KUTANGISA MABHUYO
CIJIJO 3
Khombijanyi Unyasha
Ndhungamiriro: “Rudo uno . . . unyasha.” —1 VaK. 13:4.
Jesu Wakaitenyi?
1. Wonanyi VHIDHIYO, kana verenganyi Johani 9:1-7. Mapeja bhuisananyi ngo muvhunjo jinotevera:
-
Ngazvipi zvakaizwa ndi Jesu pakutanga, kubhuya kuti wakalapa bofu riya kana kuti wakatanga ngo kuriparijira?—Wonanyi Johani 9:35-38.
-
Ngenyi mabhuire akaita Jesu akabesa mwanarume uwu kuti ade kuzwa masoko akanaka?
Tinojijenyi ngo Zvakaizwa ndi Jesu?
2. Mundhu unozoda kuzwa masoko atiri kuparijira kudai akawona kuti tinoneseka ndiena.
Tevejeranyi Jesu
3. Ejanyi kuzwisisa kuti mundhuwo uri kuzwa kudini. Langariranyi kuti kudai muri yemwi maizozwa kudini.
-
Jivhujisenyi kuti: ‘Ari kuneseka ngo pamusoro penyi? Ngazvipi zvingamubesa uye no zvaanodakarira?’ Kuita izvi zvinozoita kuti pamunoitira mundhu zvakanaka zvinozonasa kukhombija kuti mazviita ngo mweyo wese.
-
Khombijanyi kuti muno rudo no mundhu paanonga esibhuya mazwiro ake. Kudai mundhuwo akamuvhunja mazwiro ake kana dambujiko laari kusangana nalo, musacinja mabhuyowo.
4. Bhuyanyi naye ngo maitiro akanaka uye anowonesa nderemejo. Pamunozwira unyasha mundhu, moda kumubesa unozozviwona ngo mavereketere enyu kamare. Ngwariranyi zviro zvamunovereketa no mavereketere amungazviita mongwarira kubhuya masoko anozomuwaja.
5. Ivanyi mundhu anobesa. Psakanyi mukana wakanaka kuti mubese mundhu ngo zvakanaka. Kuva mundhu wakanaka mweyo kungavhula mukana kuti mutangise mabhuyo.
