Isaya 9:1-21
9 Ngo kudaro, cidima ici, acizoiti inga cidima cakaitika mu nyika yo Zebhuroni no mu nyika ya Naftari pajaishohwa, pa mukuvo wokuti nyika yainga yecitambukija. Asi pakufamba ko nguva iyena anozoita kuti gwanja riri phedo no jombe mu mutundhu wo Jordhani no Garireya ro majinja amweni rikujwe.
2 Vandhu vaya vaifamba mu cidimaVakavona ruvheneko hwakakura.
Vaya vaigara mu nyika ino cidima cakakura maningi,Vakavhenekehwa ngo ruvheneko.
3 Makaita kuti jinja ravo rive no vandhu vakawanda;Moita kuti ivona vadakare maningi.
Ivona vanodakara pamberi penyuInga kudakara kunoitwa ngo vandhu pamukuvo wo kukotora,Inga kudakara kunoitwa ngo vandhu pavanonga vecikovanisana kafani.
4 Ngokuti makagura kanga yovainga vakathwaraNdonga yainga pamapfuji* pavo, mushakwe wo mushuphi,Inga zvamakaita mu njiku ya Midhiyani.
5 Mabhota ese anofamba ecitetemeresa nyikaNo nguvo jese jakazara ngo sangiZvinozoita inga huni jinodihwa pa muriro.
6 Ngokuti tabarihwa mwana,Tapuwa mwana;Umambo unozova pamapfuji* ake.
Iyena anozoduhwa zina rokuti Mupangiri Anoshamaisa, Mwari ano Simba, Baba Vacina Magumo, Mutungamiriri wo Runyararo.
7 Utongi hwake unozoenderera mberi wecikuraRunyararo unozoenderera mberi,Uri pacigaro co umambo ca Dhavhidhi no pa umambo hwakeKuti auvangise no kuusapotaEcishandisa ururami no urungami,Kutangira wari mbhera narini.
Jehovha wo hondo anozozviita ngo mwoyo wake wese.
8 Jehovha wakatumira masoko o rutongeso kuna Jakobe,Asi iwona akagumira Iziraeri.
9 Vandhu vese vanozozvizivaEfraimi no vagari vo SamariyaAvo vanobhuya masoko okuzvikuja no mwoyo yavo inozvitutumaja veciti:
10 “Zvidhina zvakawa,Asi itusu tinozovaka ngo mapuwe akacecwa.
Muti yo musikamore* yakatemwa,Asi itusu tinozoicinja ngo muti yo sedhro.”
11 Jehovha anozoita kuti vavengi va Rezini vamuhwiseAnozoitazve kuti vavengi vo Iziraeri vavahwise,
12 Siriya icivha kumavhazuva, Vafiristi vecivha kumavirira,Vanozoshamisa muromo voha Vaiziraeri.
Ngo ndava yo zvese izvi, ushungu hwake auzivi kupera,Nyara yake icakandotambanujwa kuti avahwise.
13 Ngokuti vandhu avazivi kuhwirira ka Wiya anovahwisa;Ivona avazivi kupsaka Jehovha wo hondo.
14 Jehovha anozogura mu nyika yo Iziraeri,Musoro no mushe, thobwe ro muti no sora rakareba pa njiku imwe.
15 Mwanarume waamusharuka anoreremejwa maningi ndiyena musoro,Muporofeti anojijisa zvokunyepa ndiyena mushe.
16 Vaya vanotungamirira vandhu ndivona vanovaita kuti vaherereke,Vari kutungamirihwa vavhiringijika.
17 Ngo kudaro, Jehovha aadakariri majaha ari pakati pavo,Aazoitiri usizi ndherera javo no noni javoNgokuti ivona ivapanduki no vashaishiVese vanobhuya zviro zvo upenji.
Ngo ndava yo zvese izvi, ushungu hwake auzivi kupera,Nyara yake icakandotambanujwa kuti avahwise.
18 Ngokuti ushati unopisa inga muriro,Wecipeja mamuti ano muzwa no sora.
Ozopisa mamuti o mugwasha,*Anozocinja oita makwiti o usi.
19 Ngo ndava yo ushungu wa Jehovha wo hondoNyika iyi yapiswa ngo muriro,Vandhu vanozoita inga huni jo muriro.
Apana anozoitira pena umweni, pikija hama yake.
20 Umwe anozogura ku muho, wohaAsi anozoenderera mberi ano njara;Umweni anozoha ku boshwe asi aazoguti.Umwe na umwe anozoha mushuna wo mukono wake kamare,
21 Manase anozoha Efraimi,Efraimi anozoha Manase.
Vovaviri vanozohwisa Judha.
Ngo ndava yo zvese izvi, ushungu hwake auzivi kupera,Nyara yake icakandotambanujwa kuti avahwise.
Masoko o Pasi
^ Vonanyi Kudurujihwa ko Magama.
^ Vonanyi Kudurujihwa ko Magama.
^ Mushovo umweni wo muti wo mufigu.
^ Kana: “mafusi omugwasha.”
