Ungenzani Ukuze Uzwisise IBhayibhili?
Impendulo yeBhayibhili
IBhayibhili lilamacebo azakuncedisa ukuthi ulizwisise. Kungelani lokuthi ungubani, ungawazwisisa amazwi aseBhayibhilini ngoba ‘awanzima kakhulu njalo awakhatshana lawe.’—UDutheronomi 30:11.
Okungakunceda uzwisise iBhayibhili
Woba ngumuntu othobekileyo. Kwamukele ukuthi iBhayibhili liLizwi likaNkulunkulu futhi ube ngumuntu othobekileyo ngoba uNkulunkulu umelana labaziphakamisayo. (1 KwabaseThesalonika 2:13; UJakhobe 4:6) Kodwa akumelanga uphongukholwa loba yini oyizwayo ungelabufakazi. Phela uNkulunkulu ufuna usebenzise ‘amandla akho okucabanga.’—KwabaseRoma 12:1, 2.
Thandaza ucela ukuhlakanipha. IBhayibhili lithi “ungathembi okwakho ukuzwisisa.” (IZaga 3:5) Kodwa ‘qhubeka ucela ukuhlakanipha kuNkulunkulu’ ukuze uzwisise iBhayibhili.—UJakhobe 1:5.
Kwenze zikhathi zonke. Zama ukubala iBhayibhili nsuku zonke kulokuthi ulibale lapha lalaphayana.—UJoshuwa 1:8.
Khetha indaba ofuna ukuyibala. Khetha indaba eyodwa ngasikhathi sinye ukuze uzwisise ukuthi iBhayibhili lithini ngayo. Ungaqalisa ngokulula besekusithi ngokuya kwesikhathi ubusufunda ‘okwabavuthiweyo’ loba okwabalokholo oluqinileyo. (KumaHebheru 6:1, 2) Ukukhetha izihloko kuzakunika ithuba lokuthi uqathanise amavesi atshiyeneyo futhi kuzakunceda lokuthi uyizwisise ngcono iMibhalo, ikakhulu leyo ekhanya ‘inzima ukuzwisisa.’—2 UPhetro 3:16.
Ncediswa ngabanye. IBhayibhili lisikhuthaza ukuthi samukele ukuncediswa ngabanye abantu abangabe belizwisisa ngcono kulathi. (ImiSebenzi 8:30, 31) OFakazi BakaJehova balohlelo lokufunda labantu iBhayibhili mahala. Benza lokho okwakusenziwa ngamaKhristu akuqala ngoba labo bachasisela abantu iMibhalo njalo babonisane labo ukuze bayizwisise.—ImiSebenzi 17:2, 3.
Ongakudingiyo ukuze uzwisise iBhayibhili
Ukuba ngumuntu ofunde kakhulu. Abaphostoli bakaJesu abangu-12 babeyizwisisa iMibhalo njalo beyifundisa abanye lanxa abantu babesithi ‘abafundanga futhi bangabantu makhaza.”—ImiSebenzi 4:13.
Akudingi ukuthi ube lemali. Ungazifundela iBhayibhili mahala. UJesu watshela abafundi bakhe wathi: “Lamukele mahala, phanini mahala.”—UMathewu 10:8.
Nanku Okunye
IMIBUZO YEBHAYIBHILI IYAPHENDULWA
IBhayibhili
Qalisa ukubala ilizwi likaNkulunkulu uzwe ukuthi limumetheni.
OKUMAYELANA LATHI
Kungani Kumele Ulifunde IBhayibhili?
IBhayibhili linceda izigidi zabantu emhlabeni wonke ukuthi zithole izimpendulo zemibuzo ehluphayo ekuphileni. Ungathanda ukuthi lawe uthole izimpendulo?
INQABAYOKULINDA
Okungakunceda Ukuthi Uzwisise IBhayibhili
Kungani kumele uncediswe ukuthi ulizwisise iBhayibhili nxa kuyikuthi lilotshwe ngendlela elula?
ESSENTIAL BIBLE TEACHINGS
Singakwazi Njani Ukuthi IBhayibhili Lileqiniso?
Nxa iBhayibhili labhalwa nguNkulunkulu akufanelanga lifanane laloba yiliphi elinye ibhuku.
Ezinye Izihloko
Uhlelo Lokubala IBhayibhili
Uhlelo lolu luzakunceda kungelani lokuthi ufuna ukubala iBhayibhili nsuku zonke, kumbe ufuna ukubala ngembali yama-Israyeli, kumbe ufuna ukulibala ukuze uliqede ngomnyaka loba nxa ufuna ukuqalisa ukulibala.
