Isaya 48:1-22
48 Izwanyi izvi, imwimwi vo nyumba ya Jakobe,Imwimwi muzvidaninje ngo zina ra IziraeriImwimwi makabuda mu kumwa* ya Judha,Imwimwi munopika ngo zina ra JehovhaMunodaninja zina ra Mwari wo Vaiziraeri,Asi amuzviiti ngo mwoyo wese nee ngo njira yakarungama.
2 Ngokuti vanozvidaninja pacavo ngo zina ro dhorobha rakacenaVopsaka besero ra Mwari wo Vaiziraeri,Uwo ano zina rokuti Jehovha wo hondo.
3 “Inini ndakamuvhunja kare zviro zvakapera kuitika.
Izvona zvakavha pa muromo wangu kamare,Inini ndakazvizivisa.
Ngo civhumbu ndakazviita, izvona zvakaitika.
4 Ngokuti ndaizviziva kuti iwewe wakavoma musoroMujira wo musipa wako wakaezana no simbi, huma yako ngo yo utare.
5 Inini ndakakuzivisa kare.
Ndakaita kuti uzvizive zvicito zvaitika,Kuti iwewe utame kunanga kudari: ‘Cithombe cangu ndicona cakazviita;Cithombe cangu cakavezwa no cithombe cangu cakanyunguruswa ndizvona zvakaita kuti zviro izvi zviitike.’
6 Iwewe wakazwa no kuvona zviro zvese izvi.
Waro auzvivhunjivo vamweni here?
Kuvhira wari, ndiri kukuzivisa zviro zvipsa,Zviro zvakafisika zvaucizivi kumboziva.
7 Izvona zviri kutanga kusikwa wari, azvizivi kusikwa kare,Mbhera nyamasi wainga ucizivi kumbozwa ngo pamusoro po zviro izvi,Kuti utame kunanga kudari: ‘Inini ndaizviziva izvi.’
8 Haiwa, iwewe auzivi kuzvizwa, iwewe aucazvizivepi,Kuvhira kare, iwewe wakaenderera mberi wakafunga njeve jako.
Ngokuti ndinozviziva kuti unocengeja maningi,Uri kudaninjwa kuti mushaishi kuvhira pawakabahwa.
9 Asi ngo ndava yo zina rangu, inini ndinozongwarira ushungu hwangu;Ngo ndava yo kukujwa kwangu inini ndinozojibata,Andizokuurai.
10 Izwai! Inini ndakakusuka, asi asipi masukihwe anoizwa sirivha.
Inini ndakakupopora pa coto co dambujiko.
11 Ngo ndava yo zina rangu, hina, ngo ndava yo zina rangu kamare ndinozozviita,Ndaizosiisa kudini zina rangu recisvipiswa?
Andipekeji kukujwa kwangu ku mundhu ari wese.
12 Ndizwei iwewe Jakobe na iwewevo Iziraeri wandakadaninja.
Inini ndiri umwewo. Inini ndiri wokutanga, ndirizve wokupejisira.
13 Nyara yangu kamare ndiyona yakadira maambo o nyika,Nyara yangu yo muho ndiyona yakawaja matenga.
Pandinozvidaninja, izvona zvinomuka pamwepo.
14 Ungananyi imwimwi mwese, muzwe.
Ndiyani pakati pavo wakazivisa zviro izvi?
Wiya wakadiwa ndi Jehovha.
Iyena anozoita zvaanoda mu Bhabhironi,Mukono wake unozohwisa Vakaradhiya.
15 Ndini ndakavereketa no kumudaninja.
Ndini ndakamuviisa, ndinozoita kuti gwanja rake ribudirire.
16 Khwederanyi phedo, muzwe izvi.
Kuvhira pakutanga andizivi kumbovereketa mu njira yakafisika.
Inini ndainga ndiripo zviro pazvakaitika.”
Asi wari, Mambo Mukuru-kuru Jehovha wandituma ecishandisa mujimu wake.
17 Jehovha Muponesi wako, Mucena wo Vaiziraeri anonanga kudari:
“Inini Jehovha, ndiri Mwari wako,Wiya anokujijisa zviro zvinokubesera,Wiya anokutungamirira mu gwanja raunodikana kufamba.
18 Kudari nowaizwira mupango yangu!
Runyararo hwako hwaizoita inga muramboKururama kwako kwaizoita inga mavimbi* o mujombe.
19 Vana vako vaizowanda inga musangaMubarihwana ozova inga musanga.
Mazina avo aacaizovhiswepi nee kupfujuhwa pamberi pangu.”
20 Budanyi mu Bhabhironi!
Tizanyi Vakaradhiya!
Zivisanyi izvi ngo izwi ro kudakara! Zvitokotesenyi!
Zvizivisenyi mbhera kumagumo o nyika.
Meciti: “Jehovha waponesa Jakobe mushandiri wake.
21 Paaivaseseja mu zvipare ivona avazivi kuzwa nyota.
Iyena wakavabudisira kumwa pa buwe;Iyena wakaphwanya buwe robuda kumwa.”
22 Jehovha anoti: “Vashaishi avana runyararo.”
