Jobe 26:1-14
26 Jobe wakadavira kudari:
2 “Munorangarira kuti makabesera wiya acina simba?
Munorangarira kuti makabesera mundhu wakarembejeka?
3 Munorangarira kuti makatopekejavo mbhangiro yakanaka ku mundhu acina hwiru?
Makatokhombijiravo uzivi unobesera ngo mwoyo wese?
4 Uri kueja kubhuya na ani?Ndiyani wakuita kuti ubhuye izvi?
5 Vaya vacina simba murufu, vanotetemera;Vari pasi po jombe no zvese zvirimo.
6 Guva,* riri mitu pamberi pa Mwari.Ndau yokuparajwa aizivi kufukijwa.
7 Iyena wakawaja* denga ro kanjikazi pacina ciro.Opakaika* nyika pacina ciro.
8 Iyena anofukutira kumwa mu makore,Oita kuti iwona atame kumweka ngo ndava yo kurema kwayo.
9 Anofukijira kadera yake yo umambo.Owaja gore rake panyezuru payo.
10 Anotara panosongana denga no nyika panyezuru po kumwa.Anodira muganwa pakati po ruvheneko no cidima.
11 Njiki jo denga, jinozungunyiswa.Jinokahamara ngo kutuka kwake.
12 Iyena anovhundura jombe ngo simba rake.Anogura-gura zinyama ro mukumwa* ngo uzivi hwake
13 Ngokufurija kwake, iyena anocenesa denga.Nyara yake inobaya nyoka iri kugwezva.
14 Zvatazwari, izviro zvidoko maningi pakati po zviro zvaanoita.Tazwa ciweye-weye* basi ngo pamusoro pake!
Waro ndiyani angakwanisa kuzwisisa kutindhira ko simba rake?”
Masoko o Pasi
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “wakayaja.”
^ Kana: “Wopaika.”
^ Gama ngo Gama: “Rahabhe.”
^ Kana: “makwete-kwete”
