhu vake.
Anosejesa vandhu vakapfava ngo ruponeso.
5 Vandhu vakagondeka, ngavadakare ngo kukujwa kwavo;Ngavakhuwe ngo mudakaro pa kama javo.
6 Pa muromo pavo, ngapave no ndumbo jo kusimba Mwari,Mu nyara mwavo mova no banga rinoceka mativi maviri,
7 Kuti ahwirijire majinjaNo kutambuja vandhu,
8 Kuti asunge majimambo avo ngo magaragajeroNo kusunga vandhu vavo vanoreremejwa ngo njinga jo simbi,
9 Kuti avatonge mukuzwirana no zvakatahwa ngo pamusoro pavo.
Kusimbhwa uku kunofanera vandhu vese vakagondeka.
Simbanyi Jehovha!*
Masoko o Pasi
^ Kana: “Areruya!” Kana: “Jah.” Uku ikugurisihwa ko zina ra Jehovha.
^ Thurusi rinoshandiswa pa kurija mumbo. Ngo ciputukezi rinodaninjwa kuti harpa.
^ Kana: “Areruya!” Kana: “Jah.” Uku ikugurisihwa ko zina ra Jehovha.
