Jobe 33:1-33
33 “Asi wari Jobe, ndapota,Izwai masoko andinodari kunanga pano
Izwai zvese zvandinodari kubhuya.
2 Nasai kupurutana!*Ndinozofunungura mwoyo wangu,
Rurimi hwangu hwovereketa.
3 Masoko angu anovonesa kururama ko mwoyo wanguMuromo wangu unobhuya ngo mwoyo wese zvandinoziva
4 Inini ndakaithwa ngo mujimu wa MwariMwiha wa Mwari Womasimba Ese unondiita kuti ndirarame.*
5 Ndidavirei kudari wecikwanisa;Nangai zvese zvaunazvo pamberi pangu;
Nasirirai.
6 Vonai! Pamberi pa Mwari wo cokwadi,Inini ndakatojanavo na iwewe;
Inini ndakaithwavo ngo mavhu.
7 Iwewe audikani kutetemera ngo pamusoro po kundithya,Nee zvandinoda kubhuya, azvidikani kukupeja simba.
8 Asi inini ndakakuzwa wecinanga kudari,Hina, ndakakuzwa kazinji kamare wecinanga masoko aya:
9 ‘Ndakacena, andizivi kushaisha;Ndakacena andizivi kuposa.
10 Asi Mwari anowana mathangwe okundihwisa;Iyena anondivona inga ndiri muvengi wake.
11 Iyena anodira soka jangu mu danda;Anopopora makwanja angu ese.’
12 Asi iwewe auna razau yokunanga zvondhozvo,
Ngo kudaro, ndinozokudavira.
Mwari, mukuru maningi kupinda mundhuwo hake.
13 Uri kundon’gun’gutirenyi?
Uri kuzviita ngo pamusoro pokuti iyena aazivi kukudavira masoko ako ese here?
14 Ngokuti Mwari anovereketa kamwe kana kaviri,Asi apana mundhu anomupurutana,*
15 Iyena anozviitira mu hope mu zvivoniso zvo usikuVandhu pavanonga vakati titiiti mu hopePavanonga vakavata pa mubhedhu* javo.
16 Pondhopo iyena anofunungura njeve javoWovavhunja mutemo jake,
17 Kuti areyese mundhu ku zviito zvakashataWomujivirira kuti atame kujikuja.
18 Mwari anoponesa upenyu* hwake kuti atame kwenda mu rindi*Upenyu hwavo hunopejwa ngo banga.*
19 Mundhu anopangihwa ngo kuhwaja paanonga ari pa mubhedhu wake*No kugara ecihwaja kunonga kucingaperi mu maphondo ake,
20 Zvoitisa kuti iyena* asembhuswe ngo kuvona zvokuha,Iyena anonyenya pikija zvokuha zvaushoni.
21 Nyama yake inofota,Maphondo ake ainga acikanasi kuvoneka,
Asi wari otovonekavo.
22 Upenyu* hwake huri kukhwederera rindi.*Ihwona huri kukhwederera rufu.
23 Kudari pakava no ndhumwa* ingaenda kwaari,Ndhumwa ingamujivirira pakati po 1.000,Kuti ivhunje mundhu endhowo zviro zvakarungama,
24 Mwari anozomuitira unyasha, womuvhunja kudari:‘Muponesei kuti atame kwenda mu rindi!*
Ndawana cokumusujunura ndicona!
25 Nyama yake ngaiitezve imbza kupinda yo* mujaha;Ngaavezve no simba raaingaya naro aciri mujaha.’
26 Iyena anozodeketerera Mwari,Mwari anozomupekejaIyena anozovona kumeso ka Mwari kwecikhuwa ngo mudakaro,
Mwari anozopekejazve mundhu ururami hwake.
27 Mundhu endhowo anozovhunja* vandhu kudari:‘Ndakashaisha, ndakaposa mutemoAsi andizivi kuashira zvandaifanera.*
28 Iyena wakandiponesa* kuti nditame kwenda mu rindi,*Ndinozoenderera mberi ndecivona* ruvheneko.’
29 Kunasa kunanga, Mwari anoita zvese izvi,Iyena anozviitira mundhu, kaviri kana katatu,
30 Kuti amubudise mu rindi* no kumuvhenekera ngo ruvheneko hwo upenyu
31 Purutanai* Jobe! Ndizwei!
Nyararisai, ngokuti inini ndicada kwenderera mberi ndecivereketa.
32 Kudari uno zviro zvokuvereketa, ndidavirei.
Vereketai, ngokuti ndiri kuda kukuvonesa kuti iwewe auzivi kushaisha.
33 Kudari ucina ciri cese cokuvereketa, ndizwei;Nyararisai, inini ndinoda kukujijisa uzivi.”
Masoko o Pasi
^ Kana: “kupurukira.”
^ Kana: “ndipone.”
^ Kana: “anomupurukira.”
^ Kana: “kama.”
^ Gama ngo Gama: “mwiha.”
^ Kana: “guva.”
^ Kana: “mathurusi anoshandiswa ku hondo (anoita ngo kukhandihwa.”)
^ Kana: “kama yake.”
^ Gama ngo Gama: “upenyu hwake.”
^ Kana: “guva.”
^ Gama ngo Gama: “Mwiha.”
^ Kana: “ngirozi.”
^ Kana: “mu guva.”
^ Kana: “Iyena ngaavezve no uhomi hwakanaka kupinda.”
^ Kana: “anozoimbira.”
^ Kangaije: “Izvi azvizivi kundibesera.”
^ Kana: “iyena wakaponesa mwiha wangu.”
^ Kana: “guva.”
^ Gama ngo Gama: “upenyu hwangu hunozovona.”
^ Kana: “guva.”
^ Kana: “Purukirai.”
